MATTHAI 5:18 - Laibaibal Thiang (BSI)

¹⁸ Zeitintiah biataktein kan chimh hna, lei le van an rawh hlan pauh cu Nawlbia chung i a deh hmete le a rin hmete zong an rawk lai lo. A dihlak i a tlinhlan pauh cu an rawk lai lo.

Lai (Hakha) Common Language Bible 2006

¹⁸ Mah hihi philh hlah u! Van le vawlei an hmunh chung paohpaoh cu Phungbia hi a deh pakhatte hmanh siseh, a rin pakhatte hmanh siseh a rawk lai lo — zeizong vialte hi a donghnak an phak hlanah cun an rawk lai lo.

MATTHAI 5:18 ပူးပေါင်းရင်းမြစ်များ

SALM 102:26

Cu hna cu an lo tlau lai i nang cu zungzal in na hmun lai; asi cu hna cu hnipuan bangin anhlun lai; puan bangin na thlen hna lai i thlen an si dih lai.

SALM 111:8

Cucu zungzal in zungzal tiang an dir lai, cu hna cu biatak le diknâk i tuahmi an si.

SALM 119:152

Na hngalhternâk kongah, zungzal caah na fehter cang ti kha tuan ah ka hngalh cang. RESH

MATTHAI 10:15

Biataktein kan chimh hna, biaceih ni ah Sodom le Gomora khua temtuarmi nâkin cu hna khua temtuar hngami cu ṭih a nung deuh lai.

MATTHAI 10:23

Hi khua i an in serhsat hna ahcun, khau dangah zâm u. Biataktein kan chimh hna, Mi Fapa a rat hlanah, Israel khua hna hi nan ṭol dih manh lai lo.

MATTHAI 10:42

Cun ahohmanh hi mi hna lak i a hme bik hmanh hi, aka zultu a si ruang i ti hraikhat a petu cu, biataktein kan chimh hna zeitileihmanh in a ṭuanman a sung hrimhrim lai lo.

MATTHAI 11:11

Biataktein kan chimh hna, nu hrin lakah Baptisma petu Johan nâk ngan an um rih lo, asinain vanbawi pennâk i a hme bik zong amah nâkin an ngan deuh.

MATTHAI 13:17

Biataktein kan chimh hna, “Profet tampi hna le miding fel tampi hna nih nan hmuhmi hi hmuh an duh nain an hmu kho lo, nan theihmi hi theih an duh nain an thei kho lo.

MATTHAI 16:28

Biataktein kan chimh hna, hika i a dirmi hna lakah hin, Mi Fapa a pennâk i a rat an hmuh hlan lo thihnâk a tep lo ding an um,” tiah a ti hna.

MATTHAI 17:20

Jesuh nih an sinah, “Nan zumh lo ruangah a si; biatak kan chimh hna an `amci tia zumhnâk nan ngeih ahcun, hi tlâng hi, khi ka ah vâ thawn, nan ti lai i â thawn ko lai, nan tuah khawh lomi zeihmanh a um lai lo,” tiah a ti hna.

MATTHAI 18:18

“Biataktein kan chimh hna, vulei cungah nan ṭemmi vialte vanah ṭem an si lai i vulei cungah nan phoihmi vialte vanah phoih an si lai.

MATTHAI 18:3

“Biataktein kan chimh hna, nan i leh i ngakchia bantuk ah nan i can lo ahcun vanbawi pennâk ah nan lut hrimhrim lai lo.

MATTHAI 19:23

Jesuh nih lamkaltu hna sinah, “Biataktein kan chimh hna, mirum caah vanbawi pennâk chung i luh cu a har tak takmi a si.

MATTHAI 19:28

Jesuh nih, “Biataktein kan chimh hna, sertharnâk ah, Mi Fapa hi a bawiṭhutdanh cung i a ṭhut tikah, nannih aka zultu hna hi, Israel phun hleihnih cungah biaceihtu siin, bawiṭhutdanh hleihnih cungah nan ṭhu ve lai.

MATTHAI 21:21

Jesuh nih, “Biataktein kan chimh hna, lunghrinhnâk ngei lo tein nan zumh ahcun, theipi kung i tuahmi lawng hmanh si loin, hi tlâng sinah, i ṭhial law rili ah i paih nan ti lai i a si taktak ko lai.

MATTHAI 21:31

Cu hna pahnih lakah ahonihdah an pa duhnâk a tuah deuh hnga? tiah a ti. Annih nih, “A hmaisa deuh nih ta,” tiah an ti. Jesuh nih an sinah, “Biataktein kan chimh hna, ngun khuai khawltu hna le hlawhhlang hna nih vanbawi pennâk chungah an in luhkanh dih hna,” tiah a ti.

MATTHAI 23:36

Biataktein kan chimh hna, cu thil vialte hna cu atu chanmi hna cungah a phân te lai.

MATTHAI 24:2

Jesuh nih, “Hi vialte hi nan hmu ko lo maw? Biataktein kan chimh hna, chimh lomi lungrual pakhat hmanh a um lai lo,” tiah a ti hna.

MATTHAI 24:47

Biataktein kan chimh hna, a ngeihmi vialte zohkhentu ah a canter lai.

MATTHAI 25:12

Asinain anih nih, “Biataktein kan chimh hna, kan hngal hna lo,” tiah a leh hna.

MATTHAI 25:40

Siangpahrang nih, ‘Biataktein kan chimh hna, hi ka unau hna lak i a hmebik cungah nan tuahmi hi keimah cungah a tuahmi nan si, tiah a leh hna lai.

MATTHAI 25:45

Anih nih, ‘Biataktein kan chimh hna, hi mi hna lak i a hme bik cungah nan tuah lomi hi, ka cungah a tuah lomi bantuk nan si,’ tiah a leh hna lai.

MATTHAI 5:26

Biataktein kan chimh, fangkhat te tiang na cham lo ahcun cuka hmun cun na chuak ti lai lo.

MATTHAI 6:16

“Cuhleiah, rawl nan ulh tikah, mi depde hna bantukin hmaichia in um hlah u. Zeitintiah annih nih rawl an ulh kha mi nih kan hngal hna seh tiah hmai chia ṭiamṭuam in an um tawn. Biataktein kan chimh hna, an ṭuanman an hmuh cang.

MATTHAI 6:2

Cucaah thil nan ṭhenh tikah, mi depde hna bangin sinagog le zatlâng lamah mi theih awkah thanh len hlah u. Biataktein kan chimh hna annih nih an ṭuanman kha an hmuh cang.

MATTHAI 8:10

Jesuh nih cu bia a theih tikah a khuaruah a har i a zultu mibu sinah, “Biataktein kan chimh hna, hi tluk a nganmi zumhnâk hi Israel mi hna lak hmanh ah ka hmu bal lo!

MARKA 10:15

Biataktein kan chimh hna, Pathian pennâk cu ngakchia te nih a lawmh bantukin a lawm lomi pauh cu a chungah a lut lai lo,” tiah a ti.

MARKA 10:29

Jesuh nih, “Biataktein kan chimh, keimah le Thawngṭha ruangah inn siseh, unau siseh, far le siseh, mi siseh, pa siseh, nupi siseh, fale siseh, ram siseh a kaltakmi pauh cu,

MARKA 11:23

Zeitintiah biataktein kan chimh hna, hi tlâng sinah, ‘I ṭhial law, rili ah i hlawnh,’ tiah lungthin i lunghrinh lo tein, zumhnâk in a chimtu pauh tuahpiak a si lai, a chimmi pauh a hmuh ko lai.

MARKA 12:43

Jesuh nih a lamkaltu kha a kawh hna i “Biataktein kan chimh hna, thawhlawm kuangah a thlatu vialte ah hi nuhmei sifaknu thlakmi a tambik,

MARKA 13:30

Biataktein kan chimh hna, cu thil vialte a tlin hlan tiang tu lio chan hna hi an lo lai lo.

MARKA 14:18

Cubangin rawl ei i an ṭhut ko lioah Jesuh nih, “Biataktein kan chimh hna, ka sin i rawl a eimi lakah mi pakhat nih nan ka rawi lai,” tiah a ti.

MARKA 14:25

Biataktein kan chimh hna, “Pathian pennâk ah a thar in ka din cân a phâk hlan tiang misur hang hi ka ding ti lai lo,” tiah a ti.

MARKA 14:30

Jesuh nih, “Biataktein kan chimh ni hin ah, tuzan hmanh ah, ar voihnih khuan hlan hmanh ah, voithum naka hlawt lai,” tiah a ti.

MARKA 14:9

Biataktein kan chimh hna, vawlei dihlak thawngṭha an chimnâk pauh ah hi minu tuahmi zong hi amah philh lo nâkah an chim ve lai,” tiah a ti.

MARKA 3:28

Biataktein kan chimh hna, minung fapa hna sualnâk vialte le (Pathian) an cawhdehnâk vialte zong ngaihthiam an si ko lai,

MARKA 6:11

An cohlang duh lomi hna cu, cu hmun nan chuahtâk lai ah, an tuahmi a ṭhat lo zia an hngalh khawh nâkhnga, nan ke leidip nan thin ta lai. Biataktein kan chimh hna, biaceihni ah cun cu khua hna nih an tuar hngami cu Sodom le Gomorah tuarmi nâk in ṭih a nung deuh lai,” tiah a ti.

MARKA 8:12

Asinain anih cu a thlarau in a hrum ai i “Zeiruangahdah tuchan mi hna nih hmelchunhnâk thil lawng an kawl? Biataktein kan chimh hna, tuchan mi hna sinah hin hmelchunhnâk pêk an si hrimhrim lai lo,” tiah a ti.

MARKA 9:1

Anih nih, “Biataktein kan chimh hna hika i a dirmi hna lakah a cheu cu thiltikhawhnâk he Pathian pennâk a phânmi an hmuh hlan lo thihnâk a tep lo dingmi an um.

MARKA 9:41

Zeitintiah ka minin ti hraikhat an petu hna cu, biataktein kan chimh hna, an hmuh hngami cu an sung hrimhrim lai lo.

LUKA 11:51

Abel thisen an chuah ri in, ṭempal le biakṭheng karlak i Zakariah an thahmi thisen tiangin, a mawh cu atu chanthar hna sinah phorhter a si lai.

LUKA 12:37

Anpu rat tikah timhcia tein a rak ummi sinum hna cu mithluachuak an si. Biataktein kan chimh hna, â timhtuah lai i rawl ei awkah a ṭhutter hna lai, amah tu nih a zoh khenh hna lai.

LUKA 13:35

Zohmanh! Na inn cu hrawh cikcek hnuah rauh tâk a si lai, biataktein kan chimh, Bawipa min i A rami cu mi thluachuak a si, tiah nati cân a phâk hlan lo naka hmu ti lai lo,” tiah a ti.

LUKA 16:17

Nawlbia chung i a deh hmebik zong a lohtlaunâk cha cun van le vawlei loh tlau a fawi deuh.

LUKA 18:17

Biataktein kan chimh hna, “Ngakchia te nih a lawmh bantuk i a lawm lomi pauh cu Pathian Pennâk chungah an lut lai lo,” tiah a ti.

LUKA 18:29

Anih nih, “Biataktein kan chimh hna, “Pathian Pennâk ruangah inn siseh, nu le pa siseh, unau siseh, nupi siseh, fa le siseh a kaltâkmi pauh cu,

LUKA 23:43

Jesuh nih, “Biataktein kan chimh, nihin ah, Paradis ah, keimah sinah na um lai,” tiah a ti.

LUKA 4:24

Biataktein kan chimh hna, profet ahohmanh an khua mi nih an conglawm bal lo,” tiah a ti.

JOHAN 1:51

Anih nih, “Biataktein, biataktein kan chimh, hi hnu ah, â ong mi vanah, Pathian vanmi Mi Fapa cung i an ṭum an kai kha nan hmuh te lai,” tiah a ti.

JOHAN 10:1

“Biataktein, biataktein kan chimh hna, tuu kawm chungah innkâ in a lut lo i lamdang i a lutmi pauh mifir le damiah an si.

JOHAN 10:7

Jesuh nih an sinah a chim ṭhân i, “Biataktein, biataktein kan chimh hna. Keimah hi tuuluhnâk innkâ ka si.

JOHAN 12:24

Biataktein, biataktein kan chimh hna, buhfang vawlei ah a tlak i a thih ta lo ahcun, amah lawngin a um peng, a thih ahcun thei tampi in a tlai tawn.

JOHAN 13:16

Biataktein biataktein, kan chimh hna. Sinum cu a pu nâkin a ngan deuh lo. Lamkaltu tu zong a fialtunâk in a ngan deuh lo.

JOHAN 13:38

Jesuh nih, “Keimah ruangah na nunnâk na pêk lai maw? Biataktein, biataktein, kan chimh, voithum naka hlawt hlan ah cun ar a khuang lai lo,” tiah a ti.

JOHAN 14:12

Biataktein, biataktein, kan chimh hna, Aka zumtu nih cun ka tuahmi thil hi a tuah ve lai; Ka Pa sinah ka kal lai caah hi nâk ngan zong a tuah te lai.

JOHAN 16:20

Biataktein, biataktein, kan chimh hna, nannih ngaihchia in nan ṭap lai, vawlei tu cu â nuam lai, nannih nan ngaih a chia lai, asinain nan ngaihchiatnâk cu lunglomhnâk ah a cang lai.

JOHAN 16:23

Cuniah cun nannih nih zeihmanh nanka hal lai lo. Biataktein, biataktein, kan chimh hna, Pa sinah zei pauh nan hal ahcun keimah min in an pêk hna lai.

JOHAN 21:18

Biataktein biataktein, kan chimh, na ngakchiat lio ah na taiah nâ sawm i na duhnâk pauh ah na kal tawn, asinain na upat hnu ah cun, na kut na thlir lai i midang nih an in somh lai, cun na duh lonâk ah an in kalpi lai,” tiah a ti.

JOHAN 3:11

Biataktein, biataktein kan chimh, kan hngalhmi kha kan chim i, kan hmuhmi kha kan hngalhter, cun kan hngalhtermi nan cohlang duh lo.

JOHAN 3:3

Jesuh nih, “Biataktein, biataktein kan chimh, hrinṭhân a si lomi cu, Pathian pennâk a hmu kho lai lo,” tiah a ti.

JOHAN 3:5

Jesuh nih, “Biataktein, biataktein kan chimh. Thlarau le ti ah hrin lomi cu Pathian pennâk ah a lut kho lai lo.

JOHAN 5:19

Jesuh nih, “Biataktein, biataktein kan chimh hna, Fapa nih Amah lawngin zeihmanh a tuah kho lo, Pa nih a tuahmi a hmuhmi dah ti lo cu, Pa nih a tuahmi pauh, Fa zong nih a tuah.

JOHAN 6:26

Jesuh nih, “Biataktein, biataktein kan chimh hna, hmelchunhnâk nan hmuh ruangah, nanka kawlmi a si lo, changreu khim tein nan ei ruangah a si.

JOHAN 6:32

Jesuh nih, “Biataktein, biataktein kan chimh hna, Moses nih vanin changreu an pe hna lo, asinain ka Pa nih van in changreu taktak kha an pêk hna.

JOHAN 6:47

Biataktein, biataktein kan chimh hna, aka zummi pauh cu zungzal nunnâk a ngei cang.

JOHAN 6:53

Jesuh nih, “Biataktein, biataktein kan chimh hna, Mi Fapa taksa nan ei i a thisen nan din lo ahcun, nanmah tein nunnâk nan ngei lo.

JOHAN 8:34

Jesuh nih, “Biataktein, biataktein, kan chimh hna, sualnâk a tuahmi pauh cu, sual sal a si.

JOHAN 8:51

Biataktein, biataktein kan chim hna, “Ka bia â tlaihmi pauh cu thihnâk a hmu hrimhrim lai lo,” tiah a ti.

JOHAN 8:58

Jesuh nih, “Biataktein, biataktein kan chimh hna, “Abraham um hlanah, a UMMI ka si,” tiah a ti hna.

1 PETER 1:25

Asinain BAWIPA bia cu zungzal in a hmun.” Hihi thawngṭha in nan sinah chimmi bia cu a si.

BIAPHUAN 20:11

Cuticun a nganmi bawiṭhutdan râng le a cung i a ṭhumi kha ka hmuh, a hmaikâ in van le vulei an zâm dih. Cun an caah umnâk hmun a um lo.