LUKA 3:11 - Laibaibal Thiang (BSI)

¹¹ Anih nih an sinah, “Angki pahnih a ngeimi pauh nih, a ngei lomi pe seh, ei awk a ngeimi pauh nih cubangin tuah ve seh,” tiah a leh hna.

Lai (Hakha) Common Language Bible 2006

¹¹ Anih nih, “Angki pahnih a ngeimi nih a ngei lomi kha pakhat ṭhen seh, cun rawl a ngeimi nih a ngei lomi kha hrawm seh,” a ti.

LUKA 3:11 ပူးပေါင်းရင်းမြစ်များ

MATTHAI 25:40

Siangpahrang nih, ‘Biataktein kan chimh hna, hi ka unau hna lak i a hmebik cungah nan tuahmi hi keimah cungah a tuahmi nan si, tiah a leh hna lai.

LUKA 11:41

Nan ngeih ciami in mi sifak hna bawm hna ngat u, cuticun nan caah zeizong vialte a thianghlim cang lai.

LUKA 18:22

Jesuh nih cucu a theih i a sinah, “Lamkhat na bau. Na ngeih vialte zuar law, mi sifak phaw hna, cuticun vanah ro na ngei lai, cun ra law, ka zul,” tiah a ti.

LUKA 19:8

Zakia cu a dir i Bawipa sinah, “Ngaihhmanh, Bawipa, ka chaw hnarcheu misifak ka pêk hna lai, ningcang lo in kalâkmi a um ahcun, a let li in ka cham hna lai,” tiah a ti.

JOHAN 13:29

Zeitintiah cheukhat nih Judas cu phaisa bawm kengtu a si ruangah, Jesuh nih Thô ca i a herhmi cawk le, mi sifak hna sinah thil zei maw pêk a fial tiah an ruah.

LAMKALTU 10:2

Amah le chungkhar dihlak he Pathian a ṭih i a upatmi an si, sifak sinah thil tampi a petu le Pathian sinah thla a cam zungzalmi a si.

LAMKALTU 10:31

‘Kornelias, na thlacamnâk Pathian nih a theih i mi sifak na bomhmi zong Pathian hmai ah theihpiak a si.

LAMKALTU 10:4

Kornelias nih a hmuh tikah a ṭih i, “Bawipa zeidah a si?” tiah a ti. Anih nih a sinah, “Na thlacamnâk le thilpêk kha hngalh peng dingin Pathian sinah a phân.

EFESA 4:28

Firhmang nih fir ti hlah seh, chambau mi a bomh khawh nâkhnga a kut in ba lakin rian ṭuan seh.

1TIMOTE 6:17

Tuchan mirum hna nih an rumnâk kha porhlawtnâk i hmanglo ding le bochan awk a tlâk lomi chawva an i bochan nâkhnga lo le thil vialte kan i lawmhnâk dingah a kan petu Pathian kha i bochan dingin chimhring hna.

1TIMOTE 6:18

Thilṭha tuah hna seh, thilṭha tuahnâk ah rum hna seh, midang nih an ciangzar an tem ve nâkhnga nun siang hna seh,

HEBRU 6:10

Zeicatiah Pathian hi nan ṭuanmi le Amah minin dawtnâk i nan langhtermi rian le mithiang hna ca i nan rak ṭuan cangmi le nan ṭuan cuahmah mi hna philh ding tiangin mi dinglo a si lo.

JEIM 1:27

Pathian le kan Pa mithmuhah a thiang i a thûrhnawm lomi biaknâk cu ngakṭah le nuhmei an har lio i bomhchanh le hi vawlei thûrhnomhnâk chungin i thianter hi a si.

JEIM 2:14

Ka unau hna, minih zumhnâk ka ngei tihmanhsehlaw, tuahsernâk a ngeihlo ahcun san a tlai hnga maw? cubantuk zumhnâk nih amah a khamh kho hnga maw?

1JOHAN 3:17

Asinain mi zei pauh nih vawlei thilṭha ngeiin, a unau chambau in hmu sehlaw, a zângfah lo ahcun, zeitindah a chungah Pathian dawtnâk a hmunmi a si khawh lai?

1JOHAN 4:20

Minih, ‘Pathian ka dawt a ti i a unau a huat ahcun lihchim a si; zeitintiah a hmuhmi unau hmanh a dawt lo ahcun, a hmuh lomi Pathian cu zeitindah a dawt khawh lai?