ROM 6:3 - Laibaibal Thiang (BSI)

³ Asiloah Krih Jesuh i baptisma a ing cangmi kannih hi a thih nâkah baptis kan si cang ti kha nan hngal lo maw?

Lai (Hakha) Common Language Bible 2006

³ Khrih Jesuh he pehtlaihnak chung i tipil kan in ah khan a thihnak he i pehtlaihnak chungah kan i hnim ti kha nan philh dahra?

ROM 6:3 ပူးပေါင်းရင်းမြစ်များ

MATTHAI 28:19

Cucaah kal ulaw, miphun kip kha ka zultu va siter hna u, Pa le Fapa le ThiangThlarau minah Baptisma pe hna u law,

LAMKALTU 19:5

Cu bia an theih tikah Bawipa Jesuh min in Baptisma an in.

LAMKALTU 2:38

Peter nih, “I ngaichih ulaw, nan sual ngaihthiamnâk caah Jesuh Krih min in Baptisma ing u; cun pekmi Thiang Thlarau hi nan co lai.

LAMKALTU 8:16

Zeitintiah cuhlan ah aho cung hmanh ah a phân rih lo. Bawipa Jesuh min in baptisma an in lawng a si.

ROM 6:16

Nawlngai ding sal si awkah nan i pe cang ti kha nan hngal lo maw? Thihnâk ding sual sal ah siseh, nunnâk ding dinnâk sal ah siseh, a nawl nan ngaih hngami sal nan si kha nan hngal lo maw?

ROM 6:8

Cubangin Krih sinah kan thih ahcun, a sinah kan nung ve lai ti kha kan zumh.

ROM 7:1

Asiloah ule nau hna, (nawlbia a hngalmi hna sinah ka chim lai) nawlbia nih mi a nun chung vialte a cungah nawl a ngei tiah nan hngal lo maw?

1 KORIN 10:2

an dihlak in Moses ah minmei le rili ah Baptisma an in dih,

1 KORIN 12:13

Zeitintiah Judah siseh, Grik siseh, sal siseh, zalongmi si hna seh Thlarau pakhat i baptisma in ter in kan um dih, cu Thlarau pakhat cu a kan dinter ciomi a si.

1 KORIN 15:29

Mithi hna hi thoṭhân hna hlah sehlaw, mithi hna ca i baptisma in hi zeitindah a si kun lai? Zeiruangah dah mithi hna caah baptisma an in tawn?

1 KORIN 3:16

Pathian ṭempal nan si le Pathian Thlarau nan chungah a um ti kha nan hngal lo maw?

1 KORIN 5:6

Nan i porhlawtpi mi hi a ṭha lo taktak, thilnu tlawmte nih changreu cu a ning piin a thawhter tawn ti nan hngal lo maw?

1 KORIN 6:19

Asilo ah nan pum hi nan chung i a ummi, Pathian sin in nan hmuhmi, Thiang Thlarau ṭempal a si le, nanmah ta nan si ti lo, ti kha nan hngal lo maw?

1 KORIN 6:9

Miding lomi hna nih Pathian pennâk an co lai lo ti nan hngal lo maw? Hlen in um hlah u. Nupa sualnâk a tuahmi, milem a biami, ṭangdang kaimi, mi hor, tawka hormi,

1 KORIN 9:13

Ṭempal i thil thianghlim cung i rianṭuantu hna nih cu thil hna ei cu an caah a thiang i biakṭheng cung i rianṭuantu hna zong nih biakṭheng cung i pekchanhmi cu an ei tawn ti kha nan hngal lo maw?

1 KORIN 9:24

Tlik â zuammi cu an dihlak in an tli na in, an lakah pakhat te lawng nih laksawng a hmuh tawn ti kha nan hngal lo maw? Nan co khawh nâkhnga tli ve tuah u.

2 KORIN 13:5

Zumhnâk ah nan um maw, nanmah kha fiang tein i chek u. Jesuh Krih cu nanmah i a um kha nan hngal lo maw? Hniksaknâk i nan tlinlo a si fawn ṭung lo ahcun.

GALATI 3:27

Zeitintiah nan lakah Krih chungah baptisma a ingmi vialte cu Krih in nan i thuam cang.

JEIM 4:4

Nannih ṭangdang a kaimi nu le ṭangdang a kaimi pa le hna! Vawlei he i hawikomhnâk hi Pathian he ralchanhnâk a si kha nan hngal lo maw? Cucaah vawlei hawikawm si a duhmi pauh cu Pathian ral ah â cang tawn.

1 PETER 3:21

Cu thil nih a langhter chungmi baptisma in Jesuh Krih thawhṭhannâk thawngin atu ah khamh kan si. Cu baptisma cu taksa thurhnawmmi thenh men hi si lo in chiaṭha hngalhnâk thiang he Pathian kan lehnâk hi a si.