ROM 2:3 - Laibaibal Thiang (BSI)

³ Maw minung, cubantuk thil a tuahtu hna biaceihtu, nangmah zong nih cubantuk na tuah ve tikah, Pathian biaceihnâk in na luat kho lai maw?

Lai (Hakha) Common Language Bible 2006

³ Sihmanhsehlaw nangmah nih, cu sual na phawtmi hna thil hrimhrim kha na tuah ve ko hna caah, Pathian sualphawtnak cu ka luat lai, tiah i ruat hlah.

ROM 2:3 ပူးပေါင်းရင်းမြစ်များ

SALM 50:21

Cubantuk thil na tuah hmanh ah dai tein ka um i nangmah bantuk men ah naka ruah, asinain kan sik lai. na mithmuh ah changhliahmah in kan hmuhter lai.

SALM 56:7

An sual hremnâk in an luat lai maw? Maw Pathian, thinhung in annih cu ṭhawl dih hna.

PHUNGTHLÛKBIA 11:21

Lungrual tein an um hmanh ah, misuaksual hna cu dântat loin an um lai lo. Asinain miding hna techin fapar hna cu zalonter an si lai.

PHUNGTHLÛKBIA 16:5

Lungthin in a ruam a kaimi cu BAWIPA caah fihnung an si, lungkhat in um hmanh hna sehlaw, dântat lo in an um lai lo.

MATTHAI 23:33

Rul hna, rul fale hna, hremhmun hremnâk cu zeitindah nan luat khawh lai.

MATTHAI 26:53

Asiloah atu zongah hin vanmibu tampi bu hleihhnih nâk tam run thlah cawlh dingin ka Pa sinah a hal kho lo tiah maw, na ruah?

LUKA 12:14

Anih nih, “Minung, nan cung i baiceihtu le ro cheutu ah ahonihdah aka siter? tiah a ti.

LUKA 22:58

Tlawmpal ah midang nih a rak hmuh ṭhân i “Nang zong anmah chungmi na si ve ko,” tiah a ti. Peter nih, “Mipa, ka si hrimhrim lo, tiah a ti.

LUKA 22:60

Peter nih, “Mipa, na chimmi cu ka hngal hrimhrim lo!” tiah a ti. A chim cuahmah lio ah Ar a khuang cawlh.

ROM 1:32

Cubantuk thil a tuahtu hna cu thih awkah an i tlâk ko tiah a dingmi Pathian biaceihnâk kha an hngalh ko nain, anmah nih an tuah lawng hmanh si loin midang tuahmi zong kha an hnatlâkpi hna.

ROM 2:1

Cucaah maw minung, midang biaceihtu na si zongah, sawnhtarhnâk na ngei lo, zeitintiah midang bia na ceihnâk ah nangmah le nangmah bia â ceihmi na si, zeitintiah nang midang biaceihtu nangmah zong nih cubantuk thil kha na tuah ve ko.

ROM 2:2

Pathian nih cubantuk thil a tuahmi hna cung i bia a ceihmi cu biatak ningin a si ti kha kan hngalh.

ROM 9:20

Asinain, maw minung, Pathian ralchanh i lettu cu ahodah na si? Sermi nih a sertu sinah, “Zeiruangahdah hitihin naka ser a ti lai maw?

1THESALON 5:3

Zeitintiah, “Daihnâk le himnâk” tiah an chim lio ah, fapawinu nganfah bantukin hmakhat te ah rawhralnâk an cungah a tlung lai. Ahohmanh nih an hrial kho lai lo.

HEBRU 12:25

I ralring u Biachimtu hi nan rak hlawtsual lai. Zeitintiah vawlei i Biachimtu an duh lo ruangah hremnâk in an luat khawh lo ahcun van in Biachimtu zei i kan rel lo sual ahcun kan luat lo chin chin lai,

HEBRU 2:3

hi tluk in a nganmi khamhnâk hi zei rel loin kan um ahcun, zeitindah kan luat khawh lai? Cucu a hramthawk ah Bawipa nih a rak chim i a theitu hna nih kan sinah an fehter.