MATTHAI 5:7 - Laibaibal Thiang (BSI)

⁷ Zângfahnâk a ngeimi cu mithluachuak an si, zeitintiah zângfah an si ve te lai.

Lai (Hakha) Common Language Bible 2006

⁷ Midang cungah zaangfahnak a ngeimi cu lunglawmmi nan va si dah! Pathian nih an zaangfah hna lai.

MATTHAI 5:7 ပူးပေါင်းရင်းမြစ်များ

SALM 112:4

Miding caah cun muihnâk zongah ceunâk a chuak tawn i amah cu zângfahnâk, vêl le dinnâk in a khatmi a si.

SALM 112:9

A phawtzamh i misifak a pêk hna; a dinnâk cu zungzal in a hmun; a ki cu upatnâk in cawisan a si lai.

SALM 18:25

Zângfah thiammi sinah na zângfahthiamnâk na langhter lai i dotlami sinah dotlami na sinâk na langhter lai.

SALM 37:26

Mi a zângfah zungzal i a coih hna, cun a tefa kha thluahchuah an si.

PHUNGTHLÛKBIA 11:17

Vêl a ngeimi nih a nunnâk caah thilṭha a tuah, asinain zângfahnâk ngei lomi cu a taksa caah harnâk petu a si.

PHUNGTHLÛKBIA 11:25

Nun a siangmi hna nun cu rumter a si lai, ti a toihtu nih amah zong â toih ve.

PHUNGTHLÛKBIA 14:21

A innpa a zomhtaihtu cu misual a si, asinain misifak zângfahtu cu lunglawmmi an si.

PHUNGTHLÛKBIA 19:17

Misifak a zângfahtu nih BAWIPA sinah a cawih a si, a rak pêk cangmi thil hna cu a cham ṭhân hrimhrim lai.

MARKA 11:25

“Cun thlacam i nan dir tikah, aho cung zongah bia nan ngeih ahcun ngaithiam hna u, cuticun van i nan Pa zong nih nan sualnâk an ngaihthiam ve hna lai.

LUKA 6:35

Asinain nan ral va daw ulaw, thilṭha tuah piak hna u, chamṭhân ding ruahchan loin cawih hna u. Nan ṭuanman cu a ngan tak tak lai i Cungnung bik fale nan si lai. A nih cu lawmh a hngalh lomi le misual cungah vêl a ngei.

ROM 11:30

Zeitintiah nannih zong Pathian nawl ngailo nan rak si, asinain atu ah annih nawl an ngaihlo ruangah nannih nih zângfahnâk nan hmu.

1 KORIN 7:25

Cun ngaknu thiang kongah Bawipa nawlpêk cia ka ngei lo, asinain Bawipa nih a zângfahnâk thawngin zumhtlâk i a ka sernâk thawngin ruahnâk ka cheuh hna lai.

2 KORIN 4:1

Cucaah zângfahnâk kan hmuhning cio in hi rian hi kan hmuh bangin kan lung a dong bal lo.

EFESA 4:32

Pathian nih Krih ah an ngaihthiam hna bangin i zângfah in, vel i ngeih ulaw, i ngaithiam u.

KOLOSE 3:12

Cucaah Pathian thimmi, a thiangmi le dawtmi nan si bangin velngeihnâk, zângfahnâk, toidornâk, nunnemnâk le lungsaunâk in i thuam u;

1TIMOTE 1:13

Hlanah thangchiattu le serhsattu le mi sawksâmtu ka rak sinain zumlonâk le hngallo buin ka rak tuahmi a si caah velhngeihnâk ka rak conâk hi a si.

1TIMOTE 1:16

Asinain hi ruangah hin velngeihnâk ka hmuh hi a si, cucu Jesuh Krih nih ka cungah a lungsaunâk vialte a langhter hmasa i atu thawkin zungzal nunnâk co awkah a zum hngami hna caah zohchunh awk a si nâkhnga.

HEBRU 4:16

Cucaah bomh kan herh cân ah vel le zângfahnâk kan co khawh nâkhnga zângfahnâk ṭhutdanh cu ralṭha in panh u sih.

HEBRU 6:10

Zeicatiah Pathian hi nan ṭuanmi le Amah minin dawtnâk i nan langhtermi rian le mithiang hna ca i nan rak ṭuan cangmi le nan ṭuan cuahmah mi hna philh ding tiangin mi dinglo a si lo.

JEIM 2:13

Zeitintiah mi cungah zângfahnâk ngei lomi cu zângfahnâk tel loin biaceih an si lai. Biaceihnâk cu zângfahnâk nih a tei.

JEIM 3:17

Asinain cung leiin a chuakmi fimnâk cu hmaisa bik ah a thiang, cuhnu ah daihnâk a duh, a nun a nem, nawl a ngai, zângfahnâk le theipar ṭha in a khat, thleidan a ngei lo i ziar a ngei lo.

1 PETER 2:10

hlan ah minung hmanh nan rak si lo, asinain atu ah Pathian minung nan si cang, hlanah vêl nan rak hmu bal lo, asinain atu cu vêl nan hmuh cang.