KOLOSE 3:5 - Laibaibal Thiang (BSI)

⁵ Cucaah nan lei taksa ṭengnge nupa sualnâk, thûrhnawmhnâk, hornâk, duhnâk sual le hakkauhnâk, (cucu milem biaknâk a si)hna kha that hna u.

Lai (Hakha) Common Language Bible 2006

⁵ Nan chung i rian a ṭuanmi vawlei pum duhnak: nu le pa sualnak tehna, dawhcah loin umtu khuasak tehna, hornak tehna, thin ṭhat lo tehna le hakkauhnak tehna hi nan thah hrimhrim awk an si (hakkauhnak hi siasal biakning phun khat a si).

KOLOSE 3:5 ပူးပေါင်းရင်းမြစ်များ

MATTHAI 15:19

Zeitintiah lungthin in ruahnâk ṭha lo, lainawnnâk, ṭângdangkainâk, nu le pa sualnâk, firnâk, lih i sualpuhnâk, thangchiatnâk hna a rak chuak tawn.

ROM 1:26

Hi ruangah a chia-khâmi hornâk lam zul dingin Pathian nih hnulei a chit hna, annu hna hmanhnih an sining kha siloning ah an thlen.

ROM 1:29

Dinlonâk in an khat i nupa sualnâk, suahsualnâk, hakkauhnâk le min chiatter duhnâk in an khat. Hnahchuahnâk, lainawnnâk, i remlonâk, hlennâk, sualnâk lei lawng duhnâk, thlithup biaruah hmannâk,

ROM 6:13

Cun nan taksa ṭengnge hna kha dinlonâk hriamnam caah sual tuahnâk dingah pe siang ti hlah u, thihnâk in a tho ṭhanmi bangin Pathian sinah i pe ulaw, nan pum ṭengnge zong cu dinnâk hriamnam caah Pathian sinah pêk siang deuh u.

ROM 6:6

Hihi hngal usihlaw, kan minung hlun cu a sinah khenhchih in a um cang, sualpum cu hlawnh i a um nâkhnga le sual sal i kan um ti nâkhnga lo.

ROM 7:23

Asinain ka pum ṭengnge ah hin nawlbia phundang a um ti kha ka hngalh, cu nih cun ka ruahnâk nawlbia kha an ralchanh i ka pum ṭengnge i sual nawlbia a ummi sinah sal ah a ka hruai tawn.

ROM 7:5

Zeitintiah thisa i kan um lioah khan, nawlbia nih a thawhtermi sual duhnâk nih kan pum ṭengnge hna ah thihnâk tiang a chuahpitu theitlai a chuahpi tawn.

ROM 8:13

Zeitintiah thisa leiin nan nun ahcun nan thi lai, asinain pumsa duhnâk kha Thlarau in nan thah ahcun nan nung lai.

1 KORIN 5:1

Nanlak ah nupa sualnâk kong, Gentel hna lak hmanh ah a um ballo mi thawng kha a thang, mipa pakhat nih apa nupi he an i um.

1 KORIN 6:11

Nan lakah cheu khat cu cubantuk tuah a hmangmi nan rak si. Asinain Bawipa Jesuh min le kan Pathian Thlarau ah `awlthian nan si cang, thianter nan si cang, thiamcoter nan si cang.

1 KORIN 6:13

Eiding cu paw caah a si, paw zong eiding caah a si, asinain Pathian nih a hrawh ve ve lai. Taksa hi nupa sual tuahnâk caah a si lo i Bawipa caah a si. Bawipa zong cu taksa caah a si.

1 KORIN 6:18

Nupa sualnâk tuah hi zâmtâk u. Minung tuahmi sualnâk tampi cu pum lenglei ah a si. Nupa sualnâk a tuahtu cu amah pum cungah sualnâk a tuahtu a si.

2 KORIN 12:21

culoahcun ka rat tikah, nan mit hmuh ah ka Pathian nih a ka mualphoh lai i sualnâk an tuah cang na in â ngaihchih lomi, thûrhnawmhnâk le, nupa sualnâk le, a hormi hna ruangah ka ṭap sual lai.

GALATI 5:24

Cun Krih Jesuh ta a simi hna nih an thisa cu a duhnâk le tlaihchannâk hna he an khenhchih cang.

EFESA 4:19

cu hna cu poi tinâk ngei lo le ningzah hngal loin, thûrhnawmhnâk ah zat ti um loin, hornâk ah an i pumpe.

KOLOSE 2:11

Krih cuarpartannâk ah, pumsa sual duhnâk kha i phoih in, kut i cuarpartan si loin Amah ah cuarpartan nan si.

1THESALON 4:3

Zeitintiah Pathian duhning i thianghlim te i um cu nupa-sualnâk chungin i thianter hi a si.

1THESALON 4:5

Pathian a hngal lomi Gentel bangin taksa duhnâk ah i hmang dih loin;

1TIMOTE 6:10

Zeitintiah phaisa duhtuk hi sualnâk vialte hram a si, cheukhat nih cucu an duh i zumhnâk an kaltak i anmah le anmah ngaihchiatnâk tam piin an i chunh tawn.

HEBRU 12:16

culoahcun, nupa sualnâk tuah hmangmi le Esau bangin Pathian upat lomi a um sual lai. Anih nih a fater sinâk kha rawl voikhat eiah a zuar.

HEBRU 13:4

Mi vialte sinah ṭhit-umh hi hmaizah siseh law, nuva ihkhun kha thûrter sihlah seh. Nupa sualnâk a tuahmi le ṭangdang kaimi cu Pathian nih bia a ceih hna lai.

HEBRU 13:5

Nan nunning cu hakkauhnâk tello nun siseh, nan ngeihmi ah lungtling u. Zeitintiah Amah hrimhrim nih, “Zeitikhmanhah kan kaltâk hna lai lo i kan zohsawh hna lai lo,” tiah a ti.

JEIM 4:1

Nanlakah dohdalnâk le sikvelhnâk hna kha khuazeiindah a rat? Nomhhnaihnâk nan duhtuknâk le nan chung i dohnâk a um tawnmi chungin a chuakmi a si lo maw?

1 PETER 2:11

Dawtmi hna khual le khualtlawng men nan si caah, thlarau ralchanhtu thisa duhnâk kha ngol dingin kan nawl hna.

BIAPHUAN 21:8

Asinain miralchia, zumlotu, fihnungmi, lainawngmi, horduh cuaimi, doihthiammi, milem biami hna le lih chimmi vialte umnâk ding cu mei le kât mei tili, thih voihnihnâk cu a si.

BIAPHUAN 22:15

Asinain lênglei ah uico hna le, doihthiam hna, nupa sualnâk a tuahtu hna le, lainawngmi hna le siasal biami hna le lih a tlaihchantu hna le a hmangtu kha an um lai.