MATTHAI 6:9 - Laibaibal Thiang (BSI)

⁹ Cucaah nannih cu hitihin thla cam u; Vancung khua i a ummi kan Pa, na min thianghlim seh.

Lai (Hakha) Common Language Bible 2006

⁹ Cucaah hi bantuk hin thla nan cam awk a si: ‘Vancung khua i a um kan Pa, Na min thiang cu upat si ko seh;

MATTHAI 6:9 ပူးပေါင်းရင်းမြစ်များ

SALM 111:9

Ami hna sinah tlanhnâk a kuat i a biakam cu zungzal hmun dingin nawl a pêk: A min cu a thiang i tuk a sum.

SALM 115:3

Kan Pathian cu van ah a um i a duhmi pauh a tuah tawn.

SALM 72:18

BAWIPA Pathian, Israel hna Pathian cu thangṭhat in um ko seh, Amah lawnglawng nih thilmak a tuah tawn.

MATTHAI 10:29

Pithlung pahnih kha phaisa sen pakhat ah an zuar tawn. Cu hna lak i pakhat te hmanh khi nan Pa theihpi loin an tlonglêng lo.

MATTHAI 23:9

Leicungah hin ahohmanh ‘Kapa’ ti hlah u; zeitintiah nan Pa cu pakhat lawng lawng a si i van i a ummi khi a si.

MATTHAI 26:29

Asinain kan chimh hna, “Ka Pa pennâk ah nanmah he a thar in ka din cân a phanh hlan lo, atu riin misur hang hi ka ding ti lai lo,” tiah a ti.

MATTHAI 26:42

A voihnihnâk ah a va kal ṭhân i “Maw ka Pa, hi hrai hi din loin aka lanhtâk khawh lo ding a si ahcun, nangmah thu si ko seh,” tiah a ti.

MATTHAI 5:16

Cubangin nan ceunâk cu mi hmaiah ceu seh law nan tuahmi ṭhatnâk kha an hmuh lai i van i a ummi nan Pa kha an thangṭhat lai.

MATTHAI 5:48

Cucaah van i nan Pa a tlin bantukin nannih zong nan tlin ve awk a si.

MATTHAI 6:14

“Mi sualnâk kha nan ngaihthiam hna ahcun vanlei nan Pa zong nih an ngaihthiam ve hna lai.

MATTHAI 6:6

Nang tu cu, thla na cam tikah, na innkhân chungah lut, na innkâ khar law, a thli tein an hmutu na Pa sinah thla va cam. Cuticun a thli tein an hmutu na Pa nih langhngan in ṭuanman an pêk lai.

MATTHAI 7:11

Nanmah misual hmanh nih nan fale thilṭha pêk nan hngalh ahcun; van i nan Pa nih cun a haltu sinah thilṭha cu a pe chinchin hnga lo maw?

LUKA 15:18

Ka tho lai i kapa sinah ka kal lai, a sinah, kapa, nahmai le vanmi hmai ah ka sual cang,

LUKA 15:21

Cun a fapa nih, ‘Kapa, vanmi le nangmah hmaiah ka sual cang, nafa tiah kawh awkah kâ tlâk ti lo,’ tiah a ti.

LUKA 2:14

“Cungnung bikah Pathian thangṭhat in um ko seh. Lei cungah a lawmhmi minung sinah daihnâk um ko seh,” tiah an ti.

JOHAN 20:17

Jesuh nih, “Ka tlai peng hlah, atu tiangin Pa sinah ka kai rih lo; ka u nau hna sinah va kal law, an sinah, “Ka pa, nan Pa, ka Pathian, nan Pathian sinah ka kai lai, a ti tiah, va ti,” tiah a ti.

ROM 1:7

Rom khua i Pathian dawtmi, mithiang si dingin kawhmi vialte sinah Pathian, kan Pa le Bawi Jesuh Krih sin in zângfahnâk le daihnâk nan cungah um ko seh.

ROM 8:15

Zeitintiah ṭihnâk le sal sinâk thlarau nan co lo i fa sinâk Thlarau tu nan co. Amah thawngin, “Abba, Kapa” tiah kan au tawn.

GALATI 1:1

Paul, Lamkaltu (minung hna thlahmi si loin, minung thawng zong si loin, Jesuh Krih le thihnâk in a thawhtertu, Pathian thawngin) le,

GALATI 4:6

Fa nan si caah, Pathian nih a Fapa Thlarau cu nan lungthin ah a run thlah i, “Abba, Ka Pa,” tiin a au.

1TIMOTE 6:16

Amah lawnglawng nih thihkhawhlonâk a ngei i naih khawhlomi ceu ah a um, ahohmanh nih an hmu bal lo i hmuhkhawh zong a si fawn lo, Amah sinah zungzal in upatnâk le ṭhawnnâk um ko seh. Amen.

1 PETER 1:17

Cun thleidannâk um loin mikip tuahning cio i ceihpiaktu kha Pa ah nan i ngeih ahcun, hika i nan câm chung pauh cu Amah ṭihzahnâk he nung u.

BIAPHUAN 4:11

“Maw Bawipa sunparnâk le thangṭhatnâk le ṭhawnnâk kha hmuh awkah nâ tlâk: Zeitintiah Nangmah nih zeizong vialte na ser i na duhning i um awkah ser an si,” tiah an ti.

BIAPHUAN 5:12

Cuhna nih awthang piin, thah ciami Tuufano cu thiltikhawhnâk, rumnâk, fimnâk, ṭhawnnâk, thangṭhatnâk, sunparnâk le thluachuahnâk kha co awkah â tlâk tiah an ti.