MATTHAI 24:3 - Laibaibal Thiang (BSI)

³ Cuticun Oliv Tlang cung i a ṭhut lioah anmah lawngin lamkaltu kha a sinah an ra i, “Cucu zeitikahdah a si te lai? Na rat `hannâk le cân donghnâk ding hmelchunhnâk kha kan chim tuah,” tiah an ti.

Lai (Hakha) Common Language Bible 2006

³ Cun Jesuh cu Oliv Tlang i a ṭhut lioah khan a zultu hna kha anmah lawngte in an ra i, “Hihi zeitik ah dah a si lai? Cun na ratnak ding hmelchunhnak le atu chan donghnak ding hmelchunhnak ah zei thil dah a um hna lai?” tiah an hal.

MATTHAI 24:3 ပူးပေါင်းရင်းမြစ်များ

MATTHAI 13:36

Cuhnuah Jesuh nih mizapi a ṭinter hna hnu ah inn ah a lut. A lamkaltu kha a sinah an ra i, “Lo i ṭhlaici deu kong kha kan chimfiang tuah,” tiah an ti.

MATTHAI 13:49

Vawlei a dongh tik zongah cubantuk cu a si te lai. Vancungmi kha an chuak lai i miṭha sinin miṭha lo kha an thleidan hna lai;

MATTHAI 15:12

Cuhnuah a lamkaltu kha an ra i, “Farasih hna nih na chimmi kha an zum hrimhrim lo ti kha na hngal maw?” tiah an ti.

MATTHAI 16:27

Zeitintiah Mi Fapa hi a vanmi hna le a Pa sunparnâk he i thuamin a ra ṭhân lai, cu cân ah cun an tuahmi he â tlakin ṭuanman pêk an si te lai.

MATTHAI 16:28

Biataktein kan chimh hna, hika i a dirmi hna lakah hin, Mi Fapa a pennâk i a rat an hmuh hlan lo thihnâk a tep lo ding an um,” tiah a ti hna.

MATTHAI 17:19

Lamkaltu hna cu anmah te lawng Jesuh sinah an ra, “Zeiruangahdah kan ṭhawl khawh lo? tiah an ti.

MATTHAI 21:1

Jerusalem khua phanh lai Olive tlâng i a ummi Bethfeih khua an phâk tikah Jesuh nih lamkaltu pahnih a thlah hna i

MATTHAI 24:27

Zeitintiah Nimtlau â lek i vanhram deng tiangin a ceuh bantukin Mi Fapa a rat niah cun a si te lai.

MATTHAI 24:30

Cucân ah Mi Fapa hmelchunhnâk cu vanah a lang lai i vawlei miphun vialte cu ngaihchia in an hrûm an ai lai. Mi Fapa hi thiltikhawhnâk le a lianngami sunparnâk he vanah khuadawm lak i a rat kha an hmuh lai.

MATTHAI 24:37

Noah chan bantuk khan Mi Fapa arat cân ah a si te lai.

MATTHAI 24:39

tilian nih alâk dih hna hlan lo zeihmanh an hngal lo. Mi Fapa arat ni zongah cubantuk cu a si te lai.

MATTHAI 24:43

Asinain hihi hngal u, mifir a rat lai kha in ngeitu nih rak hngal sehlaw, a ven lai i a in a bauh lai lo.

MATTHAI 28:20

nawl kan pekmi vialte an zulh nâkhnga cawnpiak hna u; cun zohhmanh u, Kei, a zungzal in, vawlei dongh tiangin nan sinah ka um peng lai,” tiah a ti. Amen.

LUKA 21:7

Annih nih, “Cawnpiaktu, cu thil cu zeitikahdah a si lai, cuthil a phâk lai i hmelchunhnâk kha zeidah an si lai?” tiah an hal.

LAMKALTU 1:7

Anih nih, “A ni le cân Pa nih Amah nawlngeihnâk i a chiahmi cu nannih hngalh awk a si lo.

HEBRU 9:26

Cutin sihlahsehlaw, vawlei ser hramthawk khan voitampi a rak temtuar cang hnga. Asinain hi cân dongh ah hin, sualnâk hlawnh dingin a ra i Amah hrimhrim kha sual raithawinâk ah â pe.