LUKA 11:13 - Laibaibal Thiang (BSI)

¹³ Nannih misual hmanh nih nanfa le thilṭha pêk nan hngalh ahcun, van i nan Pa nih a haltu sinah Thiang thlarau a pêk lai ning cu,” tiah a ti.

Lai (Hakha) Common Language Bible 2006

¹³ Hi tluk i nan ṭhalo ko na hin nan fale kha thil ṭha pek cu nan hngalh ahcun, vancung i a ummi nan Pa nih cun amah kha Thiang Thlarau a halmi cu zeitluk in dah a pek chinchin hna lai,” tiah a ti.

LUKA 11:13 ပူးပေါင်းရင်းမြစ်များ

SALM 51:5

Ngaihhmanh, sualpalh cia in hrin ka si i ka nu nih sual in a ka pawi.

PHUNGTHLÛKBIA 1:23

Ka sîknâk ah i mer u, nan chungah ka thlarau ka bungh lai i ka bia kan hngalhter hna lai.

MATTHAI 5:16

Cubangin nan ceunâk cu mi hmaiah ceu seh law nan tuahmi ṭhatnâk kha an hmuh lai i van i a ummi nan Pa kha an thangṭhat lai.

MATTHAI 5:45

cucu van i a ummi nan Pa fale nan si khawh nâkhnga caah a si. Anih nih cun misual le miṭha cungah ni a tlanter i miding le miding lo cungah ruah a surter.

MATTHAI 6:14

“Mi sualnâk kha nan ngaihthiam hna ahcun vanlei nan Pa zong nih an ngaihthiam ve hna lai.

MATTHAI 6:30

Cuticun nihin ah a nung i a rauh hlan i mei i tih awk a simi ramkung hmanh Pathian nih cu tlukin a thomh ahcun, nannih zumhnâk a tlawmmi hna, tam chin chinin an thuam hna hnga lo maw?

MATTHAI 6:32

Zeitintiah cu thil vialte cu Gentel mi nih an kawl tawn. Asinain cuvialte cu nan herh dih ti kha vanlei nan Pa nih a hngalh dih ko.

MATTHAI 7:11

Nanmah misual hmanh nih nan fale thilṭha pêk nan hngalh ahcun; van i nan Pa nih cun a haltu sinah thilṭha cu a pe chinchin hnga lo maw?

LUKA 11:12

Asiloah arti in hal sehlaw, ahodah tlâng ngaikuang a pe hnga?

LUKA 11:2

Anih nih, “Hitihin thla cam u, van i a ummi kan Pa, na min thianghlim seh, na pennâk cu tlung ko seh, van i naduhnâk an tuah bangin, leiah tuah si ve seh,

LUKA 18:7

An cungah lungsau rih hmanhsehlaw, a thimmi hna, chun zan hlan i amah autu hna cu Pathian nih let lo in maw a um hna hnga?

JOHAN 4:10

Jesuh nih, “Pathian thilpêk le, dinawk ka pe, tiah an haltu hi hei hngal law cu, nangmah tu nih na hal lai i anih nih tinung an pêk ko hnga,” tiah a ti.

LAMKALTU 2:38

Peter nih, “I ngaichih ulaw, nan sual ngaihthiamnâk caah Jesuh Krih min in Baptisma ing u; cun pekmi Thiang Thlarau hi nan co lai.

ROM 5:17

Zeitintiah mi pakhat sual ruang hmanhah thihnâk nih a uk a si ahcun, a tlingmi zângfahnâk le dinnâk thilpêk a comi hna nih mi pakhat, Jesuh Krih thawngin nunnâk nih a uk chin chin hna lai.

ROM 7:18

Zeitintiah keimah ah (cucu ka thisa ah tinâk a si) ṭhatnâk a um lo ti kha ka hngalh; zeitintiah ṭhatnâk tuah duhnâk cu ka ngei, asinain zeitindah ṭhatnâk cu ka tuah lai ti kha a lam ka hmu lo.

ROM 8:32

A fapa hmanh zuah loin kan dihlak caah a kan pêk ahcun, zeitindah thil vialte zong Amah sinah manlo tein pêkchih loin a kan um hnga?

TITAS 3:3

Zeitintiah kanmah zong hlan ah mihrut, nawlngailo, hlenmi, nomhhnaihnâk le duhnâk phunkip tuahmi, mi hnachuah le huat tlai ngai le pakhat le pakhat â huami kan rak si.