KOLOSE 2:12 - Laibaibal Thiang (BSI)

¹² Baptisma ah a sinah vui nan si, cuka ṭhiamṭhiam ah thihnâk in Amah thawh tertu Pathian rianṭuan zumhnâk thawngin Amah sinah thawhter nan si.

Lai (Hakha) Common Language Bible 2006

¹² Zeicahtiah tipil nan in tikah Khrih sinah nan i vui, cun tipil nan innak ah cun, thihnak in a thawhtertu Pathian ṭhawnnak nan zumhnak thawngin Khrih sinah cun a thawh zong nan tho fawn.

KOLOSE 2:12 ပူးပေါင်းရင်းမြစ်များ

LUKA 17:5

Lamkaltu hna nih Bawipa sinah, “Kan zumhnâk karhter” tiah an ti.

LAMKALTU 14:27

An phâk hnu ah kawhhran kha an kawh hna i Pathian nih anmah hmangin a tuahmi vialte le Gentel mi hna caah zumhnâk lam Bawipa nih a onpiaknâk kong kha an chim hna.

LAMKALTU 2:24

kha Pa kha Pathian nih a thawhter i a fakmi thihnâk in a chuahter, zeicatiah thihnâk nih a tlaihpeng khawh nâkhnga lo a thawhter ṭhân.

LAMKALTU 2:32

Kha Jesuh kha Pathian nih a thawhter i kan dihlak hi cu kong hngalhpitu kan si.

ROM 4:24

kanmah ca zongah a si ve. Kan Bawipa Jesuh thihnâk in a thawhtertu a zumtu kan ca-ah ruah a si ve lai,

ROM 7:4

Cucaah ka ule nau hna, Krih pum ruangah nawlbia chungin nan thi cang; cuticun midang, thihnâk in thawhter Mi kha nan vat khawh cang i Pathian sinah theitlai nan chuah khawh cang lai.

1 KORIN 12:13

Zeitintiah Judah siseh, Grik siseh, sal siseh, zalongmi si hna seh Thlarau pakhat i baptisma in ter in kan um dih, cu Thlarau pakhat cu a kan dinter ciomi a si.

1 KORIN 15:20

Asinain Krih cu thihnâk in a thoṭhân i â hngilhmi hna caah theitlai hmasa bikah a cang.

GALATI 3:27

Zeitintiah nan lakah Krih chungah baptisma a ingmi vialte cu Krih in nan i thuam cang.

EFESA 2:8

Zeitintiah zumhnâk thawngin zângfahnâk i khamh nan si, cucu nanmah ta a si lo, Pathian thilpêk a si,

EFESA 3:17

cun zumhnâk thawngin Krih cu nan lungthin ah khua a sak khawhnâk hnga le dawtnâk ah hram nan bunh i hngatchan miah nan i ngeih khawh nâkhnga,

EFESA 3:7

A ṭhawnnâk rian, hmual a ngei ngaimi in ka sinah pêk a simi Pathian zângfahnâk thilpêk ningin cu thawngṭha rianṭuantu ah cantermi ka si.

EFESA 4:5

Bawipa pakhat, zumhnâk pakhat, baptisma pakhat,

EFESA 5:14

Cucaah hitihin a chim, “Nang, â hngilhmi i hlau law, thihnâk in tho law Krih nih an ceuh lai,”

FILIPI 1:29

Zeitintiah Krih aiawh i rian pêk nan si ah hin, Amah nan zumh lawng si loin Amah ruang i temtuar zong pêkchih nan si,

KOLOSE 1:29

Cu rian ṭuan dingah, a liannganmi a ṭhawnnâk nih keimah i a ṭuan ningin biatak tein ka ṭuan tawn.

KOLOSE 2:13

Cun nannih nan sualnâk le taksa in cuarpartan lomi nan si ruangah a thimi nan si lio ah Amah sinah an nunter hna, kan sualnâk vialte a kan ngaihthiam i

HEBRU 12:2

Jesuh kan zumhnâk hrampi le tlintertu lei khi zoh in tli u sih, Anih nih cun a hmai lei i chiahmi lawmhnâk ruangah ningzahnâk zeirel loin vailamtahnâk kha tuar in Pathian ṭhutdanh orhlei kamah a ṭhu.

HEBRU 6:2

baptisma zumhnâk, kutchuannâk, mitthi thawhṭhannâk le zungzal biaceihnâk timi hna hram kha bunh ti lo in.

1 PETER 3:21

Cu thil nih a langhter chungmi baptisma in Jesuh Krih thawhṭhannâk thawngin atu ah khamh kan si. Cu baptisma cu taksa thurhnawmmi thenh men hi si lo in chiaṭha hngalhnâk thiang he Pathian kan lehnâk hi a si.