MATTHAI 7:23 - Laibaibal Thiang (BSI)

²³ Khi tikah, ‘Nannih nawlbuartu hna, kan hngal bal hna lo; ka sinin i ṭhen u!’ tiah ka ti te hna lai.

Lai (Hakha) Common Language Bible 2006

²³ Khi tikah annih cu ka thawh hna lai i, ‘Nannih cu aho nan si kha kan hngal bal hna lo. Kal ko u, ṭhat lonak a tuahtu hna,’ tiah ka ti hna lai.

MATTHAI 7:23 ပူးပေါင်းရင်းမြစ်များ

SALM 119:115

Nannih Ṭhatlonâk tuahtu hna ka kaltâk u, zeitintiah ka Pathian nawlpek lawng kâ cinken hna lai.

SALM 5:5

Na mithmuh ah miporhlaw an dir kho lai lo; sualpalhnâk tuahtu vialte kha na huat hna.

SALM 6:8

Sualpalhnâk a tuahtu vialte hna, ka kaltâk u; zeitintiah BAWIPA nih ka ṭah thawng a theih.

MATTHAI 25:12

Asinain anih nih, “Biataktein kan chimh hna, kan hngal hna lo,” tiah a leh hna.

MATTHAI 25:41

Cutikah, a kehlei mi hna sin zongah, ‘Chiatserh mi hna, zungzal mei, khuachia le a zultu hna ca i timhlamh miah ka kaltâk ko u;

LUKA 13:25

Inngeitu a rak chuah i innkâ a khar ahcun, nannih nih lengah dir in, ‘Bawipa, Bawipa, kan on piak ko, tiah va king hmanh ulaw, ‘khuazeilei mi dah nan si kan hngal hna lo,’ tiah an leh hna lai.

LUKA 13:27

Asinain anih nih, khawzei leimi dah nan si kan hngal hna lo, nannih sualnâk a tuahtu hna, ka sinin lo diam kal u, an ti hna lai.

JOHAN 10:14

Tuukhal ṭha ka si; ka tuu ka hngalh hna i ka tuu zong nih anka hngalh.

2TIMOTE 2:19

Asinain a fekmi Pathian lungphun cu a dirpeng ko, hi hmelchunhnâk hi a ngei: “Bawipa nih Ami le cu a hngalh” ti le, “Bawipa min a hlammi pauh nih sual kaltâk seh ti hi.”

BIAPHUAN 22:15

Asinain lênglei ah uico hna le, doihthiam hna, nupa sualnâk a tuahtu hna le, lainawngmi hna le siasal biami hna le lih a tlaihchantu hna le a hmangtu kha an um lai.