KOLOSE 3:10 - Laibaibal Thiang (BSI)

¹⁰ zeitintiah hngalhnâk tling ngei ding le a sertu muisâm lo dingin tharchuah i a um cuahmah mi minung tharin nan i thuam cang.

Lai (Hakha) Common Language Bible 2006

¹⁰ mi thar cu nan i hruk cang caah pakhat le pakhat i hleng hlah u. Hi mi thar hi a sertu Pathian nih amah mui lo chin lengmang in a tharchuah lengmangmi cu a si i cucu amah hngalhnak kha tlamtling tein nan ngeih khawhnak caah a si.

KOLOSE 3:10 ပူးပေါင်းရင်းမြစ်များ

SALM 51:10

Maw Pathian, ka chungah lungthin thiang ser ṭhân law, keimah ah hin a fekmi thlarau kha tharchuah hrâm ko.

JOHAN 17:3

Hihi zungzal nunnâk a si, nang Pathian taktak hngalh le, na thlahmi Jesuh Krih hngalh hi.

ROM 12:2

Hi vawlei sining he i pehtlai hlah u, thilṭha le cohlan awktlâk, a tlingmi Pathian duhnâk cu nan hngalhkhawh nâkhnga nan ruahnâk kha tharchuah le thlen in um ko seh.

ROM 13:12

Zan hi a dih dengmang i khua a dei dengmang cang, cucaah khuamui tuahsernâk kha hlawnh in khua ceu thuam kha i hruk u sih.

ROM 13:14

Bawi Jesuh Krih tu in i thuam ulaw, nan pumsa duhnâk tlinter dingin zeihmanh tuah hlah u.

ROM 6:4

Cucaah a thihnâk i baptis kan si tikah a sinah phum in kan um. Pa sunparnâk nih Krih cu thih nâkin a thawhter bangin, kannih zong nunthar in kan nun ve awk a si.

ROM 8:29

Zeitintiah a fapa cu unau tampi lak i fater a si khawh nâkhnga, a hngalh chungmi hna cu, Amah fapa bantuk i um dingah a khaukhih diam cang hna.

2 KORIN 3:18

Asi kan nih cu hmaikhuh loin Bawipa sunparnâk cu thlalang i kan hmuh bangin kan zoh, Amah muisam keng dingin, Bawipa Thlarau nih sunparnâk in sunpar chinchin nâkah thlen in kan um cuahmah lio a si.

2 KORIN 4:16

Cucaah kan lung a dong bal lo. Lenglei kan minung sinâk hi lo tlau cuahmah hmanhsehlaw, kan chunglei minung cu ni fatin tharchuah lengmang a si.

2 KORIN 4:6

Zeitintiah Jesuh Krih muihmaiah khan Pathian sunpar ning hngalhnâk ceu cu a kan pêk nâkhnga muihnâk chungin ceunâk pe ding i nawlpetu Pathian nih kan lungthin hi a ceuter.

2 KORIN 5:17

Cucaah mizei pauh Krih ah a um ahcun sertharmi a si, thilhlun cu an lo i ngaihmanh u, zeizong vialte a thar cang.

GALATI 3:27

Zeitintiah nan lakah Krih chungah baptisma a ingmi vialte cu Krih in nan i thuam cang.

GALATI 6:15

Krih Jesuh ah cun cuarpartan hi zeihmanh san a tlai lo i cuarpartan lo zong zeihmanh san a tlai hlei lo. San a tlaimi cu sertharnâk hi a si.

EFESA 2:10

Thilṭha tuah dingah Krih Jesuh ah sermi kan si i Amah kutchuak kan si, cu thilṭha tuah cu kan umnâk dingah Pathian nih a rak timhlamh ciami a si.

EFESA 2:15

phunglam le nawlbia le nawlpêk hna nih an chuahpi mi ralnâk cu a taksa in a hrawk i pahnih hna cu Amah ah mithar pumkhat ah ser in, daihnâk kha a ser,

KOLOSE 3:12

Cucaah Pathian thimmi, a thiangmi le dawtmi nan si bangin velngeihnâk, zângfahnâk, toidornâk, nunnemnâk le lungsaunâk in i thuam u;

KOLOSE 3:14

Cu thil vialte hna cungah dawtnâk i hruk u, cucu pumkhat sinâk i funtomnâk tlamtling a si.

FILEMON 1:6

na zumhnâk cu midang sinah na hngalhternâk thawngin Krih Jesuh ah na chung i a ummi ṭhatnâk phunkip hna nih hmual an ngeih khawh lai.

HEBRU 6:6

an tluk ṭhân ahcun, ngaihchih dingin tharchuah khawh an si ti lo, zeicatiah Pathian Fapa kha an khenhchih ṭhân i mual an photer ṭhân caah a si.

1JOHAN 2:3

A nawlpêkmi kan zulh ahcun, cu nih cun Amah kan hngalh ti kha kan hngalh.

1JOHAN 2:5

Asinain a bia a nunpimi pauh cu, Amah ah Pathian dawtnâk a tling taktak cang. Cu nih cun Amah ah kan um ti kha kan hngalh.

BIAPHUAN 21:5

Cuticun bawiṭhutdan i a ṭhumi nih, “Zohhmanh, thil vialte a thar in ka ser dih cang.” Cun ka sinah, “Ṭial tuah,” zeitintiah hi bia hna hi biatak le zumhtlâk an si,” tiah a ti.