LUKA 17:30 - Laibaibal Thiang (BSI)

³⁰ Cubantukin Mi Fapa a langhni ah a um te lai.

Lai (Hakha) Common Language Bible 2006

³⁰ Cuticun Mi Fapa a langh ni ah cun a si ve lai.

LUKA 17:30 ပူးပေါင်းရင်းမြစ်များ

MATTHAI 16:27

Zeitintiah Mi Fapa hi a vanmi hna le a Pa sunparnâk he i thuamin a ra ṭhân lai, cu cân ah cun an tuahmi he â tlakin ṭuanman pêk an si te lai.

MATTHAI 24:3

Cuticun Oliv Tlang cung i a ṭhut lioah anmah lawngin lamkaltu kha a sinah an ra i, “Cucu zeitikahdah a si te lai? Na rat `hannâk le cân donghnâk ding hmelchunhnâk kha kan chim tuah,” tiah an ti.

MATTHAI 24:37

Noah chan bantuk khan Mi Fapa arat cân ah a si te lai.

MATTHAI 24:39

tilian nih alâk dih hna hlan lo zeihmanh an hngal lo. Mi Fapa arat ni zongah cubantuk cu a si te lai.

MATTHAI 26:64

Jesuh nih, “Na chimning kha a si ko. Asinain kan chimh, tu hnu ah Mi Fapa hi Thiltikho orhlei kam i a ṭhut le, van in khuadawm lak i a rat kha na hmuh lai,” tiah a ti.

MARKA 13:26

Cu hnu ah Mi Fapa hi thiltikhawhnâk lianhngannâk le sunparnâk he khuadawm lak i a rat kha an hmuh lai.

LUKA 17:24

Zeitintiah nimtlau â lek i van hram khatte lei in khatte lei tiang a tleuh bantukin Mi Fapa ratni ah a um te lai.

LUKA 17:29

asinain Sodom khua in Lot a chuah ni ah vanin mei le kât a sur i a thah dih hna.

LUKA 21:22

Zeitintiah cuni cu teirul cham ni a si, cu kong i ṭialmi vialte a tlin dih nâkhnga.

LUKA 21:27

Cu cân ah Mi Fapa hi thiltikhawhnâk le a liannganmi sunparnâk he minmei lak i a rat kha an hmuh lai.

1 KORIN 1:7

cuticun kan Bawipa Jesuh Krih â langhnâk kha hngak in, thilpêk lei ah chambau in nan um lo,

1 KORIN 1:8

Amah nih kan Bawipa Jesuh Krih ni ah sawiawk um lo in nan um nâkhnga a dongh tiangin an fehter hna lai.

KOLOSE 3:4

Kan nunnâk Krih a langh tikah nannih zong Amah sinah sunglawi ngaiin nanlang ve lai.

2 THESALON 1:7

Bawipa Jesuh cu a ṭhawngmi a vanmi hna he van in an langh tikah nannih harnâk tuartermi hna le kan nih hi dinhnâk a kan pêk lai.

1 PETER 1:13

Cucaah a herhmi pauh ṭuan awkah nan ruahnâk cu timhcia in um sehlaw, mah le mah i tei in, Jesuh Krih a langhtikah, nan sinah a run phorh laimi zângfahnâk cungah nan ruahchannâk kha bunh u,

1 PETER 1:7

a taktak a simi nan zumhnâk cu, a rawk khomi sui mei in hniksak cangmi nâkin a sung lawi deuh, cucaah Jesuh Krih a rat tikah thangṭhat le upatnâk le sunparnâk he hmuh nan si khawh nâkhnga,

1 PETER 4:13

Krih teminnâk nan i hrawmhnâk a si tiah ruat in i lawm deuh u, cuticun a sunparnâk kha langhter a si tik ah lunglomh nâkin nan khat te lai.

1JOHAN 2:28

Atu ah hin nau le hna, Amah ah hmun ko u; cuticun Amah a langh i a rat tik ah Ahmai ah ralṭha le ningzak loin kan um kho lai.

1JOHAN 3:2

Ka dawt le hna atu ah Pathian fa le kan si i zeidah kan si telai ti tu cu langhter a si rih lo, asinain Amah a langh tikah, Amah bang kan si lai ti kha kan hngalh, zeitintiah Amah cu a sining tein kan hmuh lai.

BIAPHUAN 1:7

Zohhmanh, khuadawm lakah ara lai, mit vialte nih an hmuh lai, Amah a chunhtu hrimhrim nih khan an hmuh lai. Cun lei i miphun vialte cu Amah ruangah an ṭap lai, cubantuk cu si ko seh. Amen.