KOLOSE 1:23 - Laibaibal Thiang (BSI)

²³ vanrang tang sermi vialte sinah chimmi thawngṭha nan theihmi ah hninh khawh loin hram nan bunh i ruahchannâk le zumhnâk i nan um taktak ahcun, keimah Paul zong cu rianṭuantu ah ser ka si.

Lai (Hakha) Common Language Bible 2006

²³ Cucaah nan zumhnak kha fek tein nan i tlaih zungzal lai i nan dirhmun ah khan fek tein nan dir zungzal lai; nan theihmi Thawngṭha nih an phorhmi hna ruahchannak kha thlau hrimhrim hlah u. Hi Thawngṭha hi vanrang tang khuazakip ah sermi thil vialte sinah chimmi Thawngṭha kha a si i keimah Paul hi cu Thawngṭha sal cu ka si.

KOLOSE 1:23 ပူးပေါင်းရင်းမြစ်များ

SALM 125:5

Lam diklo i a pialmi hna le Ṭhatlonâk a tuahtu hna cu, BAWIPA nih lolak in a hruai hna lai. Israel hna sinah daihnâk um ko seh.

MARKA 16:15

An sinah, “Vawlei vialte ah kal u law sermi vialte sinah thawngṭha hi chim u.

LUKA 22:32

Asinain na zumhnâk a tlau nâkhnga lo thla kan campiak, ka sin i na rak kir ṭhân tikah na unau thazâng rak pe hna,” tiah a ti.

LUKA 6:48

Inn satu, thuk ngaiin vawlei a cawh i lungpi cungah a hram a bunhmi bantuk an si. Ti let a tho i cu inn cu a huai len nain, lungpi cung i fek tein sakmi a si caah â hnin kho lo.

JOHAN 15:6

Keimah i a um peng lomi cu nge bangin hlawnh a si i a uai i mei chungah hlawnh a si i a kâng tawn.

LAMKALTU 1:17

zeitintiah amah kha kan lakah relchih a si ve i hi rian ah hin ṭuanvo zong a ngei ve.”

LAMKALTU 1:25

Judas nih a umnâk i kal dingin sual i a tluktâkmi, hi rianṭuannâk le lamkaltusinâk hmun lawng hi cotu an um a herh fawn,” tiah an ti.

LAMKALTU 1:8

Asinain nan cungahThiang Thlarau a phâk tikah thiltikhawhnâk nan ngei lai, Jerusalem le Judah ram vialte, Samaria ramkip le vanhram deng tiangin ka bia hngalhpitu nan si lai,” tiah a ti.

LAMKALTU 11:23

A phâk tikah Pathian zângfahnâk a hmuh tikah â lawm ngaingai, lungthin tak tein Bawipa i tlaih dingin thazâng a pêk hna.

LAMKALTU 14:22

Harnâk tampi tuarin Pathian pennâk ah kan luh awk a si ko, tiin zultu hna lungthin kha an ṭhawnter i zumhnâk ah fekte i dir dingin thazâng an pêk hna.

LAMKALTU 2:5

Vanrâng tang miphun zakip hna chungin Judahmi biaknâk minung kha Jerusalem ah an câm.

LAMKALTU 20:24

Asinain hi thil hna nih hin `ihnâk pakhat te hmanh anka pe lo. Tlik kâ zuamnâk lam zulh i Bawipa Jesuh sinin ka hmuhmi rian Pathian Zângfahnâk Thawng`ha bia theihter hi lunglawm tein ka lîm khawhnâk ding a si ahcun ka nunnâk hmanh hi ka zâng a râm lo.

LAMKALTU 26:16

Tho law, na ke in dir, zeitintiah hi na hmuh cangmi le kan hmuhsak hngami ca i rianṭuantu ah le hngalhpitu ah, nasin ka langhnâk cu a si.

LAMKALTU 4:12

Midang ahosinhmanhah khamhnâk a um lo, zeitintiah vanrang tang i min sakmi vialte lakah a kan khamh khotu mindang pakhat hmanh a um lo,” tiah a ti.

ROM 10:18

Asiah an hna nih a thei lo maw? ka ti ko lai. An theih ko. (An thawng cu ramkip ah a thang i an bia zong vanhram deng tiangin a thang.)

ROM 15:16

cuticun Gentel mi hna thilpêk cu cohlan awktlâk, Thiang Thlarau i thiantermi a sikhawh nâkhnga, Gentel mi hna sinah Jesuh Krih ca i Pathian thawngṭha bia rianṭuantu ka si kho lai.

ROM 2:7

Ṭhatnâk a tuah lengmang i sunparnâk le upatnâk le thihkhawhlonâk kawltu sinah zungzal nunnâk a pêk lai,

ROM 5:5

Cun ruahchannâk nih kan lung a donghter bal lo, zeicatiah kan sinah a kan pêkmi Thiang Thlarau thawngin Pathian dawtnâk cu kan lungthin chungah toih a si cang.

1 KORIN 15:58

Cucaah, ka dawtmi ule nau hna, fek tein, hninh khawh loin um ulaw, Bawipa rian biatak tein ṭuan zungzal ko u, Bawipa ah nan ṭuanman cu pakpalawng a si lailo ti kha hngal ko u.

1 KORIN 3:5

Paul cu ahodah a si, Apolo zong cu ahodah a si, rianṭuantu nan zumhmi kong an chimtu hna, cu hmanh cu Bawipa nih a pêkning cioin an si lo maw?

2 KORIN 10:1

Cubangin keimah Paul, hmaitonh i ralchia, langhlat i nan hmai ah a ral a ṭha ngaimi nih Krih lungnemnâk le nunnemnâk in kan nawl hna.

2 KORIN 11:23

Krih rianṭuantu an si maw? Hruhbia in chim ning law, ka si deuh, anmahnâk in ka ṭuan deuh, a hleiin tuk ka ton, atu le atu thong ka tla, thihnâk hmunah voi tampi.

2 KORIN 3:6

Amah lila ah biakam thar rianṭuantu ah a kan tlinter, câ chung bia men i rianṭuantu si loin, Thlarau riantuantu ah a si deuh. Câ chung bia men nih cun mi a thah i Thlarau nih cun a nunter.

2 KORIN 4:1

Cucaah zângfahnâk kan hmuhning cio in hi rian hi kan hmuh bangin kan lung a dong bal lo.

2 KORIN 6:1

Cuticun Pathian zângfahnâk nan hmuhmi hi santlai lo i nan canter nâkhnga lo Amah ṭuanpitu ah kan sawm hna.

GALATI 4:11

Nan caah thazâng ka chuahmi pakpalawng a si sual lai kha ka phâng ko.

GALATI 5:5

Kannih nih Thlarau thawngin zumhnâk i dinnâk kha ruahchannâk he hngahhlang ngaiin kan hngak.

GALATI 5:7

Ṭha tein nan tli. Ahonihdah biatak zulh nâkin an kham hna?

GALATI 6:9

Cuticun thilṭha tuah neng hlah u sih. Kan i thlahdorh lo ahcun a cân te ah kan zûn te ko lai.

EFESA 1:18

nan lungthin mit dei terin, Amah kawhnâkah ruahchannâk le, mithiang hna ro coding a sunlawi ning le a rumning kha nan hngalhfian khawh lai,

EFESA 2:21

cu inn cu a ningpiin Amah ah pehtonh an si i Bawipa ah a thiangmi ṭempal ah a cang tawn,

EFESA 3:17

cun zumhnâk thawngin Krih cu nan lungthin ah khua a sak khawhnâk hnga le dawtnâk ah hram nan bunh i hngatchan miah nan i ngeih khawh nâkhnga,

EFESA 4:16

Amah in pum dihlak kha, rem tein hmunkhat ah pehtonh dih in, nge vialte rianṭuan ning cio cu fonh in, dawtnâk i i sersiam awkah, pum cu a ṭhanter tawn.

KOLOSE 1:25

Pathian bia tlinter dingin, Pathian nih nanca i ṭuanvo aka pêk bantukin kawhhran rianṭuantu ka si;

KOLOSE 2:7

Amah ah hrambunh in sakmi si u law, zumhnâk ah a fekmi si uh, cawnpiak nan rak si cang bangin lawmhnâk bia tampi in chim uh.

1THESALON 3:3

hibantuk temtuarnâk nih in hnin hna hlah seh; zeitintiah hibantuk tuar awkah ruahmi kan si tiah nanmah lila nih nan hngalh.

1THESALON 3:5

Hiruangah zumhnâk i nan kong hngal loin kan um khawh lo tikah a nih cu kan rak thlahnâk kha a si, culoahcun tukforhtu nih an tei sual hna lai i nan sin i kan ṭuanmi hi pakpalawng ah a cang sual lai.

1THESALON 5:8

Asinain kan nih chun minung hna cu fimhring tein um u sih law, zumhnâk le dinnâk ṭangphaw kha i benh in khamhnâk ruahchannâk cu i chinh u sih.

2 THESALON 2:16

Cubangin kan Bawipa Jesuh Krih le kan Pa Pathian a kan dawtu le zângfahnâk ruangah zungzal hnangamnâk le ruahchannâk ṭha a kan petu Amah hrimhrim nih,

1TIMOTE 1:12

Hi rian ṭuan kho i a ka sertu le zumhtlâk i a ka ruattu Krih Jesuh kan Bawipa sinah lawmhnâk bia ka chim.

1TIMOTE 2:7

zeitintiah keimah zong cu bia chimtu le lamkaltu ah ruahmi ka si, Krih ah biatak ka chim i ka lih lo, zumhnâk le biatak ah Gentel mi hna cawnpiaktu ah ruahmi ka si.

1TIMOTE 3:16

Pathianmisinâk biathli liannganning cu elkhawh a si lo. Pathian cu thisa ah â cang i Thlarau ah thiamcoter a si, vanmi nih an hmuh i Gentel mi hna sinah aupi le vawlei mi nih an zumh i sunparnâk ah kaipimi a si.

TITAS 3:7

cuticun zungzal nunnâk ruahchannâk ningin rocotu kan si khawh nâkhnga a zângfahnâk i thiamcoter kan si.

HEBRU 10:38

Ka miding cu zumhnâk in a nung lai. Hnulei a tawlh ahcun a cungah kâ lawm lai lo.

HEBRU 3:14

Zeitintiah Krih cotu kan si a hramthawk i kan zumhnâk kha a dongh tiang fek tein kan i tlaih ahcun,

HEBRU 3:6

asinain Krih cu Fapa bangin Pathian chungkhar cungah zumhtlâk a si i chungkhar cu kanmah hi kan si, a dongh tiangin duh a nungmi zumhnâk le ruahchannâk kha kan i tlaih ahcun.

HEBRU 4:14

Cuticun van hmanh i a lan cangmi a lianngan Tlângbawi Nganbik, Jesuh, Pathian Fapa kan ngeih caah, kan zumhnâk hi fek tein i tlaih u sih.

HEBRU 6:19

Hi ruahchannâk hi kan nunnâk caah thir cangai bantukin kan ngei, zumhawk a tlâk i a fekmi a si i puanzar phên i hmunthiang ah khan a lut;

1 PETER 1:3

Kan Bawipa Jesuh Krih Pathian le Pa cu thangṭhat in um ko seh, Amah nih a tammi a vêl thawngin thihnâk in Jesuh Krih a thawhṭhânnâk thawngin ruahchannâk nung hmu dingin a kan hrin ṭhân,

1 PETER 1:5

zumhnâk thawngin khamhnâk, cân hmadung i langhter awkah timh ciami cu co dingin Pathian ṭhawnnâk in kilven nan si.

1JOHAN 2:27

Asinain Amah sin in nan comi sathau thuhnâk kha nan chungah a hmun i aho cawnpiak hmanh nan herh lo; sathau thuhnâk lila nih khan thil vialte an cawnpiak hna, cun lih si loin a dikmi a si, cawnpiak nan sining te khan Amah ah hmun ko u.

BIAPHUAN 2:10

Na tuardingmi thil kha zei a si hmanhah ṭih hlah. A ngaingai tiah, khuachia nih nan lak i mi cheukhat hniksak dingin thongah an thlâk hna lai i ni hra chung harnâk nan tuar lai. Thih tiangin zumhtlâk in um law, nunnâk bawiluchin kan pêk lai;