LUKA 17:1 - Laibaibal Thiang (BSI)

¹ Cuhnuah a lamkaltu hna sinah, tluknâk hi umlo kho a si lo. asinain tluknâk a umtertu cu ngaihchia a va si dah!

Lai (Hakha) Common Language Bible 2006

¹ Jesuh nih a zultu kha a chimh hna i, “Sualnak chungah mi a tlaktertu thil cu an um ṭheo lai; sihmanhsehlaw cu thil hna a umtertu caah cun ṭihnung a va si dah!

LUKA 17:1 ပူးပေါင်းရင်းမြစ်များ

MATTHAI 16:23

Asinain Peter kha a mer hnawh i “Satan, ka hnu ah kal! Ka caah tluknâk na si, Pathian thil kha ruat loin minung thil kha na ruah caah a si,” tiah a ti.

MATTHAI 18:7

Tluknâk ruangah vawlei hi chiatserh si ko seh. Zeitintiah tluknâk kha a um awk hrimhrim a si; asinain tluknâk a umtertu cungah chiatserhnâk tlung ko seh.

LUKA 16:31

Asinain anih nih, “Moses le Profet hna bia an ngaih lo ahcun thihnâk in tho ṭhân hmanhsehlaw an ngai hlei lai lo,” tiah a ti.

ROM 14:13

Cucaah i sawi ti hlah u sih, aho pauh nih mah unau caah dawntu le tluktertu si lo kha i tim cio u sih.

ROM 16:17

Ule nau hna nan cawnmi biatak si loin cawnpiaknâk dang a cawnpiak i i ṭhennâk le tlukrilhnâk a phâktertu cu ralring ngaiin hnulei chit dingah kan nawl hna.

1 KORIN 10:32

Judah siseh, Grik siseh, Pathian kawhhran siseh, an tluknâk dingah zeihmanh tuah hlah u,

1 KORIN 11:19

Nanlakah a taktak a simi an langhkhawh nâkhnga zumhnâk phundang a ngeimi zong an um awk a si.

1 KORIN 8:13

Cucaah eiding nih ka unau a tlukter ahcun, ka unau a tluk tinâk hngalo, sa ka ei ti lai lo.

1TIMOTE 4:1

Cân hmadung ahcun mi tampi nih zumhnâk hi an tluktâk lai i hlennâk thlarau le khuachia cawnpiaknâk lei ah an i mer lai tiah Thlarau nih fiang tein a chim,

BIAPHUAN 2:14

Asinain tlawmte ralchanhnâk kan ngei, Balaam cawnpiaknâk pomtu cheukhat nan i umpimi kha a si, anih nih Balak kha Israelmi hna hmaiah tlukrilhnâk chiahpiak in nupa sualnâk tuah ding le milem biaknâk sa ei dingin sualnâk lam a cawnpiak hna.

BIAPHUAN 2:20

Asinain ralchanhnâk tlawmpal kan ngei, zeicahtiah profet ka si â timi nu Jezebel nih nupa sualnâk tuah le milem biaknâk sa ei awkah ka sal le a cawnpiakmi le a hruaimi kha na dawn lo.