1 Korintiyawa 4:8 - Littafi Mai Tsarki

⁸ Mhm, wato, har kun riga kun yi hamdala! Har kun wadata! Har ma kun yi sarauta ba tare da mu ba ma! Da ma a ce kun yi mulki mana, har mu ma mu yi tare da ku!

Sabon Rai Don Kowa 2020

⁸ Kun riga kun sami duk abin da kuke nema! Kun riga kun yi arziki! Kun zama sarakuna, kun kuma zama haka ɗin ba tare da mu ba! Da a ce kun riga kun zama sarakuna mana da sai mu zama sarakuna tare da ku!

1 Korintiyawa 4:8 ပူးပေါင်းရင်းမြစ်များ

W.Yah 5:10

Ka mai da su firistoci mallakar Allahnmu, za su kuwa mallaki duniya.”

Galatiyawa 6:3

Kowa ya zaci shi wani abu ne, alhali kuwa shi ba kome ba ne, ya ruɗi kansa ke nan.

2 Korintiyawa 13:9

Gama farin ciki muke yi in muna raunana, ku kuna ƙarfafa. Addu'armu ita ce ku kammala.

1 Korintiyawa 5:6

Fāriyarku ba shi da kyau. Ashe, ba ku sani ba, ɗan yisti kaɗan yake game dukkan curin gurasa?

1 Korintiyawa 1:5

har ta kowace hanya aka wadata ku a cikinsa, a wajen yin magana duka da ilimi duka,

Romawa 12:3

Albarkacin alherin da aka yi mini ina yi wa kowannenku gargaɗi kada ya ɗauki kansa fiye da yadda ya kamata, sai dai ya san kansa, gwargwadon bangaskiyar da Allah ya ba shi.

Luka 6:25

“Kaitonku, ku da kuke ƙosassu a yanzu, don za ku ji yunwa. “Kaitonku, ku masu dariya a yanzu, don za ku yi baƙin ciki, ku yi kuka.

Karin Magana 13:7

Waɗansu mutane sukan nuna su attajirai ne, alhali kuwa ba su da kome. Waɗansu kuma sukan nuna su matalauta ne, alhali kuwa suna da dukiya.

W.Yah 3:17

Tun da ka ce, kai mai arziki ne, cewa ka wadata ba ka bukatar kome, ba ka sani ba kuwa kai ne matsiyacin, abin yi wa kaito, matalauci, makaho, tsirara kuma.

Filibbiyawa 2:12

Saboda haka, ya ƙaunatattuna, kamar yadda a kullum kuke biyayya, haka kuma yanzu, ku yi ta yin aikin ceton nan naku da halin bangirma tare da matsananciyar kula, ba ma sai ina nan kawai ba, har ma fiye da haka in ba na nan.

Filibbiyawa 1:27

Sai dai ku yi zaman da ya cancanci bisharar Almasihu, domin ko na zo na gan ku, ko kuwa ba na nan, in ji labarinku, cewa kun dage, nufinku ɗaya, ra'ayinku ɗaya, kuna fama tare saboda bangaskiyar da bishara take sawa,

2 Korintiyawa 11:1

Da ma a ce ku jure 'yar wautata. Ku dai yi haƙuri da ni!

1 Korintiyawa 4:18

Waɗansu har suna ɗaga kai, kamar ba zan zo wurinku ba.

Ayyukan Manzanni 26:29

Bulus kuwa ya ce, “Ko a ɗan wannan, ko a mai yawa, ina fata ga Allah, ba kai kaɗai ba, har ma duk waɗanda suke saurarona a yau, su zama kamar yadda nake, sai dai banda sarƙar nan.”

Irmiya 28:6

“Amin, amin, Ubangiji ya sa ya zama haka, Ubangiji ya sa annabcin da ka yi ya zama gaskiya, Ubangiji ya komo da kayayyakin Haikalinsa da dukan waɗanda aka kai su zaman talala a Babila.

Ishaya 5:21

Kun shiga uku! A tsammaninku ku masu hikima ne, masu wayo ƙwarai.

Karin Magana 25:14

Mutanen da suke yin alkawari, ba su cikawa, kamar holoƙo suke, hadirin kaka.

Ƙidaya 11:29

Amma Musa ya ce masa, “Kishi kake yi domina? Da ma jama'ar Ubangiji duka annabawa ne, har ma ya sa Ruhunsa a cikinsu!”

Mattiyu 5:1

Da Yesu ya ga taro masu yawa sai ya hau dutse. Da ya zauna, almajiransa kuma suka zo gunsa.