ROM 7:7 - Laibaibal Thiang (BSI)

⁷ Zeidah kan chim kun lai? Nawlbia cu sual a si maw? Si naisai hlah! Khatte lei khelin, Nawlbia um hlah sehlaw sual hi sual a si kan hngal lai lo. Nawlbia nih, ‘hngar hlah’ ti hlah sehlaw, ‘hngar’ hi sual a si kan hngal lai lo.

Lai (Hakha) Common Language Bible 2006

⁷ A si ah zeitindah kan ti lai? Nawlbia cu a sual hnga maw? Sual hlah. Sihmanhsehlaw sualnak cu sual a si kha a kan hngalhtertu cu Nawlbia cu a si. Nawlbia nih, “Mi thil na mit va thi hlah,” tiah ti hlah seh law, mi thil mitthit cu zeidah a si ti kha ka hngal hnga lo.

ROM 7:7 ပူးပေါင်းရင်းမြစ်များ

SALM 119:96

Ṭhat tlamtlinnâk zong nih donghnâk a ngei, asinain na nawlpêk cu a kau tuk hringhran. MEM

MATTHAI 5:28

Asinain kei nih cun, sualpi duhnâk mit in nu a zohtu pauh cu a lungthin in ṭângdang a kai cang, kan ti hna.

LUKA 12:15

“I ral ring u, hakkauhnâk chungin i veng u, minung nunnâk hi tampi a ngeihmi cungah â bunhmi a si lo,” tiah a ti hna.

LUKA 20:16

Ara lai i dûm congtu hna cu a hrawh dih lai i dûm congtu dang sinah a pêk lai, tiah a ti. Cu bia an theih tikah, biangaitu hna nih, cucu phân sawh hlah seh, tiah an ti.

LAMKALTU 20:33

Aho nan phaisa, sui, thilthuam kan hngar bal hna lo.

ROM 13:9

Zeitintiah nawlpêkmi hna, “Ṭangdang kai hlah,” “Lai nawng hlah,” “Fir hlah,” “Lih in biahngaltu va si hlah,” “Hngar hlah,” timi le a tângmi nawlpêk dang hna zong, “Nangmah nâ dawt bangin na inpa na dawt lai,” timi nih a fun dih.

ROM 3:20

Cucaah nawlbia tuahsernâk in a hmai ah thiamcomi ahohmanh an um lai lo; zeitintiah nawlbia cu sual hngalhnâk a si.

ROM 3:5

Kan dinlonâk nih Pathian dinnâk cu a langhter ahcun zeidah kan chim kun lai? Pathian nih thinhunnâk a langhter ah hin a dik lo tinâk a si hnga maw? (Minung phung ningin ka chimmi a si)

ROM 4:1

Pumsa lei in hringtu kanpa Abraham nih zeidah a hmuh kan ti lai?

ROM 4:15

zeicatiah nawlbia nih thinhunnâk a chuahter, zeitintiah nawlbia um lo nâkah nawlbuarnâk zong a um kho lo.

ROM 5:20

Cu hlei ah, nawlbia a um tikah sualnâk a tam chin. Asinain sualnâk a tam pauh le zângfahnâk a tam chinchin ve,

ROM 6:15

Zeitindah a si kun lai? Nawlbia tangah um loin zângfahnâk tang i kan um caah kan sual kun lai maw? Sual naisai hlah!

ROM 7:11

Zeitintiah sualnâk nih nawlpêk kha cân remah hmangin a ka hlen i nawlpêk kha hmangin a ka thah.

ROM 7:13

Asiahcun thilṭha cu ka caah thihnâk a rak si maw? Si naisai hlah! Asinain sual, sual zia a langh khawh nâkhnga, thilṭha cu hmangin keimah ah thihnâk a phâkter, cuticun nawlpêk he ṭangṭi in sual sualning kha a fianter.

ROM 7:5

Zeitintiah thisa i kan um lioah khan, nawlbia nih a thawhtermi sual duhnâk nih kan pum ṭengnge hna ah thihnâk tiang a chuahpitu theitlai a chuahpi tawn.

ROM 7:8

Asinain nawlpêk hi sual nih cân rem ah a lâk i keimah ah duhnâk sual a phunphun a chuahter. Zeitintiah Nawlbia a umlonâk ah sual cu thi a si.

1 KORIN 15:56

Thihnâk sivai cu sual a si i sual ṭhawnnâk cu nawlbia hi a si.

EFESA 5:3

Mithiang hna tuah awk ah â tlak bangin nupa sualnâk, thurhnawnhnâk le haukauhnâk hna cu nan lakah a chim hmanh chim hlah u,

KOLOSE 3:5

Cucaah nan lei taksa ṭengnge nupa sualnâk, thûrhnawmhnâk, hornâk, duhnâk sual le hakkauhnâk, (cucu milem biaknâk a si)hna kha that hna u.

1THESALON 4:5

Pathian a hngal lomi Gentel bangin taksa duhnâk ah i hmang dih loin;

HEBRU 7:19

zeitintiah nawlbia nih zeihmanh a tlinter kho lo; kap khat leiah, ruahchannâk ṭha deuh phâkter a si i cu nih cun Pathian kha a kan naihter.