MATTHAI 2:13 - Laibaibal Thiang (BSI)

¹³ An kal hnu ah, ngaihmanh, Bawipa vancungmi pakhat Josef sinah â lang i, “Naute le anu kha hruai hna law, Ezip ramah zâm, kan chimh ṭhân hlantiang cuka ah um, zeicatiah Herod nih Naute thah awkah a kawl,” tiah a ti.

Lai (Hakha) Common Language Bible 2006

¹³ Annih an kal hnuah Bawipa vancungmi pakhat cu Josef sinah khan a mang ah a lang i, “Tho law, ngakchia le a nu kha i kalpi hna law Izipt ram ah va zam u. Cun chuak cang u, kan ti hna hlantiang cuka ah cun va um u. Herod nih ngakchia hi thah awkah a kawl lai,” tiah a ti.

MATTHAI 2:13 ပူးပေါင်းရင်းမြစ်များ

MATTHAI 1:20

Asinain cu kong a ruah lio ah ngaihmanh, Bawipa vancungmi a mangah â lang i, “Josef, David fapa, Mary hi na nupi ca i ṭhit awkah ṭih hlah, zeicatiah fa a pawimi hi Thiang thlarau sinin a si.

MATTHAI 10:23

Hi khua i an in serhsat hna ahcun, khau dangah zâm u. Biataktein kan chimh hna, Mi Fapa a rat hlanah, Israel khua hna hi nan ṭol dih manh lai lo.

MATTHAI 2:12

Herod sinah kir ti lo dingin Pathian nih an mangah ralrin a pêk hna caah lam dangin an ram lei ah an kal.

MATTHAI 2:14

Cuticun a tho i cu zan lila ah Naute le a nu cu hruai in Ezip ramah a kal,

MATTHAI 2:16

Cuticun mifim hna nih an hlen ti kha Herod nih a hngalh tikah a thin a hung ngai ngai; a cân kong mifim hna sinin a rak theih cang bangin, Bethlehem khua le a pawngkam vialte i pa ngakchia kum hnih tanglei pauh that dingin ralkap kha a thlah hna.

MATTHAI 2:22

Asinain Arkelau nih apa Herod chângin Judia ramah Siangpahrang a ṭuan ti kha Josef nih a theih tikah, cuka i kal kha a ṭih, Pathian nih mangin ralrin a rak pêk cang bangin Galili ramah a kal.

LAMKALTU 10:22

Annih nih, “Kornelias, ralbawi pa mi dik, Pathian a ṭih i Judah mi vialte nih an thangṭhat ngaimi pa sinah na kal i na bia a ngaih khawh nâkhnga van mithiang nih a chimh,” tiah an ti.

LAMKALTU 10:7

Amah chawntu vanmi a kal hnuah Kornelias nih a sinum pahnih le amah vengtu lakah â pe ngaimi ralkap pakhat a auh.

LAMKALTU 12:11

Peter cu a lung a fim i Bawipa nih a vanmi a thlah i Herod kut le Judah mipi hna an i ruahchanmi chungin a ka khamh tiah atu cu ka hngalhfian cang,” tiah a ti.

LAMKALTU 12:7

Cun zohhmanh, Bawipa vancungmi pakhat a sinah a dir i thonginn cu a ceu, Peter cu a hnâk in a tongh i â hlau. “Khulrang in tho” tiah a ti. Hrengkhenh hna cu a kut in an tla.

LAMKALTU 16:36

Cuticun thonginn vengtu nih cu kong cu Paul sinah a chimh i, “Biaceihtu hna nih rak chuak hna seh tiah an ti. Atu chuak ulaw dai tein kal u,” tiah a ti.

LAMKALTU 5:19

Asinain zanah Bawipa vancungmi pakhat nih inkâ a rak on i a chuahter hna,

LAMKALTU 7:19

Cupa nih kan phunhawi kha diriam ngai in a serhsat hna i an lamhchih hna, an fale cu nung kho lo dingin an hlawnh hna.

BIAPHUAN 12:14

Asinain nu cu amah hmun ramcar i a zuan khawh nâkhnga a nganmi mupi thla pahnih kha an pêk, cu hmun rulpi nih a tongh khawhlonâk hmun ah cân khat le cân hna le cân cânceu chung kha nu cu an cawm lai.

BIAPHUAN 12:4

A mei in van i arfi cheuthum cheukhat a hnuh hna i vulei ah a thlâk hna. Cun rulpi cu nu nih nau ngeih awk i a timhlio ah, a hrinmi Ngakchia rak ei cawlh dingin a ngan a fakmi nu hmaiah a dir.

BIAPHUAN 12:6

Minu tu cu ramcar ah Pathian nih a timhlamh piakmi hmun ah a zâm. Cuka ah ni 1260 chung an cawm lai.