1 Korintiyawa 9:20 - Littafi Mai Tsarki

²⁰ Ga Yahudawa, sai na zama kamar Bayahude, domin in rinjayi Yahudawa. Ga waɗanda Shari'a take iko da su, sai na zama kamar wanda Shari'a take iko da shi, ko da yake ba Shari'a take iko da ni ba, domin in rinjayi waɗanda Shari'a take iko da su ne.

Sabon Rai Don Kowa 2020

²⁰ Ga Yahudawa na zama kamar mutumin Yahuda, domin in rinjayi Yahudawa. Ga waɗanda suke ƙarƙashin doka kuma, na zama kamar wanda yake ƙarƙashin Dokar (ko da yake ni kaina ba na ƙarƙashin Doka), domin in rinjayi waɗanda suke ƙarƙashin Doka.

1 Korintiyawa 9:20 ပူးပေါင်းရင်းမြစ်များ

Ayyukan Manzanni 16:3

Sai Bulus ya so Timoti ya rako shi, har ya yi masa kaciya saboda Yahudawan da suke waɗannan wurare, don duk sun san ubansa Bahelene ne.

Galatiyawa 5:18

In Ruhu ne yake bi da ku, ashe, Shari'a ba ta da iko da ku, ke nan.

Galatiyawa 4:21

Ku gaya mini, ku da kuke son Shari'a ta yi iko da ku, ba kwa sauraron Sharia ne?

Galatiyawa 4:5

domin ya fanso waɗanda suke a ƙarƙashin Shari'a, a mai da mu a matsayin 'ya'yan Allah.

Romawa 11:14

ko ta wane hali in sa kabilata kishin zuci, har in ceci waɗansunsu.

Romawa 3:19

To, mun sani duk abin da Shari'a ta ce, ya shafi waɗanda suke ƙarƙashinta ne, don a tuƙe hanzarin kowa, duk duniya kuma tă sani ƙarƙashin hukuncin Allah take.

Ayyukan Manzanni 18:18

Bulus kuwa da ya ƙara kwanaki da yawa, bayan ya sausaye kansa a Kankiriya don ya cika wa'adin da ya ɗauka, ya yi bankwana da 'yan'uwa, ya shiga jirgin ruwa zuwa ƙasar Suriya, tare da Bilikisu da Akila.

Galatiyawa 2:19

Gama ni ta wurin Shari'a matacce ne ga Shari'a domin in rayu ga Allah.