ROM 3:9 - Laibaibal Thiang (BSI)

⁹ Zeidah a si kun lai? Annih nâkin kan ṭha deuh hlei maw? Ṭha deuh hlei naisai hlah. Zeitintiah Judah mi le Grik mi hna cu sualnâk salah an um dih tiah kan chim cang kha.

Lai (Hakha) Common Language Bible 2006

⁹ A si ahcun, kannih Judah mi hi tah, Jentail mi hna nakin kan dirhmun a ṭha deuh hlei kun maw? Ṭha deuh hlei nemmam hlah. Ka langhter cang bang khan Judah mi he Jentail mi he kan dihlak in sualnak ṭhawnnak tang i a ummi kan si.

ROM 3:9 ပူးပေါင်းရင်းမြစ်များ

PHUNGTHLÛKBIA 20:9

Ka lungthin ka thenh i ka sualnâk in ka thianghlim tiah, ahonihdah a ti khawh?

LUKA 7:39

Cucu a sawmtu Farasih nih a hmuh i hi pa hi profet a si ahcun, amah tawngtu nu hi mizei bantukdah a si kha hngalh awk a si lo maw? zeicatiah a mah hi misual a si,” tiah a lung in a ti.

ROM 1:18

Dinlonâk in biatak lamhchihtu le Pathian-zeirellonâk le dinlonâk vialte cungah Pathian thinhunnâk cu van in langhter a si,

ROM 11:32

Zeitintiah Pathian nih mivialte a zângfah khawh hna nâkhnga nawl ngaihlo nâkah mivialte a khumh dih hna.

ROM 11:7

Zeitindah a si kun lai? Israel mi nih an kawlmi cu an hmu lo i thimmi hna nih an hmuh. A dang vialte hna cu an lung a khong dih cang.

ROM 2:1

Cucaah maw minung, midang biaceihtu na si zongah, sawnhtarhnâk na ngei lo, zeitintiah midang bia na ceihnâk ah nangmah le nangmah bia â ceihmi na si, zeitintiah nang midang biaceihtu nangmah zong nih cubantuk thil kha na tuah ve ko.

ROM 3:1

Judah mi nih zei santlaihnâk dah an ngeih hlei? Asiloah cuarpartan hi zeidah a ṭhathnemnâk?

ROM 3:19

Cubangin nawlbia nih a chimmi pauh cu nawlbia tang i a ummi caah a chimmi a si tiah kan hngalh. Kâ vialte cu huh a si nâkhnga le vawlei mi vialte Pathian hmai i thiamlo coh an si khawh nâkhnga.

ROM 3:5

Kan dinlonâk nih Pathian dinnâk cu a langhter ahcun zeidah kan chim kun lai? Pathian nih thinhunnâk a langhter ah hin a dik lo tinâk a si hnga maw? (Minung phung ningin ka chimmi a si)

ROM 6:15

Zeitindah a si kun lai? Nawlbia tangah um loin zângfahnâk tang i kan um caah kan sual kun lai maw? Sual naisai hlah!

ROM 7:14

Zeitintiah nawlbia cu thlarau lei thil a si. Kei tu cu thisa mi, sual sal i zuarmi ka si.

1 KORIN 10:19

Chim ka timhmi hi zeidah a si? Milem kha maw biapi, asiloah milem sinah pêkmi thil hna dah?

1 KORIN 14:15

A tlângkawmhnâk cu zeidah a si kun lai? Ka thlarau in thla ka cam lai i ka hngalhnâk zongin ka cam lai. Ka thlarau in hla ka sa lai i ka hngalhnâk zongin ka sa lai.

1 KORIN 4:7

Zeitintiah midang nâkin phundang deuh in an sertu hna cu ahodah an si? Cun nan cohlan mi hlei in hmuhmi dang nan ngei maw? Na cohlan ko nain zeiruangahdah a cohlang lomi bangin na hmaihngal pi?

GALATI 3:10

Zeitintiah Nawlbia tuahsernâk tang i a ummi hna cu chiatserhnâk tangah an um; zeitintiah Nawlbia cauk chung i ṭialmi vialte a tuah peng lomi hna cu chiatserh si ko seh, tiah ṭial a si.

GALATI 3:22

Asinain Jesuh Krih zumh ruang i biakammi cu a zumtu hna sin i pêk a si khawh nâkhnga, Cathiang nih zeizong vialte hi sual nawlngeihnâk tangah a hrenh dih hna, tiah a ti.

FILIPI 1:18

Zeidah poi? A deu in siseh, a tak in siseh, zeitilei pauh zongin Krih kong chim a si ko, cunih cun a ka lawmhter, kâ lawm chin lai.