MATTHAI 17:5 - Laibaibal Thiang (BSI)

⁵ A chim lioah khan, zohhmanh, a rângmi minmei nih a tuam hna i chikkhatteah minmei chungin aw pakhat a hung chuak, “Hihi Ka Fapa dawtmi a si, Amah bia kha ngai u,” tiah a ti.

Lai (Hakha) Common Language Bible 2006

⁵ Cu ti i bia a chim lioah cun a ceumi minmei nih a run zelh hna i minmei chung cun aw nih, “Hi pa hi ka dawtmi ka Fapa, ka lung a ka tong ngaingaimi a si, amah bia kha ngai u,” tiah a ti.

MATTHAI 17:5 ပူးပေါင်းရင်းမြစ်များ

MATTHAI 3:17

Cun ngaihmanh, van in aw a rung chuak i, “Hihi ka Fapa dawt, ka lawmh tukmi a si,” tiah a ti.

MATTHAI 12:18

“Zohhmanh, ka sal, ka thimmi, ka duhmi le, kâ lawmhnâk bik! A chungah ka Thlarau ka chiah lai i Gentel mi hna sinah diknâk a phuan lai.

MARKA 9:7

Cun minmei a rak zâm i lo lakin a tuam hna, cun minmei in aw a hung chuak i, “Hihi ka dawtmi Fapa a si, Amah bia ngai u,” tiah a ti.

JOHAN 3:35

Pa nih Fapa a dawt i a kut ah zeizong vialte a pêk cang.

MARKA 1:11

Van in aw a rung chuak i, “Nangmah hi ka dawtmi Fapa, na cungah kâ lawm ngai ngai,” tiah a ti.

BIAPHUAN 1:7

Zohhmanh, khuadawm lakah ara lai, mit vialte nih an hmuh lai, Amah a chunhtu hrimhrim nih khan an hmuh lai. Cun lei i miphun vialte cu Amah ruangah an ṭap lai, cubantuk cu si ko seh. Amen.

LUKA 3:22

Cun Thiang thlarau cu ṭhuro pum bantukin a rung zuang i a cungah â fu, van in aw a rung chuak i, “Nangmah cu ka dawtmi Fapa na si; Na cungah ka lawm tak tak,” tiah a ti.

HEBRU 5:9

Tlamtlinter a si hnu ah, a nawl ngaitu vialte caah zungzal khamhnâk hrampi ah a cang.

LAMKALTU 7:37

“Hihi Moses nih Israel tefa hna sin i a chimmi cu a si. BAWIPA nan Pathian nih keimah bantuk profet pakhat nan unau hna chungin a chuahter te lai, amah bia cu nan rak ngaih lai.

JOHAN 5:37

Cun aka thlahtu Pa zong nih ka kong hi a hngalhter cang. Nannih nih zeitikhmanhah a aw nan thei ballo, a mui zong nan hmu bal lo.

KOLOSE 1:13

Amah nih khuamui nawlngeihnâk chungin a kan chuahter i a dawtmi Fapa pennâk chungah a kan luhpi;

EFESA 1:6

a sunglawimi a zângfahnâk thangṭhat dingin cu zângfahnâk ah cun dawtmi ah Amah nih a kan cohlân.

JOHAN 3:16

Zeitintiah Pathian nih vawlei hi a dawt tuk hringhran i a Fapa ngeihchun kha a pêk, Amah a zummi pauh cu lotlau loin zungzal nunnâk an ngei lai.

LAMKALTU 1:9

Cu thil a chim dih in, an hmuh hngan teah vanah cawi in a um i khuadawm nih an hmuh khawh lonâk ah a lâk.

SALM 81:7

Nan vansan lio ah nanka auh i kan khamh hna; khuari â thuhnâk hmun in kan leh hna i Meribah ti zongah kan hniksak hna. (Selah)

MATTHAI 17:6

Lamkaltu nih cucu an theih tikah, an ṭih tuk i an bawk.

BIAPHUAN 14:14

Cuticun ka hun zoh i khuadawm râng ka hmuh i khuadawm cungah Mi Fapa bantuk hi a ṭhu, A lu ah suiluchin â chinh i a hâr ngaimi fa-ah kha â put.