1 Korintiyawa 4:21 - Littafi Mai Tsarki

²¹ To, me kuka zaɓa, in zo muku da sanda, ko kuwa da fuskar ƙauna da lumana?

Sabon Rai Don Kowa 2020

²¹ Wanne kuka fi so in na zo? Kuna so in tsananta muku ko in zama mai hankali da kuma sauƙinkai?

1 Korintiyawa 4:21 ပူးပေါင်းရင်းမြစ်များ

2 Korintiyawa 13:2

Na gargaɗi waɗanda suka yi zunubi a dā, da kuma saura duka, a yanzu kuma da ba na nan ina yi musu gargaɗi, kamar yadda na yi sa'ad da nake nan a zuwana na biyu, cewa in na sāke zuwa ba zan sawwaƙe musu ba.

1 Tessalonikawa 2:7

Amma mun nuna taushin hali a cikinku, kamar yadda mai goyo take kula da goyonta.

2 Korintiyawa 13:10

Ina rubuta wannan ne sa'ad da ba na tare da ku, domin sa'ad da na zo, kada ya zama mini tilas in yi muku tsanani a game da nuna ikon nan da Ubangiji ya ba ni saboda ingantawa, ba saboda rushewa ba.

2 Korintiyawa 2:3

Na rubuto muku haka ne, don kada in na zo, waɗanda ya kamata su faranta mini rai, ya zamana sun sa ni baƙin ciki. Domin na amince da ku duka, cewa farin cikina naku ne ku duka.

2 Korintiyawa 1:23

Labudda, Allah shi ne mashaidina a kan cewa, musamman don sawwaƙe muku ne, na fāsa zuwa Koranti.

Yaƙub 3:17

Amma hikimar nan ta Sama, da farko dai tsattsarka ce, mai lumana ce, saliha ce, mai sauƙin kai, mai tsananin jinƙai, mai yawan alheri, mai kaifi ɗaya, sahihiya kuma.

2 Korintiyawa 10:6

A shirye muke kuma mu hori kowane marar biyayya, muddin biyayyarku ta tabbata.

2 Korintiyawa 2:1

Na ƙudura a raina ba zan sāke zuwa wurinku in sa ku baƙin ciki ba.

2 Korintiyawa 10:8

Ko da zan yi gadara fiye da kima a game da izinin nan namu, wanda Ubangiji ya bayar saboda inganta ku, ba don rushe ku ba, ba zan kunyata ba.

2 Korintiyawa 3:10

Hakika a wannan hali, abin da dā take da ɗaukaka ya rasa ɗaukaka sam, saboda mafificiyar ɗaukakar da ta jice ta.

1 Korintiyawa 5:5

sai ku miƙa irin wannan mutum ga Shaiɗan, don yă hallaka jikinsa, ruhunsa kuma ya tsira a ranar Ubangiji Yesu.

1 Korintiyawa 4:18

Waɗansu har suna ɗaga kai, kamar ba zan zo wurinku ba.

2 Korintiyawa 12:18

Na roƙi Titus ya je, na kuma aiko ɗan'uwan nan tare da shi. To, Titus ya cuce ku ne? Ashe, ba Ruhu ɗaya yake bi da mu ba, ni da shi? Ba kuma hanya ɗaya muke bi ba?

Galatiyawa 6:1

Ya ku 'yan'uwa, in an kama mutum yana a cikin yin laifi, ku da kuke na ruhu, sai ku komo da shi a kan hanya da tawali'u, kowa yana kula da kansa kada shi ma ya burmu.