2 Sarakuna 17:39 - Littafi Mai Tsarki

³⁹ Amma su yi tsoron Ubangiji Allahnsu, shi kuwa zai cece su daga hannun dukan abokan gābansu.

Sabon Rai Don Kowa 2020

³⁹ Maimakon haka, ku yi wa Ubangiji Allahnku sujada; shi ne zai cece ku daga hannun abokan gābanku.”

2 Sarakuna 17:39 ပူးပေါင်းရင်းမြစ်များ

Luka 1:50

Daga zamanai ya zuwa wani zamani, Jinƙansa yana ga waɗanda suke tsoronsa.

Mattiyu 10:28

Kada ku ji tsoron masu kisan mutum, amma ba sa iya kashe kurwarsa. Sai dai ku ji tsoron wannan da yake da ikon hallaka kurwar da jikin duka a Gidan Wuta.

Irmiya 10:7

Wane ne ba zai ji tsoronka ba, ya Sarkin dukan al'ummai? Ka isa a ji tsoronka, Gama babu kamarka a cikin dukan masu hikima na al'ummai, Da kuma cikin dukan mulkokinsu, Ba wani kamarka.

Nehemiya 9:27

Saboda haka ka bar abokan gābansu su ci su, mallake su. A wahalarsu sun yi kira gare ka domin taimako, Ka kuwa amsa musu daga Sama. Ta wurin jinƙanka mai yawa ka aiko musu da shugabanni, Waɗanda suka kuɓutar da su daga maƙiyansu.

2 Sarakuna 17:36

Amma su yi tsoron Ubangiji, wanda ya fisshe su daga ƙasar Masar da iko mai girma da ƙarfi, shi za su yi wa sujada, shi kuma za su miƙa wa hadayu.

1 Samaʼila 12:24

Ku dai ku yi tsoron Ubangiji, ku bauta masa da aminci, da zuciya ɗaya. Ku tuna da manyan al'amuran da ya yi muku.

Luka 1:71

Yă cece mu daga abokan gābanmu, Har ma daga dukan maƙiyanmu.

2 Sarakuna 17:38

Kada su manta da alkawarin da ya yi da su, kada kuma su ji tsoron gumaka.

2 Sarakuna 17:40

Duk da haka ba su kasa kunne ba, amma suka yi kamar yadda suka saba yi tun dā.

1 Samaʼila 7:3

Sa'an nan Sama'ila ya ce wa mutanen Isra'ila, “Idan da zuciya ɗaya kuke komowa wurin Ubangiji, to, sai ku rabu da baƙin alloli, da gumakan nan Ashtarot. Ku sa zuciyarku ga bin Ubangiji, ku bauta masa shi kaɗai, shi kuwa zai cece ku daga hannun Filistiyawa.”