TITAS 2:3 - Laibaibal Thiang (BSI)

³ pitar zong cubantuk hmaizah awktlâk in nung hna sehlaw, mi kong ceih a hmang lomi, misurhang rit a hmang lomi, ṭhatnâk cawnpiaktu si hna seh,

Lai (Hakha) Common Language Bible 2006

³ Nutar deuh pawl kha, nan umtuning ah mi hmaizah a thiammi nan si awk a si, na ti hna lai. Mi congoih hmangmi le mizuram an si awk a si lo.

TITAS 2:3 ပူးပေါင်းရင်းမြစ်များ

ROM 1:29

Dinlonâk in an khat i nupa sualnâk, suahsualnâk, hakkauhnâk le min chiatter duhnâk in an khat. Hnahchuahnâk, lainawnnâk, i remlonâk, hlennâk, sualnâk lei lawng duhnâk, thlithup biaruah hmannâk,

ROM 16:2

mithiangmi hna cung i an tuah tawn bantukin Bawipa min i nan rak cohlan nâkhnga le bomh a herhnâk pauh ah nan rak bomh awkah nawl kan pêk hna, zeitintiah amah zong hi mi tampi bawmtu tak tak a rak si cang i keimah ca zong ah a si.

EFESA 5:3

Mithiang hna tuah awk ah â tlak bangin nupa sualnâk, thurhnawnhnâk le haukauhnâk hna cu nan lakah a chim hmanh chim hlah u,

1TIMOTE 3:11

Cubantukin an nupi le zong upatmi an si hrimhrim awk a si, kongceih le thangchiat a hmang lomi, â zuam khomi le, zeithil pauh ah zumhawk a tlâkmi an si awk a si.

1TIMOTE 3:8

Cubantukin kawhhran upa hna zong hmaizahmi an si hrimhrim awk a si, bia a duh tuk lomi, misurhang ram lomi, phaisa duhtuk lomi an si awk a si,

1TIMOTE 5:23

Ti lawng ding loin, na pawfah le na derthawm deuh caah misur hang tlawmte tein rak ding.

TITAS 1:7

Zeitintiah kawhhran hotu cu Pathian chawkengtu a si caah, sawi awk um lomi a si hrimhrim awk a si, mahnawl ummi, thinhun fawi, misurhang-duhtukmi, mi velhhmang, chawva ah hâkkaumi an si awk a si lo,

TITAS 2:4

nutung no deuh kha an va le an fale a daw i

HEBRU 5:12

Zeitintiah atu cân hna ah cun cawnpiaktu hmanh nan si awk a si cang ko nain, Pathian bia hramthawknâk cawnpiaktu nan herh ko rih, rawlhak si loin hnuk i cawmchan nan herh ko rih.

BIAPHUAN 2:20

Asinain ralchanhnâk tlawmpal kan ngei, zeicahtiah profet ka si â timi nu Jezebel nih nupa sualnâk tuah le milem biaknâk sa ei awkah ka sal le a cawnpiakmi le a hruaimi kha na dawn lo.