MATTHAI 7:11 - Laibaibal Thiang (BSI)

¹¹ Nanmah misual hmanh nih nan fale thilṭha pêk nan hngalh ahcun; van i nan Pa nih cun a haltu sinah thilṭha cu a pe chinchin hnga lo maw?

Lai (Hakha) Common Language Bible 2006

¹¹ Hi tlukin nan ṭhalo ko nain, nanmah hmanh nih nan fale kha thil ṭha pek nan hngalh ahcun, vancung i a ummi nan Pa chinchin nih cun zeitluk in dah thil ṭha cu a halmi kha a pek chinchin hna lai!

MATTHAI 7:11 ပူးပေါင်းရင်းမြစ်များ

SALM 84:11

Zeitintiah BAWIPA Pathian cu ni le phaw a si. BAWIPA nih vêl le sunparnâk an pêk lai; dik ngai i a ummi hna caah thilṭha zeihmanh siang loin a um lai lo.

SALM 85:12

Asi BAWIPA nih thilṭha a pêk hna; kan ram nih a chuah pimi theipar an karh cang lai.

SALM 86:15

Maw BAWIPA, nangtu cu vêl in na khat, mi zângfahthiam, lungsau le zawnruahnâk le biatak in a liammi Pathian na si.

SALM 86:5

Zeitintiah Bawipa, nangmah cu na ṭha, ngaithiam dingin timhcia i a ummi na si, an autu hna cungah vêl tampi a ngeimi na si.

MATTHAI 23:9

Leicungah hin ahohmanh ‘Kapa’ ti hlah u; zeitintiah nan Pa cu pakhat lawng lawng a si i van i a ummi khi a si.

MATTHAI 7:10

Ngasa an in hal lio ah, rul a petu nan um hnga maw?

JOHAN 3:16

Zeitintiah Pathian nih vawlei hi a dawt tuk hringhran i a Fapa ngeihchun kha a pêk, Amah a zummi pauh cu lotlau loin zungzal nunnâk an ngei lai.

ROM 3:19

Cubangin nawlbia nih a chimmi pauh cu nawlbia tang i a ummi caah a chimmi a si tiah kan hngalh. Kâ vialte cu huh a si nâkhnga le vawlei mi vialte Pathian hmai i thiamlo coh an si khawh nâkhnga.

ROM 3:9

Zeidah a si kun lai? Annih nâkin kan ṭha deuh hlei maw? Ṭha deuh hlei naisai hlah. Zeitintiah Judah mi le Grik mi hna cu sualnâk salah an um dih tiah kan chim cang kha.

ROM 8:32

A fapa hmanh zuah loin kan dihlak caah a kan pêk ahcun, zeitindah thil vialte zong Amah sinah manlo tein pêkchih loin a kan um hnga?

GALATI 3:22

Asinain Jesuh Krih zumh ruang i biakammi cu a zumtu hna sin i pêk a si khawh nâkhnga, Cathiang nih zeizong vialte hi sual nawlngeihnâk tangah a hrenh dih hna, tiah a ti.

JEIM 1:17

Thilpêk ṭha le tlam a tlingmi thilpêk hna cu cung leiin ceunâk petu Pa sinin a rami an si, Amah ah ceunâk le muisam â thleng bal lo.

1JOHAN 3:1

Ngaihmanh u Pa nih a kan dawt ning hi zeitlukindah a ngan! Pathian fale tiah kawh kan si! Cucaah vawlei nih ankan hngalh lo, zeicatiah Amah kha an hngal lo.

1JOHAN 4:10

Dawtnâk cu hihi a si, Pathian kan dawt hi si loin, Amah nih a kan dawt i kan sualnâk hna ngaihthiamnâk ah a Fapa a run thlahmi hi a si.