JOHAN 8:55 - Laibaibal Thiang (BSI)

⁵⁵ Nannih nih Amah nan hngal fawn lo. Kei nih cun Amah kha ka hngalh. Amah ka hngal lo, tining law, nanmah bantuk lihchimmi ka si ve lai, Amah ka hngalh i a bia zong ka zulh tawn.

Lai (Hakha) Common Language Bible 2006

⁵⁵ Nannih nih cun nan hngal bal lo, sihmanhsehlaw kei nih cun ka hngalh. Ka hngal lo ti ning law, nanmah bantuk milihchim ka si ve hnga. Sihmanhsehlaw ka hngalh taktak ko i a bia kha ka ngaih.

JOHAN 8:55 ပူးပေါင်းရင်းမြစ်များ

MATTHAI 11:27

Ka Pa nih thil vialte ka kut ah a chiah cang, Pa dah ti lo cun ahohmanh nih Fa hi an hngal lo. Pa zong cu Fa le an sin i Fa nih a hngalhter duhmi dah ti lo cun ahohmanh nih an hngal kho lo.

LUKA 10:22

Ka Pa nih zeizong vialte ka kutah a chiahcang. Pa in dah tilo cun Fapa hi mizei a si kha ahohmanh nih an hngal lo. Pa zong cu mizei a si tiah, Fapa le an sin i Fapa nih a phuanduhnâk dah ti lo cun ahohmanh nih an hngal kho lo,” tiah a ti.

JOHAN 1:18

Zeitikhmanh ah Pathian cu ahohmanh nih an hmu ballo. Fapa ngeihchun, Pa `angchungah a ummi nih Amah cu a phuan cang.

JOHAN 10:15

Pa nih aka hngalh bangin, kei zong nih Pa ka hngalh i tuu caah ka nunnâk ka pêk.

JOHAN 15:10

Nannih nih ka nawlpêkmi nan zulh ahcun ka dawtmi in na um peng lai. Kei zong ka Pa nawlpêk ka zulh i a dawtmi in ka um peng bantukin.

JOHAN 15:21

Sihmanhsehlaw hi thil vialte hna hi ka min ruangah nan cungah an tuah lai, Aka thlah tu an hngalh lo caah.

JOHAN 16:3

Pa le kei an kan hngalh lo ruangah cuthil cu an tuah te lai.

JOHAN 17:25

Maw, a dingmi ka Pa, vawlei nih an hngal lo i keinih cun kan hngalh, hi hna zong nih naka thlah tihi an hngalh ve cang.

JOHAN 6:46

Pa a hmumi an um cang tinâk a si lo, Pathian sin in a rami lawnglawng hi Pa a hmutu um chun cu a si.

JOHAN 8:19

Annih nih, “Na Pa cu khuazeiahdah a um?” tiah an ti. Jesuh nih, “Nannih nih nanka hngal lo, Ka Pa zong nan hngal hlei lo. Ka hngal ulaw, ka Pa zong nan hngalh ko hnga,” tiah a leh hna.

JOHAN 8:29

Aka thlahtu cu ka sinah a um. Pa nih keimah lawng aka umter ballo, Amah duhnâk ka tuah tawn caah,” tiah a ti.

JOHAN 8:44

Nannih cu nanpa khuachia ta nan si i a duhmi kha tuah nan duh. Amah cu a hramthawk in lainawng a rak si, biatakah a um lo, a chungah biatak a um lo caah. Lih a chim tikah, amah kokek a chimmi a si, anih cu milihchim a si i lih pa zong a si.

JOHAN 8:51

Biataktein, biataktein kan chim hna, “Ka bia â tlaihmi pauh cu thihnâk a hmu hrimhrim lai lo,” tiah a ti.

JOHAN 8:52

Judah mi nih, “Khuachia tuahmi na si kha atu kan hngalh cang! Abraham a thi cang, profet hna an thi cang, nang nih, “Mi nih ka bia a zulh ahcun thihnâk a tem lai lo,” tiah na ti fawn.

LAMKALTU 17:23

Kâ chawhleh pah in nan biakmi hna ka zoh i bia`heng pakhat cungah, “HNGALH LOMI PATHIAN CAAH” tiah ṭialmi ka hmuh. Cuticun hngalh lo buin nan biak tawnmi kha, cu kong cu kan chimh hna.

2 KORIN 4:6

Zeitintiah Jesuh Krih muihmaiah khan Pathian sunpar ning hngalhnâk ceu cu a kan pêk nâkhnga muihnâk chungin ceunâk pe ding i nawlpetu Pathian nih kan lungthin hi a ceuter.

1JOHAN 1:6

Muihnâk ah kan um ko nain Amah he hawikawmhnâk kan ngei kan ti ahcun, lih kan chim i biatak kan nunpi lo tinâk a si.

1JOHAN 2:22

Jesuh, Krih a sinâk a hlawtu hleiin lihchimmi an um hlei hnga maw? Pa le Fa a hlawtu hi Krih ralchanhtu cu a si.

1JOHAN 2:4

A nawlpêk zul ṭung loin, “Amah ka hngalh,” titu cu mi lihchim a si i amah ah biatak a um lo.

1JOHAN 5:10

Pathian Fapa zumtu nih amah ah hngalhnâk a ngei. Pathian a zumlotu nih Amah cu lihchim ah a canter, a chan cu Pathian nih a Fapa kong i a hngalhtermi a zumh lo caah a si.

BIAPHUAN 3:9

Ngaihmanh Satan sinagog i â pummi, Judah mi â ti nain a si taktak lomi, lih a chimmi hna kha na kehram ah kan biakter hna lai i zeitlukindah kan dawt hna ti kha ka hngalhter hna lai.