KOLOSE 1:10 - Laibaibal Thiang (BSI)

¹⁰ Bawipa lawmhter awktlâk in tling tein nan nun i thilṭha phunkip tuahnâk ah theitlai chuah in Pathian hngalhnâk i nan ṭhân khawh nâkhnga,

Lai (Hakha) Common Language Bible 2006

¹⁰ Cuticun Bawipa duhning in nan nung kho lai i amah duhnak kha nan tuah zungzal khawh lai. Thil ṭha tuahnak kip ah nan nunning cu zumh awk tlak a si lai i Pathian nan hngalhnak ah khan nan ṭhang lai.

KOLOSE 1:10 ပူးပေါင်းရင်းမြစ်များ

PHUNGTHLÛKBIA 16:7

BAWIPA lomhnâk i mi a nun tikah, a ral he hmanh a remter hna.

JOHAN 15:16

Nannih nih nan ka thim lo, keimah nih kan thim hna, theiṭha chuah awk le a hmunmi theitlai chuah dingin kan ruahmi hna nan si, ka min in Pa sinah nan halmi pauh an pêk hna nâkhnga.

JOHAN 15:8

Tampi in theitlai nan chuah ah hin ka Pa cu thangṭhat in a um tawn. Cuticun aka zultu nan si lai.

JOHAN 17:3

Hihi zungzal nunnâk a si, nang Pathian taktak hngalh le, na thlahmi Jesuh Krih hngalh hi.

ROM 1:13

Cubangin unau hna, Gentel dang hna sinin theipar ka hmuh cang bangin nan sin zongin ka hmuh khawh nâkhnga nan sin i rat hi voi tampi kâ timh cangnâk kha theihter kan duh hna. (Asinain atu tiang kham ka si ko rih)

ROM 4:12

cuarpar tanmi hna anpa a si, cuarpar tanmi hna pa lawng si loin kan pa Abraham cuarpar tan lo i a um lio ah zumhnâk i a nun bantukin a nungmi ca zongah a si ve.

ROM 6:4

Cucaah a thihnâk i baptis kan si tikah a sinah phum in kan um. Pa sunparnâk nih Krih cu thih nâkin a thawhter bangin, kannih zong nunthar in kan nun ve awk a si.

2 KORIN 2:14

Cuticun Krih i teinâk chungah a ka hruaitu Pathian sinah lawmhnâk bia ka chim; kanmah hmangin Amah hngalhnâk rimhmui cu ka kipah â chawk.

2 KORIN 4:6

Zeitintiah Jesuh Krih muihmaiah khan Pathian sunpar ning hngalhnâk ceu cu a kan pêk nâkhnga muihnâk chungin ceunâk pe ding i nawlpetu Pathian nih kan lungthin hi a ceuter.

2 KORIN 5:9

Cucaah a sinah kan um ah siseh, um lo ah siseh, kan i timh bikmi cu Amah lawmhter kha a si.

2 KORIN 9:8

Cun rian ṭha kha tampi in nan ṭuan khawh nâkhnga le, zeizong vialte tling tein nan ngeih khawh nâkhnga, Pathian nih a zângfahnâk cu nan cungah tam piin an pêk hna lai.

EFESA 1:17

Kan Bawipa Jesuh Krih Pathian, sunparnâk Pa nih Amah hngalhnâk ah, biaphuannâk le fimnâk thlarau an pêk khawh hna nâkhnga,

EFESA 2:10

Thilṭha tuah dingah Krih Jesuh ah sermi kan si i Amah kutchuak kan si, cu thilṭha tuah cu kan umnâk dingah Pathian nih a rak timhlamh ciami a si.

EFESA 4:1

Cucaah, kawh nan sinâk he â tlakmi nunning i nun awkah, kei, Bawipa i thong a tlami nih kan nawl hna;

EFESA 4:13

Pathian Fapa theihhngalhnâk kong le zumhnâk ah kan dih lakin pumkhat kan si nâkhnga, Krih tlamtlinnâk bantukin nutling patling ah kan i chuah lai i

EFESA 5:10

Bawipa cohlan awk a tlâkmi kha zeidah a si ti hngalh rak i zuam u.

EFESA 5:15

Cu thil hna cu zoh in mihrut bang i um loin mifim bangin ralring tein um u.

EFESA 5:2

Krih nih a kan dawt i Pathian sinah raithawinâk le rimhmui pekchanhmi ah kan ca i â pêk bangin dawt nâkin nung u.

FILIPI 1:11

Pathian suparnâk le thangṭhatnâk caah, Jesuh Krih i a ummi dinnâk theitlai in nan khat lai.

FILIPI 1:27

Zeiasihmanhah, nan nunning le Krih thawngṭha cu i rem ko seh, cuticun nan sin i ka rat i kan hmuh hna ah siseh, nan sin i ka um lo ah siseh, thlarau pakhat i nan umnâk kong le ruahnâk pakhat i thawngṭha bia ah ṭhahnem nan ngaihning kha kan theih khawh lai,

FILIPI 4:18

A ngaingai tiah zeizong vialte tam ngaiin ka ngei, zeihmanh ka bau lo, Epafarodistas kutah nan rak kuatmi thil kha ka hmuh hna, cucu a rim a hmuimi, cohlan awktlak raithawinâk le Pathian lomhtertu ṭha an si.

KOLOSE 2:19

cu hna nih cun taksa pumpuluk a pehtonhtu le cawmtu Pathian sinin a ṭhan tertu taksa pum Lu a simi kha an i tlaih lo.

KOLOSE 2:6

Cucaah Bawipa Krih Jesuh cu nan cohlân cang bangin Amah ah um peng u,

KOLOSE 3:20

Ngakchia hna, zeizong vialte ah nan nu le nan pa nawl ngai hna u,

KOLOSE 4:5

Lenglei mi hna lakah fim ngaiin um u law a herh ningin cân rem kha hngak u.

1THESALON 2:12

cucu a pennâk le sunparnâk chungah an kotu hna Pathian mi si awktlâk in nan nun khawh nâkhnga caah a si.

1THESALON 4:1

Cuticun ule nau hna a donghnâk ah, Pathian lawmh terin nan nun khawh nâkhnga le kan sinin nan hmuhmi bantuk kha tam chinchin in nan ngeih nâkhnga Bawipa Jesuh ah tha pêk pah in kan nin nawl hna,

2TIMOTE 2:4

Ralkap i a latu lungton dingah ralkap i a um liomi nih raldoh lio ah nunchung khuasaknâk in hna an i hnawhter bal lo.

TITAS 3:1

Uktu hna le nawlngeitu hna tangah um in, an nawl ngaiding le, ṭhatnâk phunkip tuah awkah timhcia te i um ding le,

TITAS 3:14

Cun kanmi le hna zong theipar chauh loin an um nâkhnga lo an herhnâk zawn i hman awk an ngeih khawh nâkhnga rianṭha ṭuan pengin um hna seh.

HEBRU 11:5

Zumhnâk in Enok kha thi loin lo lakin lâk a si i, “Pathian nih a lâk ruangah an hmu ti lo,” lâk a si hlanah Pathian lawmhtertu a si tiah hngalhpinâk a ngei.

HEBRU 13:16

Asinain thilṭha tuah le nunsian hi phihhlah u. Cubantuk raithawinâk ah Pathian â lawm tawn.

HEBRU 13:21

A duhnâk tuah dingin rianṭha kipah tlam in tlinter hna seh, Jesuh Krih thawngin a mithmuh ah a lawmh tertu nih nanmah ah `uandih ko seh, Amah sinah zungzal in zungzal tiang sunparnâk kha um ko seh. Amen.

2 PETER 1:8

Zeitintiah hi hna hi nan ta a si i a karh lengmang ahcun kan Bawipa Jesuh Krih hngalhnâk kongah taklawng le theitlai ngei loin an umter hna lai lo.

2 PETER 3:18

Kan Bawipa le khamhtu Jesuh Krih zângfahnâk le hngalhnâk ah khan ṭhang ko u. Atu le zungzal tiangin Amah sinah sunparnâk um ko seh. Amen.

1JOHAN 3:22

Cun kan halmi kip kha a sinin kan hmuh, zeicatiah a nawlpêkmi kan zulh i a mit hmuh ah a lawmhnâk thil kha kan tuah caah a si.

1JOHAN 5:20

Pathian Fapa cu a ra i a dikmi Amah kha kan hngalh khawhnâk dingah hngalhthiamnâk a kan pêk cang ti kha kan hngalh. Kannih cu a Fapa Jesuh Krih a dikmi Amah ah khan kan um. Hihi Pathian dik le zungzal nunnâk a si.

3 JOHAN 1:6

cuhna nih dawtnâk i na tuahmi kong kha kawhhran hna hmai ah an chim cang, Cuhna cu khual an tlawn vima nâk dingah Pathian mi le hna tuahawk a sibangin na rak bomh hna a ṭha lai.