MATTHAI 5:12 - Laibaibal Thiang (BSI)

¹² I lawm u law, i nuam tak tak ko u, zeitintiah vanah a nganmi nan ṭuanman a um, zeitintiah nanmah hlan i profet hna zong cubantukin an rak serhsat cang hna.

Lai (Hakha) Common Language Bible 2006

¹² Nan lung i lawm u law nan thanuam ko u, zeicahtiah vancung khua ah laksawng tampi chiahpiak nan si ko. Cu bantuk cun pei nan hlan i a rak ummi profet hna kha an rak hrem hna cu,” tiah a ti.

MATTHAI 5:12 ပူးပေါင်းရင်းမြစ်များ

SALM 19:11

Cuhleiah cu hna hmangin na sal hi ralrin pêk a si i cu bia hna zulhnâk ah laksawng nganpi a um.

SALM 58:11

Cuticun mi hna nih, “Miding caah cun laksawng a rak um taktak ko; vawlei ah biaceihtu Pathian a um taktak ko,” an ti lai.

PHUNGTHLÛKBIA 11:18

Misuaksual nih hlennâk man a co tawn, asinain dinnâk ci a tuhtu nih a ṭuanman taktak a hmuh lai.

MATTHAI 16:27

Zeitintiah Mi Fapa hi a vanmi hna le a Pa sunparnâk he i thuamin a ra ṭhân lai, cu cân ah cun an tuahmi he â tlakin ṭuanman pêk an si te lai.

MATTHAI 6:16

“Cuhleiah, rawl nan ulh tikah, mi depde hna bantukin hmaichia in um hlah u. Zeitintiah annih nih rawl an ulh kha mi nih kan hngal hna seh tiah hmai chia ṭiamṭuam in an um tawn. Biataktein kan chimh hna, an ṭuanman an hmuh cang.

LUKA 13:34

“Maw Jerusalem, Jerusalem, profet hna thattu, na sinah an thlahmi lung in a rakcheptu! Arpi nih afa le a thla tangah a huh tawn bangin, nafa le voi zeizatdah huh ka timh hna, sihmanhsehlaw na duh fawn lo!

LUKA 6:23

I lawm ula, thanuam in zuang u! Ngaihmanh u van ah nan hmuh ding a ngan tuk, nan cung i an tuah bantukin an pupa hna zong nih profet hna cungah an rak tuah cang.

LUKA 6:35

Asinain nan ral va daw ulaw, thilṭha tuah piak hna u, chamṭhân ding ruahchan loin cawih hna u. Nan ṭuanman cu a ngan tak tak lai i Cungnung bik fale nan si lai. A nih cu lawmh a hngalh lomi le misual cungah vêl a ngei.

LAMKALTU 16:25

Zanṭim ah Paul le Sailas cu Pathian sinah thla an cam i hla an sa, thongtla nih an ngaih hna.

LAMKALTU 5:41

Cuticun biaceihtu hna sinin an kal i a Min ruangah mualphonâk tuar awktlâk i ruah an si caah an i lawm ngaingai.

ROM 5:3

Culawng hmanh si loin, kan harnâk zongah kan i lawm. Harnâk nih inkhawhnâk a chuahter ti kha kan hngalh;

1 KORIN 3:8

A bunhtu le ti toihtu cu pumkhat an si, an ṭuanning cio in ṭuanman zong hmu ding an si.

2 KORIN 4:17

Atu mitṭhep chung i harnâk hmete kan teminmi hi, tahchunh khawh lomi zungzal sunparnâk i a kan luhtertu an si.

FILIPI 1:29

Zeitintiah Krih aiawh i rian pêk nan si ah hin, Amah nan zumh lawng si loin Amah ruang i temtuar zong pêkchih nan si,

FILIPI 2:17

Asi, zumhnâk i rian nan ṭuannâk le raithawinâk nan tuahmi i nan din awkah bungh dih ka si hmanh ah nan dih lak sinah kâ nuam in kâ lawm ko lai.

KOLOSE 1:24

Nanmah ca ah ka teminnâk ah atu zongah kâ lawm, Krih nih a pum, a kawhhran ca i a teminnâk ah a baumi hna cu ka taksa i ka teminnâk ah tlinter a si chin leng mang ko;

KOLOSE 3:24

Bawipa sin in nan ṭuanman nan co ding ro nan hmuh lai kha philh hlah u, zeitintiah Bawipa Krih riantu nan si.

1THESALON 2:15

cu hna nih Bawipa Jesuh le anmah profet zong an thah hna i kannih zong ankan serhsat. Pathian an lawmhter lo i mi vialte dohkalh leiin khua an sa,

HEBRU 10:34

zeitintiah ka cikcin ruangah nanka zângfah i nan thil an lâk zongah lunglawm tein nan in khawh, vanah a ṭha chinmi chawva zungzal a uhmi nan ngeih kha nan hngalh.

HEBRU 11:26

Krih ruang i minchiatnâk cu Ezip ram i rumnâk nâkin chawva sunglawi deuh ah a ruah i a hmuh hngami laksawng kha a conh peng caah.

HEBRU 11:33

cu hna nih zumhnâk in ram an lâk i dinnâk an tuah, biakammi kha an co i chiandeih kâ zong an phih,

HEBRU 11:6

Zumhnâk lo in Amah lawmhmi si khawh a si hrimhrim lo; Pathian sinah a rami nih, Amah cu a um ti kha a zumh hrimhrim lai i biatak chuah in a kawltu sinah laksawng petu a si ti kha a zumh awk a si.

JEIM 1:2

Ka unau hna, nan zumhnâk hneksaknâk nih inkhawhnâk a chuahter ti kha hngal in,

JEIM 5:10

Ka unau hna, Bawipa min in biachimtu profet hna teminnâk le an lungsauning kha i zohchunh u.

1 PETER 4:13

Krih teminnâk nan i hrawmhnâk a si tiah ruat in i lawm deuh u, cuticun a sunparnâk kha langhter a si tik ah lunglomh nâkin nan khat te lai.