MATTHAI 3:12 - Laibaibal Thiang (BSI)

¹² A kut in sisiap â put i hrih ah facang kha a zah lai, a fangṭha kha bukah a khumh hna lai, asinain a hi vialte cu a mit kho lomi mei ah khangh an si dih lai,” tiah a ti hna.

Lai (Hakha) Common Language Bible 2006

¹² A kut in facang zahnak sisiap cu aa put i rawl cu a zah dih hna lai; a fang cu buk ah a rawn hna lai i a hi cu a mit lomi mei in a khangh hna lai,” tiah a ti.

MATTHAI 3:12 ပူးပေါင်းရင်းမြစ်များ

SALM 1:4

Asinain Pathian-zeiaharellomi cu thli nih a choihmi favai bantuk an si.

SALM 35:5

Thli nih favai a chawih bang si hna seh, BAWIPA vanmi hna nih lo lakin dawi hna seh.

MATTHAI 13:30

Rawlṭuan tiangin umṭi ko hna seh, rawlṭuan tikah a ṭuntu hna sinah, a deu kha khawm hna ulaw meiphu ah paih hna u, a ṭhami kha buk chungah khumh hna u, ka ti te hna lai,” tiah a ti.

MATTHAI 13:41

Mi Fapa nih vancungmi kha a thlah hna lai, a pennâk chungin Ṭhatlonâk a tuahtu hna le, nawl buartu vialte an khawmh dih hna lai.

MATTHAI 13:42

Meiphu chungah an hlawnh hna lai i cuka ah ṭah le hacang rialnâk a um lai.

MATTHAI 13:43

Miding cu an Pa pennâk ah ni bangin an ceu cang lai. Theihnâk dingah hnâ a ngeimi nih thei ko hna seh.

LUKA 3:16

Johan nih a leh hna i an dihlak sinah, “Kei nih ti ah baptisma kan pêk hna; asinain keimahnâk i a ngan deuhmi a ra lio, a kedan hri phoih awk hmanh ah kâ tlâk lo. Amah nih mei le Thiang thlarau in baptisma an pêk hna lai.

LUKA 3:17

A kut in sisiap â ken i a hrih ah a zah lai, cun a fang kha bukah a khumh lai i a hi tu cu a mit lomi mei in a khangh lai,” tiah a ti.

JOHAN 15:2

Keimah i â pehmi nge, thei a tlai lomi pauh a hlawnh tawn i thei a tlaimi nge pauh a tlai a tam chinchin nâkhnga a thenh tawn.