MATTHAI 18:3 - Laibaibal Thiang (BSI)

³ “Biataktein kan chimh hna, nan i leh i ngakchia bantuk ah nan i can lo ahcun vanbawi pennâk ah nan lut hrimhrim lai lo.

Lai (Hakha) Common Language Bible 2006

³ “Nannih cu nan i thlen i ngakchia bantuk ah nan i can lo ahcun Vancung Pennak chungah nan lut bal lai lo.

MATTHAI 18:3 ပူးပေါင်းရင်းမြစ်များ

SALM 131:2

Ka nunnâk hi hnukding liomi ngakchia anu ṭang i dai tein a um bantukin cawlcang loin dai tein a um; hnuk thlahmi ngakchia bangin ka nunnâk hi ka chungah â din.

MATTHAI 13:15

Zeitintiah hi miphun hna lungthin hi a khong cang i an hnâ zong a chêt. An mit zong an i au kho lo. Culoahcun, an mit in an hmuh lai, an hnâ zong nih a theih lai i an lung in an hngalh lai, an i mer lai i ka rak damter sual hna lai,” tiah a rak ti.

MATTHAI 18:2

Jesuh nih ngakchia kha a auh i an laiah a dirter i

MATTHAI 18:4

Cucaah hi ngakchia bantuk i toidormi pauh cu vanbawi pennâk ah mingan bik an si lai.

MATTHAI 19:14

Asinain Jesuh nih, “Ngakchia kha ka sinah ratter hna ulaw, dawn hna hlah u; zeitintiah vanbawi pennâk cu hibantuk hna caah hin a si,” tiah a ti.

MATTHAI 19:23

Jesuh nih lamkaltu hna sinah, “Biataktein kan chimh hna, mirum caah vanbawi pennâk chung i luh cu a har tak takmi a si.

MATTHAI 5:18

Zeitintiah biataktein kan chimh hna, lei le van an rawh hlan pauh cu Nawlbia chung i a deh hmete le a rin hmete zong an rawk lai lo. A dihlak i a tlinhlan pauh cu an rawk lai lo.

MATTHAI 5:20

Zeitintiah nan dinnâk nih nawlbiacawnpiaktu hna le Farasih hna dinnâk a lonh lo ahcun vanbawi pennâk ah nan lut hrimhrim lai lo, tiah kan chimh hna.

MATTHAI 6:16

“Cuhleiah, rawl nan ulh tikah, mi depde hna bantukin hmaichia in um hlah u. Zeitintiah annih nih rawl an ulh kha mi nih kan hngal hna seh tiah hmai chia ṭiamṭuam in an um tawn. Biataktein kan chimh hna, an ṭuanman an hmuh cang.

MATTHAI 6:2

Cucaah thil nan ṭhenh tikah, mi depde hna bangin sinagog le zatlâng lamah mi theih awkah thanh len hlah u. Biataktein kan chimh hna annih nih an ṭuanman kha an hmuh cang.

MATTHAI 6:5

Thla nan cam tikah mi depde hna bangin nan cam lai lo. Annih nih mi nih ka hmu hna seh tiah sinagog le zatlâng lamah dir buin thlacam an hmang. Biataktein kan chimh hna, an ṭuanman cu an hmuh cang.

MARKA 4:12

An hmuh ko nain a ruahawk an hngalh nâkhnga lo le hna in an theih ko nain a sullam an hngalh nâkhnga lo; culoahcun an i mer lai i an sualnâk ngaihthiam an si sual hnga,” tiah a ti.

LUKA 13:24

“Kutka bi ah luh i tim u, kan chimh hna, mitampi nih luh an timh na in, an lut kho lo.

LUKA 22:32

Asinain na zumhnâk a tlau nâkhnga lo thla kan campiak, ka sin i na rak kir ṭhân tikah na unau thazâng rak pe hna,” tiah a ti.

JOHAN 1:51

Anih nih, “Biataktein, biataktein kan chimh, hi hnu ah, â ong mi vanah, Pathian vanmi Mi Fapa cung i an ṭum an kai kha nan hmuh te lai,” tiah a ti.

JOHAN 3:3

Jesuh nih, “Biataktein, biataktein kan chimh, hrinṭhân a si lomi cu, Pathian pennâk a hmu kho lai lo,” tiah a ti.

JOHAN 3:5

Jesuh nih, “Biataktein, biataktein kan chimh. Thlarau le ti ah hrin lomi cu Pathian pennâk ah a lut kho lai lo.

LAMKALTU 14:22

Harnâk tampi tuarin Pathian pennâk ah kan luh awk a si ko, tiin zultu hna lungthin kha an ṭhawnter i zumhnâk ah fekte i dir dingin thazâng an pêk hna.

LAMKALTU 28:27

Zeitintiah hi miphun hna lungthin hi a pit dih, an hna a chet i an mit a caw. Culoahcun, an mit in an hmuh lai, an hna in an theih lai i an lungthin nih an hngalh lai, an i mer lai i ka rak damter sual hna lai,” tiah a timi kha.

LAMKALTU 3:19

Cucaah nan sualnâk hlohpiak a si khawh nâkhnga i ngaichih ulaw, Pathian sinah kir u, cuticun Bawipa sinin tharchuahnâk cân a phân kho lai,

1 KORIN 14:20

Ule nau hna, hngalhnâk ah ngakchia si hlah u, asinain sualnâk lei tu ah bawh te si ulaw hngalhnâk ah upa si u.

1 PETER 2:2

ngakchia chuakkâ bantukin, zeihmanh cawh lomi hnûk (Pathian) bia hi duh u, cu thawng cun nan ṭhang lai,

2 PETER 1:11

cuticun Jesuh Krih kan Bawipa le khamhtu nih zungzal ram i luhkhawhnâk cu siangngai in an pek hna lai.