LAMKALTU 2:3 - Laibaibal Thiang (BSI)

³ Meizik bantuk lei kha an lang i an i ṭhen hnuah, pakhat cio an cungah â fu dih.

Lai (Hakha) Common Language Bible 2006

³ Cun meizik he aa lomi leiṭe an hung chuah kha an hmuh hna i cuka i a ummi hna an dihlak cungah khan lei cu pakhat cio ah an i fu.

LAMKALTU 2:3 ပူးပေါင်းရင်းမြစ်များ

SALM 55:9

Maw Bawipa, hrawk hna law, an lei kha cheu dih hna; zeitihtiah khuapi chung i entainâk le zangennâk kha ka hmuh hna.

MATTHAI 3:11

Kei nih ngaihchih hmelchunhnâk caah ti in baptisma kan pêk hna, ka hnu i a ra laimi cu keimah nâkin a ngan deuh, a kedan putu hmanh ah kâ tlâk lo. Amah nih Thiang Thlarau le mei in baptisma an pêk hna lai.

MATTHAI 3:15

Asinain Jesuh nih, “Atu ah rem ti ko, dinnâk vialte zulh dih hi kan caah â tlakmi a si,” tiah a ti i Johan nih rem a ti.

LUKA 24:32

Annih nih, “Lam ah bia a kan ruah i Cathiang a fianter lio ah khan ka lungthin mei bangin a kan kangh len a si lo mei? tiah an i ti.

LAMKALTU 1:15

Cun lamkaltu hna an i pumh lio ah, Peter a dir i (an dihlak in za le kul hrawng an si)

LAMKALTU 2:11

Judah mi kan si ah, Judah phun hrawm Jentel mi kan si ah, a cheu cu Krit tikulh le Arabia rammi kan si, asinain Pathian tuahmi thil lianngan kong an chimmi kan holh cio in kan rak theihmi hi,” tiah an ti.

LAMKALTU 2:2

Hmakhat teah van in thawng, a ṭhawngmi thlitu hrân thawng bantukin a rak phân i an ṭhutnâk inn cu a khat dih.

LAMKALTU 2:4

An dihlak in Thiang Thlarau in an khat i Thlarau nih a chimter hna ningin holh dang dangin an chim cio.

1 KORIN 12:10

midang sinah khuaruahhar tuahkhawhnâk pêk a si, midang sinah biaphuan khawhnâk pêk a si; midang sinah thlarau dik le dik lo thleidan khawhnâk pêk a si, midang sinah holh phundang dang i biachim khawhnâk pêk a si, midang sinah holh dangdang leh khawhnâk pêk a si.

JEIM 3:6

Lei hi mei a si, sualpalhnâk vawlei pakhat a si. Lei hi kan pumpuluk thûrter kho dingin chiahmi pumnge a si. Kan kokek ziaza hi a kangh i cucu hell mei in khanghmi a si.

BIAPHUAN 11:3

Cun ka biahngaltu pahnih hna sinah thiltikhawhnâk ka pêk hna lai, cuticun buri puan aih in ni 1260 chung bia an phuan lai,” tiah a ti.

BIAPHUAN 14:6

Cuticun vanmi dang van i a zuangmi kha ka hmuh, amah cu vawlei i miphun kip le hrinkip le holh phunkip le mikip hna sinah zungzal thawngṭha bia aupitu dingah a zuangmi an si,