LUKA 11:2 - Laibaibal Thiang (BSI)

² Anih nih, “Hitihin thla cam u, van i a ummi kan Pa, na min thianghlim seh, na pennâk cu tlung ko seh, van i naduhnâk an tuah bangin, leiah tuah si ve seh,

Lai (Hakha) Common Language Bible 2006

² Jesuh nih cun, “Hitihin thla cu nan cam awk a si lai: ‘Kan Pa, Na min thiang cu upat si ko seh, Na Pennak cu tlung ko seh.

LUKA 11:2 ပူးပေါင်းရင်းမြစ်များ

SALM 103:20

A vanmi hna, BAWIPA cu thangṭhat u, a bia a ngai i a tuahtu le, a hlei in ṭhawnnâk i thuamhmi nan si.

SALM 108:5

Maw Pathian, nang cu van hna nakin sangchin ah thangṭhatnâk cu co ko, na sunparnâk cu lei pumpi ah hin thangṭhat si ko seh.

SALM 11:4

BAWIPA cu a thiangmi a ṭempal ah a um, BAWIPA bawiṭhutdan cu vanah a um. A mit in a hmuh i minung fale kha a mitvun in a hniksak hna.

SALM 57:11

Maw Pathian, nangmah cu van hna cungah khin hlawrh in um law, na sunparnâk cu lei pumpi ah um ko seh.

MATTHAI 10:32

Cucaah mi hmaiah aka ṭanhtu cu, van i ka Pa hmaiah ka ṭanh ve lai.

MATTHAI 3:2

“I ngaihchih u, zeicatiah vanbawi pennâk cu a nai cang,” tiah a ti.

MATTHAI 5:16

Cubangin nan ceunâk cu mi hmaiah ceu seh law nan tuahmi ṭhatnâk kha an hmuh lai i van i a ummi nan Pa kha an thangṭhat lai.

LUKA 11:1

Hitihin a si, hmun pakhat ah thla a cam i a dih tikah lamkaltu lak i mi pakhat nih, “Bawipa, Johan nih a zultu hna kha thlacam a cawnpiak bantuk khan thlacam ning kan cawnpiak,” tiah a ti.

ROM 1:7

Rom khua i Pathian dawtmi, mithiang si dingin kawhmi vialte sinah Pathian, kan Pa le Bawi Jesuh Krih sin in zângfahnâk le daihnâk nan cungah um ko seh.

ROM 8:15

Zeitintiah ṭihnâk le sal sinâk thlarau nan co lo i fa sinâk Thlarau tu nan co. Amah thawngin, “Abba, Kapa” tiah kan au tawn.

1 KORIN 1:3

Kan Pa Pathian le Bawipa Jesuh Krih sinin zângfahnâk le daihnâk nan sinah um ko seh.

2 KORIN 1:2

Pathian kan Pa le Bawipa Jesuh Krih sinin zângfahnâk le daihnâk nan sinah um ko seh.

GALATI 1:4

Atu chan chan ṭhalo chungin a kan khamh khawh nâkhnga, kan Pathian le kan Pa duh ningin, Amah cu kan sualnak ruangah â pe,

EFESA 1:2

Pathian kan Pa le Bawipa Jesuh Krih sinin zângfahnâk le daihnâk nan sinah um ko seh.

FILIPI 1:2

Pathian kan Pa le Bawipa Jesuh Krih sinin zângfahnâk le daihnâk nan sinah um ko seh.

FILIPI 4:20

Cubangin kan Pathian le kan Pa sinah sunparnâk cu zungzal in zungzal tiang um ko seh. Amen.

KOLOSE 1:2

Kolose khua i Krih-ah mithiang le zumhtlâk unau hna sinah: Pathian kan Pa le Bawipa Jesuh Krih sinin zângfahnâk le daihnâk nan sinah um ko seh.

1THESALON 1:1

Paul, Silvanas le Timote nih Pa Pathian le Bawipa Jesuh Krih ah Thesalon kawhhran hna sinah: Pa Pathian le Bawipa Jesuh Krih sinin zângfahnâk le daihnâk nan sinah um ko seh.

1THESALON 1:3

zumhnâk i rian nan ṭuanmi le, dawtnâk ruangah nan thabâtnâk, kan Bawipa Jesuh Krih i ruahchannâk ruangah kan Pathian le Pa hmaiah nan lungsaunâk kha philh lo tein,

2 THESALON 2:16

Cubangin kan Bawipa Jesuh Krih le kan Pa Pathian a kan dawtu le zângfahnâk ruangah zungzal hnangamnâk le ruahchannâk ṭha a kan petu Amah hrimhrim nih,

BIAPHUAN 11:15

Cuticun vanmi pasarihnâk nih a hun tum: Cun van ah khin aw thang ngaiin, “Hi vawlei siangpahrang pennâk hna cu kan Bawipa le a Krih pennâk ah â cang, zungzal in zungzal tiangin a uk lai,” tiah a au;

BIAPHUAN 15:4

Aw Bawipa, ahodah Nangmah ṭih loin a um lai i na min thangṭhat lo in a um lai? Zeitintiah Nangmah lawnglawng a thiangmi na si. Zeitintiah a dingmi na biaceihnâk cu langhter a si cang caah, Miphun vialte na sinah ra in an in biak lai,” tiah an sak.

BIAPHUAN 19:6

Cun mibu tampi aw thawng bantuk le, ti tampi aw thawng bantuk le a liannganmi khuari thawng bantuk kha ka theih, “Heleluia! Zeizongtuahkho Bawipa Pathian nih a uk,” tiah an ti.

BIAPHUAN 20:4

Cun bawiṭhutdan kha ka hmuh hna i a cungah mi an ṭhu, an sinah biaceihnâk kha an pêk. Pathian bia le Jesuh biahngaltu an si ruangah le sahrang le a lem a bia lo i ankut le ancal ah chinchiahnâk a co lo ruangah anlu an tanmi hna thlarau kha ka hmuh hna. Cu hna cu an hung nung i Krih he kum 1000 chung an uk hna.