KOLOSE 1:6 - Laibaibal Thiang (BSI)

⁶ cucu vawlei vialte ah a phân i theitlai a chuah bantukin nan sin zongah a rak phân, Pathian zângfahnâk biatak nan ngaih i nan hngalh hnuah nanmah lak zongah theitlai a chuah cuahmah lio a si;

Lai (Hakha) Common Language Bible 2006

⁶ Thawngṭha nih hin Pathian vel nan theih kate le cucu zeidah a si taktak ti nan hngalh ri in nan cungah rian a ṭuan bantuk khan, vawlei cung dihlak zongah a karh i thluachuahnak kha a pek hna.

KOLOSE 1:6 ပူးပေါင်းရင်းမြစ်များ

SALM 110:3

Na mi kha na ṭhawnnâk ni ah, anmah lungtho tein an i pe ko lai; â dawhmi thiannâk in zinglei khua a dei tikah na no lio cân dapti cu na ngeih lai.

SALM 98:3

Israel chungkhar cungah a vel le zumhtlâk a sinâk kha a philh lo i lei pumpi nih kan Pathian khamhnâk cu an hmuh cang.

MATTHAI 24:14

Hi vanbawi pennâk Thawngṭha hi miphun vialte theihter awkah vawlei dih lakah chim a si lai, cuticun donghnâk kha a phân lai.

MATTHAI 28:19

Cucaah kal ulaw, miphun kip kha ka zultu va siter hna u, Pa le Fapa le ThiangThlarau minah Baptisma pe hna u law,

MARKA 16:15

An sinah, “Vawlei vialte ah kal u law sermi vialte sinah thawngṭha hi chim u.

MARKA 4:8

A cheu tu cu lei ṭhatnâk ah a tla, a keuh i a ṭhan tikah, theitlai a chuah; a let sawmthum, a let sawmruk, a let zakhat hna in a karh,” tiah a ti.

JOHAN 15:16

Nannih nih nan ka thim lo, keimah nih kan thim hna, theiṭha chuah awk le a hmunmi theitlai chuah dingin kan ruahmi hna nan si, ka min in Pa sinah nan halmi pauh an pêk hna nâkhnga.

JOHAN 17:19

Anmah ruangah kâ thianter tawn, annih zong biatak in thianter an si khawh nâkhnga.

JOHAN 4:23

Asinain a cân a phân lio i atu zongah a phân ko cang. Cu cân ah cun Pathian a biatu taktak hna nih thlarau le biatak in an biak lai, zeitintiah Pa nih Amah biatu dingah cubantuk cu a kawl hna.

LAMKALTU 11:18

Cu bia cu an theih tikah an dai i, “Cutiasiahcun Pathian nih Gentel mi zong nung dingin ngaihchih a sian ve hna a si cu,” tiah Pathian an thangṭhat.

LAMKALTU 12:24

Pathian bia cu a ṭhang i a karh chin chin.

LAMKALTU 16:14

Cuticun nu pakhat, a min Lidia nih kan bia a ngai. Amah cu maimaw puansen zuartu, Thiatira khua mi, Pathian a biami a si. Paul nih a chimmi bia ṭha te i ngai dingin Bawipa nih a lungthin a onpiak.

LAMKALTU 26:18

muinâk chungin ceunâk lei ah an i mer i Satan nawlngeihnâk mertâk in Pathian lei an hoihkhawh nâkhnga, keimah anka zumhnâk thawngin zumhnâk i thianter cangmi hna lakah ro an co khawh ve nâkhnga,” tiah a ti.

ROM 1:13

Cubangin unau hna, Gentel dang hna sinin theipar ka hmuh cang bangin nan sin zongin ka hmuh khawh nâkhnga nan sin i rat hi voi tampi kâ timh cangnâk kha theihter kan duh hna. (Asinain atu tiang kham ka si ko rih)

ROM 15:19

Krih thawngṭha bia cu hmelchunhnâk le khuaruahhar thil lianngan hna le, Pathian Thlarau thiltikhawhnâk thawngin Jerusalem in Illirikum tiangin tling tein ka chim cang.

ROM 15:28

Cucaah hi rian ka ṭuan dih i hi theitlai hi an hmuh hnuah, Spain ram i ka kalpah in kan pal te hna lai.

ROM 16:26

cu biathli atu i phuan a simi le mi phunkip theih awkah Cathiang nih a rak chimmi, zungzal Pathian nawlpêk bangin, zumhnâk kha an zumh nâkhnga-

2 KORIN 10:14

(Kan nawl ngeihnâk nih an khumhchih hna lo bantuk in) kan eria a si lomi eria bantuk i kan ruah si loin, nan sin tiangin Krih thawngṭha chim i kan rat kha;

2 KORIN 6:1

Cuticun Pathian zângfahnâk nan hmuhmi hi santlai lo i nan canter nâkhnga lo Amah ṭuanpitu ah kan sawm hna.

EFESA 3:2

nan ca i Pathian zângfahnâk rian aka pêkmi hi nan hngalh tak tak ahcun,

EFESA 4:21

Amah cu nan theih i Amah cawnpiakmi nan si taktak ahcun, Jesuh i a ummi biatak bang khan,

EFESA 4:23

nan ruahnâk thlarau ah tharchuah in um ko u,

EFESA 5:9

(zeitintiah Thlarau theitlai cu ṭhatnâk, felnâk le biatak vialte ah a lang),

FILIPI 1:11

Pathian suparnâk le thangṭhatnâk caah, Jesuh Krih i a ummi dinnâk theitlai in nan khat lai.

FILIPI 4:17

Thilpêk ka kawl lo, nanmah ah theitlai kha karh hna seh ti kha ka kawlmi a si.

KOLOSE 1:10

Bawipa lawmhter awktlâk in tling tein nan nun i thilṭha phunkip tuahnâk ah theitlai chuah in Pathian hngalhnâk i nan ṭhân khawh nâkhnga,

KOLOSE 1:23

vanrang tang sermi vialte sinah chimmi thawngṭha nan theihmi ah hninh khawh loin hram nan bunh i ruahchannâk le zumhnâk i nan um taktak ahcun, keimah Paul zong cu rianṭuantu ah ser ka si.

1THESALON 1:5

Zeitintiah kan thawngṭha hi bia lawngin nan sinah a phân lo i ṭhawnnâk le Thiang thlarau he, hngalhfiannâk tampi he a phânmi a si, nanmah zawn ruahah nan sin kan um lio ah zeibantuk minung ah dah kan i can ti kha nan hngalh bangin.

1THESALON 2:13

Hiruangah hin ngol loin Pathian sinah lawmhnâk bia kan chim, zeicatiah kan sin in nan theihmi Pathian bia nan cohlan tikah minung bia bangin nan cohlang lo, i biatak ngaiin Pathian bia bangin nan cohlan, cucu a zumtu sinah santlai ngaiin rian a ṭuntu hi a si.

2 THESALON 2:13

Asinain Bawipa dawtmi ule nau hna biatak zumhnâk le Thlarau thianternâk thawngin Pathian nih a hramthawk in khamhnâk co dingah an thim hna caah Pathian sinah lawmhnâk bia chim zungzal dingin ṭemchihmi kan si.

1 PETER 5:12

Silvanas, zumh a tlâkmi unau i ka ngeihmi kut ah hin nanmah thazâng pêknâk bia, atu i nan dirnâk hi Pathian zângfahnâk dik a si ti kha hngalhternâk câ tawi tein ka rak kuat.