LAMKALTU 17:5 - Laibaibal Thiang (BSI)

⁵ Asinain a zum duh lomi Judah mi nih an hnahchuah hna i chawdawr hmun i â chawk sawhsawhmi misual kha an i sawm hna i khuachung kha an buaiter dih. Zatlâng ah chuahpi dingah Josan in kha an va nam.

Lai (Hakha) Common Language Bible 2006

⁵ Sihmanhsehlaw Judah mi kha an nah a chuak i khualak i a vak sawhsawhmi zeiruaramlo minung pawl kha an pumh hna i cu hna cu an au an khuang i khua kha a ning piin hnahnawhnak an tuah. Jason inn kha an va nam i an i ruahnak ah cun khika ah khan Paul le Silas kha an rak um lai i mizapi hmaiah kan chuahpi hna lai an ti.

LAMKALTU 17:5 ပူးပေါင်းရင်းမြစ်များ

SALM 35:15

Asinain annih tu nih cun ka covo a chiat tikah lunglawm in an i pum, aka dotu hna cu hmunkhat ah an i pum i cucu ka hngal lo; ngol loin anka thlehbauh dih.

SALM 69:12

Kulhnâk kutka i a ṭhumi nih ka kong an ceih i zuri hna nih hla in anka hloi.

PHUNGTHLÛKBIA 14:30

Lungthin dam hi pum caah nunnâk a si i hnahchuahnâk cu ruh rawhtertu a si.

MATTHAI 27:18

Zeitintiah hnahchuah ruangah an tlaihmi a si kha a hngalh.

LAMKALTU 13:45

Judah mi hna nih mibu an hmuh le cângkâ hnahchuahnâk in an khat i Paul bia chimmi cu an rak el i an thangchiat.

LAMKALTU 14:19

Cuticun Antiok khua le Ikonion khua Judah mi mizeimaw an ra i mizapi kha anmah leiah an ṭanter khawh hna, Paul cu lung in an cheh, khuachung in an chuah i a thi cang tiah an ruah.

LAMKALTU 14:2

Asinain a zum duh lomi Judah mi hna nih Gentel mi an forh hna i an ruahnâk ah huatnâk thlaici tuh in unau kha an huatter hna.

LAMKALTU 17:13

Asinain Thesalonika khua i Judah mi hna nih Paul nih Beria khua ah Pathian bia a chim ti kha an theih tikah an ra i mizapi kha an tukforh hna.

LAMKALTU 17:6

Asinain annih kha an hmuh hna lo tikah Josan le unau dang hna tu kha khua uktu hna sinah an kalpi hna. An au i vawlei buaitertu hna kha hika zongah an ra,

LAMKALTU 17:7

Josan nih â tlunter hna; hi hna nih Jesuh siangpahrang dang a um tiin Sizar nawlpêk an ralchanh,” tiah an ti.

LAMKALTU 17:9

Josan le midang sinin an aiawh i chiah ding thil an lâk hnu ah an chuah hna.

LAMKALTU 18:12

Gallio cu Akai ram i uktu bawi a si lioah, Judah mi hna nih lungrual tein Paul cu an tlaih i biaceihtu hmai ah an chuahpi.

LAMKALTU 19:40

Nihin i buaibainâk ruangah a mawh nan kan phurter sual lai ti zong phân a um ngai, buainâk a chuahchan chimfiangtu le nan um fawn lo,” tiah a ti hna.

LAMKALTU 7:9

Hringtu hna nih Josef kha an hnahchuah i Izip ramah an zuar. Asinain a sinah Pathian a um i

ROM 16:21

Kan rianṭuan hawi Timote le, ka phunhawi Lusias, Joson le Sosipater hna nih nan kut an in tlaih hna.

1 KORIN 3:3

zeitintiah thisa mi nan si peng ko rih. Zeitintiah hnachuahnâk, elhnialnâk, i ṭhennâk hna nan lakah a um tikah thisa mi, minung men men bantukin nan nung ko lo maw?

2 KORIN 11:26

Ka khual tlawnnâk ah voi tampi ti lak i ṭihnung, damiah lak i ṭihnung, ka phunhawi chungin ṭihnung, Gentel hna chungin ṭihnung, khuapi chungin ṭihnung, ramcar i ṭihnung, rilipi chungin ṭihnung, unau deu hna chungin ṭihnung;

GALATI 5:21

hnahchuahnâk, lainawnnâk, zuritnâk, zuhmun nuamtinâk hna an si. Cubantuk thil tuah a hmangmi hna nih Pathian pennâk an co lai lo, tiah kan chimh chung hna bang khan, atu zongah ka chim ṭhân.

GALATI 5:26

Mah le mah i hlawrh le thin i hunter le hnahchuahnâk ngeiin um hlah u sih.

1THESALON 1:6

Cun harnâk fakpi temtuar buin bia kha cohlâng in Thiang thlarau ah lawmhnâk he Bawipa le kanmah zultu ah nan i cang,

JEIM 4:5

Asiloah Cathiang nih, “Kan chung i Thlarau a ummi nih hnahchuak lak in a kan ham,” ti hi a sawhsawh in a chim tiah nan ruat maw?