ROM 7:5 - Laibaibal Thiang (BSI)

⁵ Zeitintiah thisa i kan um lioah khan, nawlbia nih a thawhtermi sual duhnâk nih kan pum ṭengnge hna ah thihnâk tiang a chuahpitu theitlai a chuahpi tawn.

Lai (Hakha) Common Language Bible 2006

⁵ Kan minung sining in kan rak nun lioah khan Nawlbia nih a cawlcanghtermi kan pumsa duhnak hna kha kan pum chungah hin rian an rak ṭuan i an theitlai cu thihnak a si.

ROM 7:5 ပူးပေါင်းရင်းမြစ်များ

MATTHAI 15:19

Zeitintiah lungthin in ruahnâk ṭha lo, lainawnnâk, ṭângdangkainâk, nu le pa sualnâk, firnâk, lih i sualpuhnâk, thangchiatnâk hna a rak chuak tawn.

JOHAN 3:6

Taksa in hrin cu taksa a si, Thlarau in hrin cu thlarau a si.

ROM 1:26

Hi ruangah a chia-khâmi hornâk lam zul dingin Pathian nih hnulei a chit hna, annu hna hmanhnih an sining kha siloning ah an thlen.

ROM 3:20

Cucaah nawlbia tuahsernâk in a hmai ah thiamcomi ahohmanh an um lai lo; zeitintiah nawlbia cu sual hngalhnâk a si.

ROM 4:15

zeicatiah nawlbia nih thinhunnâk a chuahter, zeitintiah nawlbia um lo nâkah nawlbuarnâk zong a um kho lo.

ROM 5:20

Cu hlei ah, nawlbia a um tikah sualnâk a tam chin. Asinain sualnâk a tam pauh le zângfahnâk a tam chinchin ve,

ROM 6:13

Cun nan taksa ṭengnge hna kha dinlonâk hriamnam caah sual tuahnâk dingah pe siang ti hlah u, thihnâk in a tho ṭhanmi bangin Pathian sinah i pe ulaw, nan pum ṭengnge zong cu dinnâk hriamnam caah Pathian sinah pêk siang deuh u.

ROM 6:19

Nan thisa zângdernâk ruangah minung phungin ka chim lai. Zeitintiah nan pum ṭengnge hna cu thurhnawmhnâk le nawlbuar nâkin nawlbuar chinnâk sal ah nan rak pêk cang bantukin, atu ah cun nanpum ṭengnge hna kha thianhlimnâk phâkpi dingin dinnâk sal ah pe ve cang u.

ROM 6:21

Atu i zahpi awktlâk nan tuahmi nih zeibantuk theitlai dah a chuahter hna? Zeitintiah cu hna an donghnâk cu thihnâk a si.

ROM 6:23

Zeitintiah sualman cu thihnâk a si, asinain Pathian thilpêk cu kan Bawipa Jesuh Krih thawngin zungzal nunnâk a si.

ROM 7:23

Asinain ka pum ṭengnge ah hin nawlbia phundang a um ti kha ka hngalh, cu nih cun ka ruahnâk nawlbia kha an ralchanh i ka pum ṭengnge i sual nawlbia a ummi sinah sal ah a ka hruai tawn.

1 KORIN 15:56

Thihnâk sivai cu sual a si i sual ṭhawnnâk cu nawlbia hi a si.

2 KORIN 10:3

Zeitintiah thisa in um hmanh usihlaw, thisa bangin kan i doh lo.

GALATI 3:10

Zeitintiah Nawlbia tuahsernâk tang i a ummi hna cu chiatserhnâk tangah an um; zeitintiah Nawlbia cauk chung i ṭialmi vialte a tuah peng lomi hna cu chiatserh si ko seh, tiah ṭial a si.

GALATI 5:24

Cun Krih Jesuh ta a simi hna nih an thisa cu a duhnâk le tlaihchannâk hna he an khenhchih cang.

EFESA 2:11

Cucaah nannih, taksa in Gentel, taksa kut i cuarpartanmi nih, ‘cuarpartanlomi’ an ti tawnmi hna,

EFESA 2:3

kannih zong hlanah cun kan thisa duhnâk zulin anmah bantukin kan rak um ve, thisa ruahnâk le duhnâk zulh in kan rak nung i midang bantukin kan kokek in thinhunnâk fa kan rak si.

KOLOSE 3:5

Cucaah nan lei taksa ṭengnge nupa sualnâk, thûrhnawmhnâk, hornâk, duhnâk sual le hakkauhnâk, (cucu milem biaknâk a si)hna kha that hna u.

TITAS 3:3

Zeitintiah kanmah zong hlan ah mihrut, nawlngailo, hlenmi, nomhhnaihnâk le duhnâk phunkip tuahmi, mi hnachuah le huat tlai ngai le pakhat le pakhat â huami kan rak si.

JEIM 1:15

Duhnâk nih fa a pawi i sualnâk a hrin tawn; sualnâk a upat tikah thihnâk a phâkpi tawn.

JEIM 4:1

Nanlakah dohdalnâk le sikvelhnâk hna kha khuazeiindah a rat? Nomhhnaihnâk nan duhtuknâk le nan chung i dohnâk a um tawnmi chungin a chuakmi a si lo maw?

1JOHAN 3:4

Sualnâk tuahtu pauh nih nawlbia zong a buar, zeitintiah sual cu nawlbuar a si.