KOLOSE 1:16 - Laibaibal Thiang (BSI)

¹⁶ Zeitintiah thil vialte, van i a ummi siseh, lei i a ummi siseh, hmuh khawhmi siseh, hmuh khawh lomi siseh, bawi ṭhutdan siseh, pennâk le nawlngeihnâk vialte hna hi Amah in ser an si. Zeizong vialte hi Amah thawng le Amah caah sermi an si;

Lai (Hakha) Common Language Bible 2006

¹⁶ Pathian nih Khrih thawng cun van le vawlei i a ummi thil vialte kha a ser hna, hmuh khawhmi thil si hna seh, hmuh khawh lomi thil si hna seh, amah thawng cun a ser hna; cun nawlngeitu thlarau hna le uknak thlarau hna le ṭhawnnak thlarau hna zong kha amah thawng cun a ser hna. Pathian nih vanle vawlei hi a dihlak in Khrih thawng cun a ser hna i Khrih caah cun a ser hna.

KOLOSE 1:16 ပူးပေါင်းရင်းမြစ်များ

PHUNGTHLÛKBIA 16:4

BAWIPA nih zeizong vialte hi amah caah a ser hna, asi, misuaksual hna hmanh hi chiat ton ni caah sermi an si.

JOHAN 1:10

Amah cu vawlei ah a um cang i vawlei hi Amah in ser a si, vawlei nih Amah cu a hngallo.

JOHAN 1:3

Zeizong vialte hi Amah in ser a si, sermi vialte hi Amah lo in sermi zeihmanh a um lo.

ROM 11:36

Amah sin le Amah thawng le Amah caah thil vialte hi an um i Amah sinah sunparnâk cu zungzal in um ko seh. Amen.

ROM 8:38

Thihnâk le nunnâk, vanmi le buainâk, thiltikhawhnâk, thil um liomi le thil um laimi,

ROM 9:5

hringtu hna kha an ta a si rih, thisa leiin ti ah Krih cu an chung i a chuakmi a si, Amah cu thil vialte cung i ummi, zungzal in thangṭhat awktlâk Pathian a si. Amen.

1 KORIN 8:6

asinain kan caah Pathian pakhat lawnglawng Pa cu a um, Amah sin in zeizong vialte hi a chuak i kan nih zong Amah caah a ummi kan si, cun Bawipa pakhat Jesuh Krih lawnglawng a um, Amah thawngin zeizong vialte a um i Amah thawgin a nungmi kan si.

EFESA 1:10

A remruatmi cân a tlin tikah, Amah ah zeizong vialte, vanah a ummi le vuleiah a ummi he Krih ah a pumh dih khawh nâkhnga.

EFESA 6:12

Zeitintiah thisa le thisen he kan i pai lo, asinain kan dohmi hna cu bawinâk le, nawlngeihnâk le, hi vawlei khuamui i biaceihtu hna le van hmun i thlarau sual hna khi an si.

FILIPI 2:10

Cuticun Jesuh minin mi kip, vancungmi le, vawleimi le, vawlei tangmi vialte an khuk an bil lai i

KOLOSE 1:15

Amah cu hmuh khawh lomi Pathian muisam sermi thil vialte ah hrin-hmasa bik a si;

KOLOSE 1:20

cun van i a ummi le lei i a ummi vialte zong Amah he remterṭhân kha a duh caah a vailam thisen in daihnâk kha a rak ser;

KOLOSE 2:10

Cun Amah ah tlam nan tling, Amah cu bawinâk le nawlngeihnâk vialte lu a si.

KOLOSE 2:15

Cuticun bawinâk le nawlngeihnâk vialte phoihdih in cu hna cu a tei dih i zapi hmaiah mual a photer cang.

HEBRU 1:2

hi ni hmadung ah a Fapa in kan sinah bia a chim cang, Amah cu thil vialte rocotu ah a ruah i Amah hmangin vawlei hi ser a si.

HEBRU 2:10

Zeitintiah Amah caah le Amah thawngin thil vialte hi an um i fapa tampi sunparnâk ah luhter in, a teminnâk thawngin an khamhnâk tuahpiaktu tlam tlinter cu Pathian caah tuahawk hrim a si ko.

1 PETER 3:22

Amah cu vanah a kai i Pathian orhlei ah um in; van mi hna le, nawlngeihnâk le, ṭhawnâk hna cu Amah tangah chiahdih an si.