JOHAN 8:54 - Laibaibal Thiang (BSI)

⁵⁴ Jesuh nih, “Keimah i thangṭhat ninglaw, kâ thangṭhatnâk cu zeihmanh a si lai lo. Kan Pathian nan timi ka Pa cu aka thangṭhattu a si.

Lai (Hakha) Common Language Bible 2006

⁵⁴ Jesuh nih cun, “Keimah le keimah kaa upat a si ahcun kaa upatnak kha zeihmanh man a ngei lai lo. Keimah a ka upattu cu ka Pa kha a si — nanmah nih kan Pathian a si nan timi hrimhrim kha.

JOHAN 8:54 ပူးပေါင်းရင်းမြစ်များ

PHUNGTHLÛKBIA 25:27

Khuaihliti tamtuk ei hi a ṭha lo, cubantuk in mi nih amah sunparnâk a kawlmi hi sunparnâk a si lo.

JOHAN 17:1

Cu bia cu Jesuh nih a chim i vanlei zoh in, “Ka Pa, a cân a phân cang. Na Fapa hi thangṭhat ko. Fapa zong nih an thangṭhat khawh nâkhnga.

JOHAN 17:5

Maw, ka Pa, vawlei umhlan in na sinah sunparnâk ka ngeihmi khan, atu ah Nangmah he ka sunparter hrâm ko.

JOHAN 2:11

Jesuh nih i hmelchunhnâk tuah a thawknâk hi Galili ram i Kana khua ah a si: A sunparnâk a langhter i a lamkaltu hna nih Amah kha an zumh.

JOHAN 5:41

Minung conglomh ka cohlang lo.

JOHAN 7:18

Mah ṭawnchawm a chimtu nih amah sunparnâk a kawl, sihmanhsehlaw a thlahtu sunparnâk lawng a kawltu cu midik a si i Amah ah dinlonâk zeihmanh a um lo.

JOHAN 7:39

Cubia cu Amah zumtu hna nih Thlarau an ngeihnâk ding a chimmi a si, Jesuh kha thangṭhat in a um rih lo caah Thiang Thlarau kha pêk a si rih lo..

JOHAN 8:41

Nannih nih nanpa tuahmi nan tuah tawn,” tiah a ti. Annih nih, “Lakfa kan si lo; Pa pakhat Pathian kan ngei,” tiah an ti.

JOHAN 8:50

Mah thangṭhatnâk ka kawl lo. A kawltu le ceihtu pakhat a um.

LAMKALTU 3:13

Abraham Pathian, Isak le Jacob Pathian, kan pupa hna Pathian nih a Sal Jesuh a thangṭhatmi a si; Amah cu nan tlaihter i Pailat nih thlah a timh len zongah nan rak el a si kha.

2 KORIN 10:18

Zeitintiah mah le mah i thangṭhat cu conglomh an tong bal lo. Bawipa nih a thangṭhat ahcun conglomh a tong deuh lai.

1 PETER 1:12

Cuhna nih anmah ca si loin, kanmah ca tu ah rian an rak ṭuan, Van in thlahmi Thiang Thlarau thawngin nan sinah thawngṭha a chimtu hna nih khan cucu an in chimh hna. Cucu vanmi hna hmanh nih hmuh an duhmi cu a si.

1 PETER 1:21

Thihnâk in a thawh tertu le sunparnâk petu Pathian cu nan zumh i nan zumhnâk le ruahchannâk cu Pathian ah a um.

2 PETER 1:17

Zeitintiah Pa Pathian sinin thangṭhatnâk le sunparnâk a hmuh lio ah, Liannganbik sinin aw a rak phân i, “Hihi ka Fapa dawtmi, kâ lawmhnâk bik cu a si,” tiin.