1 Samaʼila 20:32 - Littafi Mai Tsarki

³² Jonatan ya ce wa mahaifinsa, “Me ya sa za a kashe shi? Me ya yi?”

Sabon Rai Don Kowa 2020

³² Yonatan ya ce wa mahaifinsa, “Me ya sa zai mutu? Me ya yi?”

1 Samaʼila 20:32 ပူးပေါင်းရင်းမြစ်များ

Mattiyu 27:23

Ya ce, “Ta wane halin? Wane mugun abu ya yi?” Amma su sai ƙara ɗaga murya suke ta yi, suna cewa, “A gicciye shi!”

1 Samaʼila 19:5

Ya yi kasai da ransa har ya kashe Bafilisten, Ubangiji kuwa ya ba Isra'ilawa babbar nasara. Kai ma ka gani, ka kuwa yi murna. Me ya sa za ka ɗauki alhakin Dawuda, wanda bai yi maka laifin kome ba?”

Luka 23:22

Ya sāke faɗa musu, a faɗa ta uku, “Ta wane hali? Wane mugun abu ya yi? Ai, ban sami dalilin kisa a gare shi ba. Saboda haka, zan yi masa bulala in sake shi.”

Farawa 31:36

Yakubu ya husata, ya yi wa Laban faɗa, ya ce wa Laban, “Wane laifi na yi, mene ne zunubina da ka tsananta bina?

Yohanna 7:51

“Ashe, shari'armu takan hukunta mutum tun ba a ji daga bakinsa ba, an kuma san abin da yake ciki?”

Irmiya 17:9

“Zuciya ta fi kome rikici, Cuta gare ta matuƙa, Wa zai san kanta?

Mai Hadishi 9:3

Duk makomarsu ɗaya ce, wannan ita ce ɓarnar da take faruwa a duniya. Muddin mutane suna da rai tunaninsu cike yake da mugunta da rashin hankali. Bayan haka sukan mutu.

Mai Hadishi 7:9

Ka kame fushinka, Gama wawa ne yake cike da fushi.

Karin Magana 22:24

Kada ka yi abuta da mutane masu zafin fushi, ko masu zafin rai.

1 Samaʼila 20:7

Idan ka ji ya ce, ‘Da kyau,’ to, baranka zai tsira ke nan, amma idan ya husata, to, sai ka sani yana niyyar kashe ni ke nan,

1 Samaʼila 18:11

Yana cewa a ransa, “Zan nashe shi in kafe shi da bango.” Sau biyu yana cakar Dawuda da mashi, amma Dawuda ya goce.

1 Samaʼila 19:4

Jonatan kuwa ya yabi Dawuda a gaban Saul, ya ce masa, “Kada sarki ya yi wa baransa, Dawuda, laifi, gama shi bai yi maka laifi ba, ayyukansa kuma a gare ka masu kyau ne.

1 Samaʼila 22:14

Ahimelek kuwa ya ce wa sarki, “Daga cikin barorinka duka wa yake da aminci kamar Dawuda? Wane ne surukin sarki? Wane ne shugaban jarumawanka, wanda ake girmamawa a gidanka?

1 Samaʼila 20:1

Sa'an nan Dawuda ya gudu daga Nayot ta Rama, ya zo wurin Jonatan, ya ce masa, “Me na yi? Mene ne laifin da na yi wa mahaifinka da yake so ya kashe ne?”