LUKA 1:17 - Laibaibal Thiang (BSI)

¹⁷ Cuticun, ‘pale hna lungthin an fale hna sin i merter awk le nawlngai lomi kha mifim bang i umter awkah, Bawipa ca i mi hna rak timlam dingah Elijah thlarau le thiltikhawhnâk he Bawipa hmaiah a kal hmasa lai,” tiah a ti.

Lai (Hakha) Common Language Bible 2006

¹⁷ Amah cu Pathian thlahmi lamkaltu a si lai i profet Elijah bantukin a fekmi le a ṭhawngmi a si lai. Pale hna le fale hna kha hmunkhat ah a fonh ṭhan hna lai i nawl a ngai lomi hna kha miding mi hna ruahnak lam leiah a hruai ṭhan hna lai. Bawipa mi hna cu Bawipa ca i aa tlakmi minung si awkah a rak timh hna lai,” tiah a ti.

LUKA 1:17 ပူးပေါင်းရင်းမြစ်များ

SALM 10:17

BAWIPA, toidormi hna duhnâk cu na theih; an lungthin cu na timhlamh hna lai i na hnâ cu anmah theihnâk ah na hman lai.

SALM 111:10

BAWIPA ṭih hi fimnâk hram a si, a nawlpêk zultu hna nih theihthiamnâk ṭha an ngei. Amah thangṭhatnâk cu zungzal in a hmun.

SALM 78:8

A pupa hna an lawh lo i chan lungkhong le ralthawh hmang an si lo i lungput a dik lomi chan an si lo i Pathian caah zumh a tlak lomi thlarau an si nâkhnga lo caah a si.

MATTHAI 11:14

Nan cohlan duh ahcun, hihi a ra laimi Elijah cu a si.

MATTHAI 14:4

Johan nih a sinah, “Nupi i na ngeih hi phungning a si lo, tiah a rak ti ruangah a si.

MATTHAI 3:3

Zeitintiah hihi profet Isaiah nih a rak chim chungmi, “Ramcar i au thawng nih, BAWIPA caah lam rak sial u law, ding tein a kalnâk lam cu remh u,” tiah a ti.

MATTHAI 3:4

Johan cu kalauk hmul in â thuam i a taisawm cu saphaw a si; a rawl cu khaubawk le ram khuaihliti a si.

LUKA 1:16

Israel fale tampi kha Bawipa an Pathian lei ah a merter hna lai.

LUKA 1:76

Asi, pate, nang hi Cungnung bik profet an in ti lai. Zeitintiah a lam rak timtuah dingah a hmaiah na rak kal lai.

JOHAN 1:13

Cu hna cu thisen i hrin an si lo, pumsa duhnâk i hrin an si lo, pa duhnâk i hrin an si lo, Pathian hrin an si.

JOHAN 1:34

Ka hmuh cang i hihi Pathian Fapa a si kha ka hngalhter cang,” tiah a ti.

JOHAN 3:28

Krih ka si lo, a hmai i thlahmi ka si, tiah ka chimmi aka theihpitu cu nanmah hi nan si.

LAMKALTU 10:33

Cuticun na sinah mi ka rak thlah cawlhnâk hi a si, na ratmi cu a ṭha taktak. Bawipa nih an pêkmi bia ngai dingin, atu Pathian hmai ah kan dihlak in hika i kan um hi a si,” tiah a ti.

ROM 9:23

A sunparnâk lianhngan ning a langhter khawh nâkhnga zângfahnâk ûm hna cu sunglawi ngai i um dingin a rak timhlamh cia hna,

KOLOSE 1:12

cuticun ceunâk chungah mithiang hna co hngami ro hrawm awktlâk i a kan cantertu Pa sinah lawmhnâk bia kan chim.

2TIMOTE 2:21

Cucaah a hnu deuh chungin â thiantermi hna cu a thiangmi ûm, Bawipa hman awktlâk, rianṭha vialte caah timh ciain a ummi, sunh lawihmi ûm an si.

1 PETER 2:9

Asinain nannih cu thimmi miphun, siangpahrang tlângbawi, miphun thiang, a hleiin Amah mi nan si; cucu a mak ngaimi a ceunâk i lut dingah muihnâk chungin an kotu hna Amah cu nan phuan khawh nâkhnga;

1JOHAN 2:28

Atu ah hin nau le hna, Amah ah hmun ko u; cuticun Amah a langh i a rat tik ah Ahmai ah ralṭha le ningzak loin kan um kho lai.

BIAPHUAN 20:4

Cun bawiṭhutdan kha ka hmuh hna i a cungah mi an ṭhu, an sinah biaceihnâk kha an pêk. Pathian bia le Jesuh biahngaltu an si ruangah le sahrang le a lem a bia lo i ankut le ancal ah chinchiahnâk a co lo ruangah anlu an tanmi hna thlarau kha ka hmuh hna. Cu hna cu an hung nung i Krih he kum 1000 chung an uk hna.