LUKA 8:12 - Laibaibal Thiang (BSI)

¹² Lamkam i a tlami cu bia a thei cangmi an si, khamhnâk an co nâk dingah an zumh nâkhnga lo, khuachia cu a ra i an lungthin i a ummi bia kha a lakpiakmi bantuk an si.

Lai (Hakha) Common Language Bible 2006

¹² Lam i a tlami thlaici cu, a theih cu a theimi an si ko: asinain khuachia nih a rathnawh hna i an lung chungin thlaici kha a chuahpiak ṭhan hna caah a zum lo i khamhnak a hmu lomi kha an si.

LUKA 8:12 ပူးပေါင်းရင်းမြစ်များ

PHUNGTHLÛKBIA 1:29

Zeicatiah hngalhnâk an huat i BAWIPA ṭihzah an i thim lo ruangah.

PHUNGTHLÛKBIA 4:5

Fimnâk ngei law! theihthiamnâk ngei! ka hmurkâ chuak bia hna hi philh in mertâk hna hlah.

MATTHAI 13:19

Mizei pauh nih pennâk Thawngṭha hi a theih i a sullam a hngalh lo ahcun, mi ṭhalopa cu ara i a lungthin i a tlami thlaici cu a lâkpiak tawn. Cucu lamlak i a tlami cu a si.

MATTHAI 13:4

Thlaici a vorhmi cheukhat cu lam lakah an tla i vate nih an char dih.

MARKA 4:15

Lam kam i vorhmibia cu hihi a si. Bia an theih le cângkâ Satan a ra zau i an lungthin i vorhmi bia kha a lâkpiak tawn hna.

LUKA 8:11

“Tahchunhnâk kha hihi a si. Thlaici cu Pathian bia a si.

LUKA 8:13

Lungpher cung i a tlami cu, bia an theih le cângkâ, lunglawm ngai i a pom cawlhmi hna hi an si, asinain hram a thlak lo caah cân tawite lawng an zumh i tukforhnâk a um tikah an tlu ṭhân tawn.

LUKA 8:5

Thlaici vorhtu thlaici vorhah a kal i a cheu lam kamah a tla, mi nih anlamh i vanva nih an char dih.

BIAPHUAN 12:9

Cuticun Rul nganpi, Rulpi tar, Khuachia le Satan an timi, vawlei dihlak hlengtu cu a vancungmi vialte hna he vawlei ah an thlâk dih hna.