LUKA 23:2 - Laibaibal Thiang (BSI)

² Amah sualphawtnâk chim hram an thawk, “Hipa nih kan miphun a hrawk i Sizar sinah ngunkhuai pek a khap, Krih, Siangpahrang ka si tiah a chimmi zong kan theih, tiah sual an puh.

Lai (Hakha) Common Language Bible 2006

² Anih cu sual kha an phawt i, “Hi pa nih hin kan mi hna a pingah a hruai hna kha kan tlaih, a thawh hna i Sizar Siangpahrang sinah ngunkhuai nan pe lai lo, a ti hna i, keimah hi siangpahrang Khrih cu ka si, a ti hna,” an ti.

LUKA 23:2 ပူးပေါင်းရင်းမြစ်များ

SALM 35:11

Hngalhpitu deu an chuak i ka hngalh lomi thil kha anka hal.

SALM 62:4

A sangmi a dirhhmun i thlak awkah ruahnâk nan i cheu, lihchim ah an i nuam; ankâ in thlua an chuah nain an chunglei in chiat an serh hna. (Selah)

MATTHAI 17:27

Asinain lungsilo i kan umter suak nâkhnga lo tiva ah va kal law, sio va thla. A hmaisa bik a chuakmi nga kha tlai, a kâ na kau lai i fanghnih na hmuh lai, cucu la law, nang le kei caah va pe hna,” tiah a ti.

MATTHAI 22:21

Annih nih, “Sizar” tiah an ti. Anih nih, “Sizar thil cu Sizar pe ulaw, Pathian thil cu Pathian pe u,” tiah a ti hna.

MATTHAI 27:11

Cuticun Jesuh cu Mangki bawi hmaiah a dir i Mangki bawi nih, “Judah Siangpahrang na si maw? tiah a hal. Jesuh nih, “Na chimning te cun a si ko,” tiah a ti.

MARKA 12:17

Jesuh nih, “Sizar thil cu Sizar pe ulaw, Pathian thil cu Pathian sinah pe ngat u,” tiah a ti i mak an ti ngai ngai.

MARKA 15:2

Pailat nih, “Judah siangpahrang na si maw?” tiah a hal. Anih nih, “Na chim bangin a si ko,” tiah a leh.

LUKA 23:14

an sinah, “Hi pa nih mizapi a buaiter hna timi kongah nan ratpi kha a si i nan hmai hrimhrim ah sual nan puhmi vialte kha ka hlathlai i a sualnâk zeihmanh ka hmu lo,

LUKA 23:5

Annih cu an hrang chinchin i, “Galili ram in Judia ram khua kip le hi hmun tiangin a cawnpiaknâk ruangah mizapi a buaiter tawn,” tiah an ti.

JOHAN 18:29

Pailat cu a va chuak i an sinah, “Hi pa ralchanhnâk ah zeibantuk sual puhnâk he dah nan rat?” tiah a ti hna.

JOHAN 18:30

Annih nih, “Hipa nih sualnâk tuah hlah sehlaw na sinah kan ratpi hnga lo,” tiah an ti.

JOHAN 19:12

Cu hnu cun Pailat nih chuahkhawhnâk lam a kawl, asinain Judah mi hna cu an au cuahmah ko. “Hi pa hi na chuah ahcun Sizar hawi na si lai lo. Siangpahrang ah â sermi pauh cu Sizar ralchanhtu an si,” tiah an ti.

LAMKALTU 24:13

Asiloah atu i sual phawt anka timhnâk zong hi a dik le dik lo an fianter kho lai lo.

LAMKALTU 24:5

Zeitintiah hipa hi mi hnahnawk, vulei i Judah mi vialte sinah ṭhennâk chuahtertu Nazaret mi hna lakah an hotu bik a si.

ROM 13:7

Cucaah nan batmi vialte pe hna u, leiman pêknâk dingah leiman pe ulaw, ngunkhuai pêknâk dingah ngunkhuai pe u. ṭih awk ṭih ulaw, hmaizah awk hmaizah u.