LUKA 4:18 - Laibaibal Thiang (BSI)

¹⁸ BAWIPA Thlarau cu ka cungah a um, zeicatiah sifakmi hna sin i Thawngṭha chim dingin chiti a ka thuh; lungkuaimi hna damter awkah aka thlah i saltangmi hna luatter ding le, mitcawmi hna khua hmuhter ding le, lamhchihmi hna luatnâk ding

Lai (Hakha) Common Language Bible 2006

¹⁸ “Bawipa Thlarau cu ka cungah a um. Sifakmi hna sin i Thawngṭha chim awkah chiti a ka thuh i Saltangmi hna sin i luatnak thanh awkah a ka thlah. Mitcaw mi hna sin i khuahmuh ṭhannak pek awk le Hremmi hna luatter dingah a ka thlah,

LUKA 4:18 ပူးပေါင်းရင်းမြစ်များ

SALM 102:20

Thong a tlami hna ainâk thawng ngai ding le, thi dingah ruahmi hna luatter dingah,

SALM 147:3

Lungthin kuaimi a damter, an hma a tuampiak hna.

SALM 2:2

BAWIPA le chiti a thuhmi ralchanh in vulei bawi hna hmunkhat ah an i tong i biaceihtu kha hmunkhat ah khua an khâng.

SALM 2:6

“Asinain ka tlângthiang Zion ah ka Siangpahrang kha ka chiah cang.”

SALM 34:18

Lungkuaimi hna caah BAWIPA cu a nai tawn, thlarau ngaihchiami kha a khamh hna.

SALM 45:7

Dinnâk na dawt i suahsualnâk na huat; cucaah Pathian, na Pathian nih, chiti an thuh, na hawi le hna nâk in lunglomhnâk chiti an thuh.

SALM 51:17

Pathian duhning raithawinâk cu thlarau kehkuai hi a si, lungthin kekkuai i chirnâk hi Maw Pathian, zeirel loin na um lai lo.

MATTHAI 11:5

Mitcaw mi nih khua an hmuh, kei beimi ke in an kal, thinghmuimi an thiang, hnachetmi nih thawng an theih, mithi hna thawhter an si i sifak hna nih thawngṭha an theih.

MATTHAI 12:18

“Zohhmanh, ka sal, ka thimmi, ka duhmi le, kâ lawmhnâk bik! A chungah ka Thlarau ka chiah lai i Gentel mi hna sinah diknâk a phuan lai.

MATTHAI 12:20

Tei dingah biaceihnâk a chuahter hlan pauh a rawpmi hluang a kiahter lai lo i la khu hmanh a hmit lai lo.

MATTHAI 4:16

Muihnâk chung i a ummi hna nih a liannganmi ceunâk an hmuh i thihnâk thladem tang i a ummi hna sinah ceunâk a chuak cang” timi a tlin nâkhnga caah a si.

MATTHAI 5:3

“Thlarau in sifakmi cu mithluachuak an si, zeitintiah vanbawi pennâk cu anmah ta a si.

LUKA 4:17

Isaiah cauk kha an pêk, cazual kha a samh i hi bia ṭialnâk zawn hi a hmuh.

LUKA 6:20

A zultu lei hawih in a hun zoh hna i: “Nannih sifakmi hna mithluachuak nan si, zeitintiah vanbawi pennâk cu nanmah ta a si.

LUKA 7:22

Jesuh nih an sinah, “Va kal ulaw, nan hmuhmi le nan theihmi thil hi Johan cu va chim u; mitcaw nih khua an hmuh i ke beimi ke in an kal, thinghmui mi an thiang i hnachetmi nih thawng an theih, mithi thawhter an si i sifak hna nih Thawngṭha an theih.

JOHAN 1:41

Anih nih a hmasa bik ah amah unau Simon a hmuh i a sinah, “Mesiah” (cucu Krih tinâk a si) kan hmuh tiah a ti.

JOHAN 12:46

Aka zumtu cu mui ah a um peng nâkhnga lo vawlei ceuhtu dingah ka ra.

JOHAN 3:34

Zeitintiah Pathian thlahmi nih cun Pathian bia kha a chim tawn, zeitintiah Pathian nih tah ciammam in Thlarau a pe lo.

LAMKALTU 10:38

Nazaret Jesuh, kha bantukin Pathian nih Thiang Thlarau le thiltikhawhnâk in sathau a thuh ning le thilṭha tuah in khual a tlawng i khuachia serhsatmi vialte a damter hnanâk kong kha, zeitintiah a sinah Pathian a um.

LAMKALTU 26:18

muinâk chungin ceunâk lei ah an i mer i Satan nawlngeihnâk mertâk in Pathian lei an hoihkhawh nâkhnga, keimah anka zumhnâk thawngin zumhnâk i thianter cangmi hna lakah ro an co khawh ve nâkhnga,” tiah a ti.

LAMKALTU 4:26

Vawlei bawi hna nih an dirhnawh hna i hotu hna zong nih Bawipa le a Krih ralchanh in hmunkhat ah an i pum.

LAMKALTU 4:27

“Zeitintiah hi khua ah hin a thiangmi na Sal sathau na thuhmi Jesuh cu fakpi i dohdal dingin, Herod le Pontias Pailat le Jentail mi hna le Israel mi hna an i tong

KOLOSE 1:13

Amah nih khuamui nawlngeihnâk chungin a kan chuahter i a dawtmi Fapa pennâk chungah a kan luhpi;

JEIM 2:5

Ka dawtmi unau hna, zohhmanh u, Pathian nih hi vawlei thil i misifak hna hi zumhnâk ah rumding le Amah dawtu hna sinah a kamhmi pennâk kha co cawk ah a thimmi an si lo maw?

1 PETER 2:9

Asinain nannih cu thimmi miphun, siangpahrang tlângbawi, miphun thiang, a hleiin Amah mi nan si; cucu a mak ngaimi a ceunâk i lut dingah muihnâk chungin an kotu hna Amah cu nan phuan khawh nâkhnga;