ROM 8:2 - Laibaibal Thiang (BSI)

² Zeitintiah Krih Jesuh nunnâk Thlarau nawlbia nih sual le thihnâk nawlbia chungin a ka chuahter cang.

Lai (Hakha) Common Language Bible 2006

² Zeicahtiah Khrih Jesuh he aa pehtlaimi nunnak a kan petu Thlarau phung nih cun sualnak le thihnak phung chung khan a ka luatter cang.

ROM 8:2 ပူးပေါင်းရင်းမြစ်များ

SALM 51:12

Na khamh-lomhnâk kha ka pe ṭhân law, nun a siangmi na Thlarau in fehter law ka tlai ko sawh.

JOHAN 4:10

Jesuh nih, “Pathian thilpêk le, dinawk ka pe, tiah an haltu hi hei hngal law cu, nangmah tu nih na hal lai i anih nih tinung an pêk ko hnga,” tiah a ti.

JOHAN 4:14

asinain an sin i ka pêkmi ti a dingmi pauh cu an ti a hal ti lai lo. An sin i ka pêkmi ti cu anmah ah ti hna a um lai i zungzal nunnâk tiangin a luanglan lai,” tiah a ti.

JOHAN 6:63

Nuntertu cu Thlarau a si, taksa cu san a tlai lo. Nan sin i bia ka chimmi hi thlarau an si i nunnâk zong an si.

JOHAN 8:32

Cun Biatak nan hngalh lai i biatak nih an luatter hna lai.” tiah a ti.

JOHAN 8:36

Cucaah Fapa nih an luatter hna ahcun nan luat tak tak lai.

ROM 16:3

Prisila le Akuila Krih Jesuh i ka ṭuanpi hawi,

ROM 3:27

Nâ uahnâk cu khuazeiahdah a um? Lodiam hlonh a si cang. Zei phunglam in? Tuahsernâk in maw? A si lo, zumhnâk phungin a si.

ROM 5:21

cuticun sualnâk nih thihnâk in a uk bangin, zângfahnâk nih dinnâk in kan Bawipa Jesuh Krih thawngin zungzal nunnâk tiangin a uk khawh.

ROM 6:14

Zeitintiah sual nih nan cungah nawl a ngei ti lai lo, zeicatiah nawlbia tangah nan um ti lo i zângfahnâk tangah nan um cang.

ROM 6:18

Sualnâk in zalonter nan si cang caah dinnâk sal nan si cang.

ROM 6:22

Asinain sualnâk in zalonter nan si hnu i Pathian sal nan si ah hin, thiannâk theitlai chuah khawhnâk nan ngei, a donghnâk i zungzal nunnâk he.

ROM 7:21

Cuticun hi nawlbia hi ka hmuh khawh cang, ṭhatnâk tuah ka duh lioah, Ṭhatlonâk ka sinah a um tawn.

ROM 7:23

Asinain ka pum ṭengnge ah hin nawlbia phundang a um ti kha ka hngalh, cu nih cun ka ruahnâk nawlbia kha an ralchanh i ka pum ṭengnge i sual nawlbia a ummi sinah sal ah a ka hruai tawn.

ROM 7:4

Cucaah ka ule nau hna, Krih pum ruangah nawlbia chungin nan thi cang; cuticun midang, thihnâk in thawhter Mi kha nan vat khawh cang i Pathian sinah theitlai nan chuah khawh cang lai.

ROM 8:1

Cucaah atu cu Krih Jesuh ah a um i thisa duhnâk zul loin, Thlarau duhnâk a zulmi hna caah cun thiamlocoternâk zeihmanh a um ti lo.

1 KORIN 15:45

Cun hiti hin ṭial a si, “Minung hmasa bik Adam cu a nungmi a si,” Adam hmadung deuh cu nunnâk petu thlarau a rak si.

2 KORIN 3:17

Bawipa cu Thlarau a si i Bawipa Thlarau umnâk pauh ah zalonâk a um tawn.

2 KORIN 3:6

Amah lila ah biakam thar rianṭuantu ah a kan tlinter, câ chung bia men i rianṭuantu si loin, Thlarau riantuantu ah a si deuh. Câ chung bia men nih cun mi a thah i Thlarau nih cun a nunter.

GALATI 2:19

Zeitintiah Pathian lei i ka nun khawh nâkhnga kei cu nawlbia in nawlbia ah ka thi cang.

GALATI 5:1

Cucaah Krih nih akan pêkmi zalonnâkah fek tein dir ulaw, sal hngawngkual ah tângti hlah u.

GALATI 6:2

Pakhat le pakhat nan thilrit i châng u law Krih nawlbia nan tlinter a si lai.

JEIM 1:25

Asinain a tlingmi nawlbia, zalonnâk nawlbia hi ṭha tein a zoh i nunpi cawlh in a philh ti lomi cu a tuahmi kipah thluachuah a hmu lai.

BIAPHUAN 11:11

Cuticun nithum le a cheu hnu ah, Pathian sinin nunnâk thaw kha an chungah a lut i an dir, a hmutu hna kha ṭihnâk nganpi nih a tlaih hna.

BIAPHUAN 22:1

Cun nunnâk tiva a fim tak takmi crystal lungvar bangin a fiangmi Pathian le Tuufano bawiṭhutdan in a rak luangmi kha a ka hmuhsak.