KOLOSE 2:8 - Laibaibal Thiang (BSI)

⁸ I ralring u, culoahcun mi zeimaw nih Krih cawnpiakning si loin, fimnâk le pakpalawng hlennâk le, minung hna i chanhchinmi phung le vawlei phunghram men in hlen nan si sual lai.

Lai (Hakha) Common Language Bible 2006

⁸ Khrih chungin si loin, van le vawlei uktu thlarau hna sinin le minung nih pakhat le pakhat an i cawnpiak chin lengmangmi chungin a chuakmi minung fimnak, santlaihnak zeihmanh a ngei lomi fimnak, hlennak menmen a simi cu hmang in, ahohmanh nih sal ah in ser hna hlah seh.

KOLOSE 2:8 ပူးပေါင်းရင်းမြစ်များ

MATTHAI 10:17

Asinain minung lakah i ralring u, biaceihnâk sangah an in phâkpi hna lai i sinagog chungah an in velh hna lai.

MATTHAI 16:6

Jesuh nih, “Farasih le Sadusih hna thilnu lakah i ralring u law fimhring tein um u,” tiah a ti hna.

MATTHAI 7:15

Profet deu kha i ralring u; tuu phaw aih in nan sinah an ra lai na in an chunglei tu cu a hrangmi cenghngia an si.

LAMKALTU 17:18

Epikorian le Stoik mifim cheukhat zong nih amah cu an rak el tawn. Cheukhat nih, “Hi biaduh pa nih hin zeidah chim a timh?” tiah an ti. Jesuh kong le thawhṭhannâk kong a chim caah cheukhat nih, “Ramdang pathian kong chimtu a si ko rua,” tiah an ti.

LAMKALTU 17:32

Mithi thawhṭhânnâk kong an theih tikah, cheukhat nih an nihsawh, cheukhat nih, “Hi bia hi na sinin kan ngaih ṭhân te lai,” tiah an ti.

ROM 16:17

Ule nau hna nan cawnmi biatak si loin cawnpiaknâk dang a cawnpiak i i ṭhennâk le tlukrilhnâk a phâktertu cu ralring ngaiin hnulei chit dingah kan nawl hna.

1 KORIN 10:12

Cucaah fek tein ka dir ko a timi kha i ralring seh, culoahcun a tlu sual lai.

1 KORIN 8:9

Asinain i ralring u, zalong ngai i nan nun ah hin thazâng dermi caah dawnkhântu ah nan i cang tawn.

2 KORIN 10:5

elhniahnâk le a sangmi thil, Pathian hngalhnâk dawntu dingah â santer chawmmi hna cu hrawk in, khuaruahnâk vialte hna cu Krih nawlngaihnâk sal ah kan luhpi tawn,

GALATI 1:14

Judah biaknâk ah ka ṭhirual le ka phunhawi hna ka chawhkanh hna i pupa hna phung ka ṭanhnâk ah a hleihluat in â zuammi ka si.

GALATI 4:3

Cubantukin kannih zong ngakchia kan si lio ah, vawlei cawnpiaknâk hram tangah sal in kan rak um.

GALATI 4:9

Atu Pathian nan hngalh hnu ah, asiloah, Pathian hngalhmi nan si hnu ah tiawk a si deuh, zeitindah san a tlai lomi cawnpiaknâk hramah i mer in cu sal i um cu nan duh ṭhân khawh rih?

GALATI 5:15

Asinain nan i seh i nan i ei ahcun, nan i hrawk dih te lai, i ral ring u.

EFESA 2:2

hlanah hi vawlei phung ningin khua nan rak sa, vanrâng i ṭhawnnâk bawi, atu i nawlngai lomi hna chungah rian a ṭuntu thlarau duh ningin,

EFESA 4:20

Asinain Krih ah nan cawnmi cu cubantuk a si lo.

EFESA 5:6

Ahohmanh nih pakpalawng biain in hleng hna hlah seh: cuthil hna ruangah dah kaw zumlotu cungah Pathian thinhunnâk cu a langh tawn.

FILIPI 3:2

Uico hna lakah i ral ring u, Ṭhatlonâk a tuahtu hna lakah i ralring u law, cuarpartan a uartu hna lak zongah i ral ring u.

KOLOSE 2:18

Adeu i tangdormi le vanmi a biatu le, langhnâk phundang khun hmu i â chimmi hna, asinain vawilei lungput ngeiin amah le amah â sântermi hna nih nan hmuh hngami ṭuanman cu hleng in inchut hna hlah seh,

KOLOSE 2:20

Cucaah vawlei cawnpiaknâk hrampi cu Krih sinah nan thihtâk hnu ah, zeiruangahdah vawilei mi bangin nan nun ṭhân i vawilei sining tangah um ṭhân in-

KOLOSE 2:22

timi minung nawlpêk hna le cawnpiaknâk, a lo tlau zau dingmi hna ah nan i pêk ṭhân khawh?

KOLOSE 2:23

Hibantuk biaknâk â ṭanhter ngaimi, a deu in toidormi hna le, pumsa zei i a rel lo i fahnâk â petu hna hi, ṭhat dawh ngaiin a lang nain, pumsa duhnâk teinâk kongah santlaihnâk zeihmanh a ngei lo.

1TIMOTE 6:20

Aw Timote! nakut i chiahmi cu ṭha tein kilveng, Pathian-ṭihzahlonâk bia chim le ralchanhmi biafang hngalhnâk tiah silo ngaiin min an bunhmi kha hrial i zuam.

2TIMOTE 3:13

Asinain misual le a deu in a nungmi hna cu an sual chin lengmang lai, mi an hlen hna lai i anmah zong hlenin an um ve lai.

HEBRU 13:9

Cawnpiaknâk phunphun le zumhnâk phun dang dang i hruaiter hlah u. Lungthin hi zângfahnâk i fehter cu a ṭha, ei le din i fehter loin, cubantuk thil hna cu a buaipi tu hna zong nih an hlawkpi theng lo.

HEBRU 3:12

Unau hna, i ralring u, culoahcun Pathian nung kaltâk duhnâk tiangin nanmah lakah mi zeimaw chungah zumhlonâk lungthin sual a um sual lai.

1 PETER 1:18

Nan pupa hna sinin nan comi, san tlailo nan nunnâk chungin a rawk khomi sui le ngun men i tlanh nan si lo,

2 PETER 3:17

Cucaah dawtmi hna, nannih nih, hihi nan rak theih chung cang, nan i ralrin lo ahcun misuaksual hna lampialnâk in an in hruaihna lai i fek tein nan dirnâk hmun in nan tlu sual lai;

2 JOHAN 1:8

Kan ṭuan ciami hna kha kan hloh lo i ṭuanman zong tling tein kan hmuh nâkhnga, rak i ral ring u.