2 Samaʼila 22:11 - Littafi Mai Tsarki

¹¹ Ya hau kerub, ya tashi sama, Ya yi tafiya ta fikafikan iska.

Sabon Rai Don Kowa 2020

¹¹ Ya hau kerubobi, ya tashi sama; ya yi firiya a fikafikan iska.

2 Samaʼila 22:11 ပူးပေါင်းရင်းမြစ်များ

Zabura 104:3

Ka gina wurin zamanka a bisa kan ruwan da yake sama. Gajimare ne karusanka, A bisa kan fikafikan iska kake tafiya.

Zabura 18:10

Ya sauko ta bisa bayan kerubobi, Yana tafe da sauri a kan fikafikan iska.

Ibraniyawa 1:14

Ashe, dukan mala'iku ba ruhohi masu hidima ba ne, waɗanda Allah yakan aika, don su yi wa waɗanda za su gāji ceto hidima?

Ezekiyel 9:3

Ɗaukakar Ubangiji kuwa ta tashi daga kan siffar kerubobi inda take zaune zuwa bakin ƙofar Haikalin. Sai Ubangiji ya kira mutumin da yake saye da rigar lilin, wanda yake rataye da gafaka.

Zabura 139:9

In na tashi sama, na tafi, na wuce gabas, Ko kuma na zauna a can yamma da nisa,

Zabura 99:1

Ubangiji Sarki ne, Mutane suna rawar jiki, Yana zaune a bisa kursiyinsa a bisa kerubobi, Duniya ta girgiza.

Zabura 80:1

Ka kasa kunne gare mu, ya Makiyayin Isra'ila, Ka ji mu, kai da kake shugaban garkenka, Da kake zaune a kan kursiyinka, a bisa kerubobi.

Zabura 68:17

Daga Sinai da dubban manyan karusansa, Ubangiji ya zo tsattsarkan Haikalinsa.

1 Samaʼila 4:4

Sai suka aika zuwa Shilo aka kawo akwatin alkawarin Ubangiji Mai Runduna, wanda yake zaune a tsakanin kerubobi. 'Ya'yan nan na Eli, maza guda biyu, wato Hofni da Finehas, suna tare da akwatin alkawarin.

Fitowa 25:19

Siffar kerub ɗaya a kowane gefe. Ku yi su ta yadda za su zama ɗaya da murfin.

Farawa 3:24

Ya kori mutum kuma a gabashin gonar Aidan, ya kafa kerubobi, da kuma takobi mai harshen wuta wanda yake jujjuyawa ko'ina don su tsare hanya zuwa itacen rai.

2 Samaʼila 6:2

Sai ya tafi tare da su duka zuwa Kiriyat-yeyarim domin ya kawo akwatin Alkawarin Allah, wanda ake kira da sunan Ubangiji Mai Runduna wanda yake zaune a tsakanin kerubobin.