KOLOSE 1:4 - Laibaibal Thiang (BSI)

⁴ Pathian le kan Bawipa Jesuh Krih Pa sinah lomhnâk bia chimin nan caah thla kan cam tawn.

Lai (Hakha) Common Language Bible 2006

⁴ Zeicahtiah Khrih Jesuh nan zumhnak le Pathian mi nan dawtnak hna kong kha kan rak theih.

KOLOSE 1:4 ပူးပေါင်းရင်းမြစ်များ

2 KORIN 7:7

a ratnâk lawng si loin nanmah ruang i a hnangamnâk nih aka lawmhter ngai ngai, nanka ngaih ning le, nanka tuarpi ning le kan ca i ṭhahnem nan ngaih ning hna a kan chimh i cu nih cun ka hna a ngamter chinchin.

GALATI 3:26

Zeitintiah Krih Jesuh zumhnâk thawngin Pathian fale nan si dih cang.

GALATI 3:28

Cuka ah Judah siseh, Grik siseh um khawh a si lo. Cuka ah sal siseh, miluat siseh um khawh a si lo, pa le nu zong an um kho hlei lo. Krih Jesuh ah nan dik lakin pumkhat nan si.

GALATI 5:6

Zeitintiah Krih Jesuh ah cun cuarpartan hi zeihmanh a ṭhahnem lo, cuarpar tanlo zong zeihmanh a ṭhahnem hlei lo. Zumhnâk, dawtnâk i ṭuan lawng kha a ṭhahnemmi cu a si.

EFESA 1:15

Cucaah, kei zong nih Bawipa Jesuh nan zumhning le mithiang vialte nan dawtnâk ka theih hnu ah,

EFESA 6:18

thlacamnâk le nawlnâk vialte kha Thlarau in tuah ulaw, fimhring te le ralring tein mithiang vialte caah biatak tein thla cam u-

KOLOSE 1:9

Hiruangah kannih zong nih thlarau lei fimnâk le theihthiamnâk vialte nan ngeih i Amah duhning i hngalhnâk in nan khah khawh nâkhnga, nan kong kan theih ni in nan ca thlacam le nawlpiak kan ngol lo;

1THESALON 1:3

zumhnâk i rian nan ṭuanmi le, dawtnâk ruangah nan thabâtnâk, kan Bawipa Jesuh Krih i ruahchannâk ruangah kan Pathian le Pa hmaiah nan lungsaunâk kha philh lo tein,

1THESALON 3:6

Asinain atu ah Timote nan sin in kan sinah a rak kir cang i hmuh kan in duh hna bantukin hmuh nan kan duh tuknâk kong le a ṭha leiin nan kan hngalh pengnâk le nan zumhnâk le dawtnâk kong thawngṭha kha a kan phorh -

2 THESALON 1:3

Unau hna nanmah kongah Pathian sinah lawmhnâk bia chim awk kan ngei, cucu kan tuah awk hrimhrim a si, zeicatiah nan zumhnâk kha a ṭhang ngaingai i pakhat le pakhat nan i dawtnâk zong a karh chin leng mang,

FILEMON 1:5

Bawipa Jesuh le mithiang vialte sinah na ngeihmi dawtnâk le zumhnâk kha thei in,

HEBRU 6:10

Zeicatiah Pathian hi nan ṭuanmi le Amah minin dawtnâk i nan langhtermi rian le mithiang hna ca i nan rak ṭuan cangmi le nan ṭuan cuahmah mi hna philh ding tiangin mi dinglo a si lo.

1JOHAN 3:14

Kan unau kan dawt hna ruangah, thihnâk in kan chuak i nunnâk ah kan lut cang ti kha kan hngalh. A unau a daw lotu cu thihnâk ah a hmun ko rih.

1JOHAN 3:23

A nawlpêkmi cu hihi a si, a Fapa Jesuh Krih min zumh i nawl a kan pêk bangin pakhat le pakhat kan i dawtmi hi.

1JOHAN 4:16

Pathian nih kan ca i a ngeihmi dawtnâk cu kan hngalh i kan zumh. Pathian cu dawtnâk a si, cun dawtnâk i a hmunmi cu Pathian ah a hmun i Pathian zong a sinah a hmun.