1 Korintiyawa 12:1 - Littafi Mai Tsarki

¹ A yanzu kuma 'yan'uwa, a game da baye-baye na ruhu, ba na so ku rasa sani.

Sabon Rai Don Kowa 2020

¹ To, game da baye-baye na ruhaniya, ’yan’uwa, ba na so ku kasance da rashin sani.

1 Korintiyawa 12:1 ပူးပေါင်းရင်းမြစ်များ

1 Korintiyawa 14:37

In wani yana zato shi annabi ne, ko kuwa mai wata baiwa ta ruhu, to, sai yă fahimta, abin nan da nake rubuto muku umarni ne na Ubangiji.

Afisawa 4:11

Ya kuma yi wa waɗansu baiwa su zama manzanni, waɗansu annabawa, waɗansu masu yin bishara, waɗansu makiyaya masu koyarwa,

2 Bitrus 3:8

Amma ya ku ƙaunatattuna kada ku goce wa magana gudar nan, cewa ga Ubangiji kwana ɗaya kamar shekara dubu ne, shekara dubu kuma kamar kwana ɗaya ne.

1 Tessalonikawa 4:13

Amma 'yan'uwa, ba mu so ku jahilta game da waɗanda suka yi barci, don kada ku yi baƙin ciki kamar yadda sauran suke yi, marasa bege.

2 Korintiyawa 1:8

'Yan'uwa, ba ma so ku jahilta da wahalar da muka sha a ƙasar Asiya, domin kuwa mun ji jiki ƙwarai da gaske, har abin ya fi ƙarfinmu, har ma muka fid da tsammanin rayuwa.

1 Korintiyawa 10:1

To, ina so ku sani, 'yan'uwa, dukan kakanninmu an kāre su ne a ƙarƙashin gajimare, dukansu kuma sun ratsa ta cikin bahar.

Romawa 1:13

Ina so ku sani 'yan'uwa, na sha ɗaura niyyar zuwa wurinku, ko da yake har yanzu ba a yardar mini ba, domin ku ma in sami amfani a gare ku, kamar yadda na samu a cikin al'ummai.