ROM 3:4 - Laibaibal Thiang (BSI)

⁴ Si naisai hlah! Pathian cu a dikmi si sehlaw, mikip hi lih chimmi si hna seh. “Nang nih Na bia in thiam na co i biaceih na si tikah na tei khawh nâkhnga,” tiah ṭialmi bang khan.

Lai (Hakha) Common Language Bible 2006

⁴ Si hrimhrim hlah. Minung hi kan dihlak in lihchim si hmanh u sih law Pathian cu zumh awk tlak a si ṭhiamṭhiam ko. Cathiang nih, “Bia na chim tikah na chimmi cu ahmaan ti kha a lang lai i tazacuai na si tikah na bia cu na tei lai,” tiah a ti bang khan a si.

ROM 3:4 ပူးပေါင်းရင်းမြစ်များ

SALM 100:5

Zeitintiah BAWIPA cu a ṭha; a vêlngeihnâk zungzal in a hmun i a biatak nih chan vialte a nguh.

SALM 116:11

“Mi vialte lihchim an si,” tiah namchan in ka chim.

SALM 119:160

Na bia dihlak cu biatak a si, a dingmi na biaceihnâk cu zungzal in an hmun. SHIN

SALM 138:2

A thiangmi na ṭempal lei hoih in kan biak lai, zeitintiah na duhdawtnâk le na biatak ruangah, Na min ka thangṭhat lai, zeitintiah na bia cu na min vialte nakin na cawisanmi a si.

SALM 51:4

Nangmah ralchanh in, nangmah sin hrimhrim ah ka sual cang; na mithmuh ah Ṭhatlonâk kha ka tuah; ka kong na chimmi hi a dikmi a si, bia naka ceih hmanh ah sawi awk um lo na si.

SALM 62:9

Dirhmun a niammi cu minmei bantuk an si taktak i dirhmun sâng hna zong lih an si; cuai ah thlai siseh law minmei nâk in an zâng deuh lai.

MATTHAI 11:19

Mi fapa a ra i a ei, a ding, zohhmanh u, zuram le pawkau pa, ngunkhuai khawltu le misual hna hawikawm nan ti. Asinain fimnâk cu a fale nih thiam an coter ko.

LUKA 20:16

Ara lai i dûm congtu hna cu a hrawh dih lai i dûm congtu dang sinah a pêk lai, tiah a ti. Cu bia an theih tikah, biangaitu hna nih, cucu phân sawh hlah seh, tiah an ti.

JOHAN 3:33

A hngalhtermi bia a zumtu nih Pathian cu a dikmi a si, tiah a fehter.

ROM 11:1

Pathian nih a mi le a hlawt hna maw? hei ti ning law. Hlaw naisai hlah. Zeitintiah keimah zong hi Israel mi, Abraham tefa, Benjamin miphun ka si.

ROM 11:11

An tluknâk cu an rilh thainâk a si maw? hei ti ning law. Si naisai hlah! Asinain anmah hnahchuahter nâkah, an tluknâk thawngin Gentel mi hna sinah khamhnâk a rak phân.

ROM 3:31

Asiah, zumhnâk ruangah nawlbia cu zeihmanhlo ah kan canter maw? Canter naisai hlah! Nawlbia kha kan fehter leh lam.

ROM 6:15

Zeitindah a si kun lai? Nawlbia tangah um loin zângfahnâk tang i kan um caah kan sual kun lai maw? Sual naisai hlah!

ROM 6:2

Sualpeng naisai hlah! Kannih sual i a thi cangmi hi zeitindah sualin kan nun khawh lai?

ROM 7:13

Asiahcun thilṭha cu ka caah thihnâk a rak si maw? Si naisai hlah! Asinain sual, sual zia a langh khawh nâkhnga, thilṭha cu hmangin keimah ah thihnâk a phâkter, cuticun nawlpêk he ṭangṭi in sual sualning kha a fianter.

ROM 7:7

Zeidah kan chim kun lai? Nawlbia cu sual a si maw? Si naisai hlah! Khatte lei khelin, Nawlbia um hlah sehlaw sual hi sual a si kan hngal lai lo. Nawlbia nih, ‘hngar hlah’ ti hlah sehlaw, ‘hngar’ hi sual a si kan hngal lai lo.

ROM 9:14

Zeidah kan chim kun lai? Pathian ah dinlonâk a um maw? Um naisai hlah!

1 KORIN 6:15

Nan taksa kha Krih nge a si ti kha nan hngal lo maw? Krih nge kha lakpiak zau in hlawhhlang sinah kan pe lai maw? Pe naisai hlah!

2 KORIN 1:18

Pathian cu zumhawktlâk a si bantukin nan sin i ka chimmi zong asi, tile a silo, ti ṭhân mi men men a si lo.

GALATI 2:17

Krih i thiamconâk kan kawl lio ah khan, misual kan si zia kan i hngalh a si ahcun, Krih cu sual rianṭuantu a si tinâk a si hnga maw?

GALATI 2:21

Pathian zângfahnâk cu ka hlaw hrimhrim lo; nawlbia ruang i dinnâk a um ahcun, Krih cu pakpalawngin a thi a si hnga.

GALATI 6:14

Kan Bawipa Jesuh Krih vailam dah ti lo cu Pathian nih hmaihngal pi a ka sianglo, cu thawng cun vawlei hi ka caah khenhchih a si i kei zong vawlei caah khenh chih ka si ve.

1TIMOTE 3:16

Pathianmisinâk biathli liannganning cu elkhawh a si lo. Pathian cu thisa ah â cang i Thlarau ah thiamcoter a si, vanmi nih an hmuh i Gentel mi hna sinah aupi le vawlei mi nih an zumh i sunparnâk ah kaipimi a si.

TITAS 1:2

Cân hramthawk hlan in a rak kamh cangmi zungzal nunnâk ruahchannâk kha lih a chim kho lomi Pathian nih a cân hmân teah,

HEBRU 6:18

cucu thlenkhawh lomi thil pahnih: lihchim kholo Pathian a sinâk le, kan hmai i a chiahmi ruahchannâk hmuh awkah le himnâk ca i a zâmmi hna caah a ṭhawngmi hnangamnâk kan ngeih khawhnâk kha an si.

1JOHAN 5:10

Pathian Fapa zumtu nih amah ah hngalhnâk a ngei. Pathian a zumlotu nih Amah cu lihchim ah a canter, a chan cu Pathian nih a Fapa kong i a hngalhtermi a zumh lo caah a si.

1JOHAN 5:20

Pathian Fapa cu a ra i a dikmi Amah kha kan hngalh khawhnâk dingah hngalhthiamnâk a kan pêk cang ti kha kan hngalh. Kannih cu a Fapa Jesuh Krih a dikmi Amah ah khan kan um. Hihi Pathian dik le zungzal nunnâk a si.

BIAPHUAN 3:7

“Cun Filadelfia kawhhran vancungmi sinah hitihin ṭial, Mithiang, Mi taktak, David tawh ngeitu, ahohmanh khar lo dingin a hung i ahohmanh hun lo dingin a khartu nih khan hi bia hi a chim.”