JOHAN 8:42 - Laibaibal Thiang (BSI)

⁴² Jesuh nih, “Pathian nan pa a si ahcun, nan ka dawt lai. Zeitintiah Pathian sin i a chuakmi le, a sinin a rami ka si. Keimah nawlin ka ra lo, Amah nih a ka thlah.

Lai (Hakha) Common Language Bible 2006

⁴² Annih cu Jesuh nih, “Pathian kha nan Pa rak si taktak seh law cu keimah hi nan ka dawt ko hnga, zeicahtiah kei cu Pathian sinin a rami ka si i atu hika ka phan. Keimah duh in a rami ka si lo, amah nih a ka thlahmi ka si.

JOHAN 8:42 ပူးပေါင်းရင်းမြစ်များ

JOHAN 1:14

Bia cu titsa ah â cang i kan sinah khua a sa, a sunparnâk kan hmuh. Pa Fa ngeihchun sunparnâk bantukin, zângfahnâk le biatak in a khat.

JOHAN 12:49

Zeitintiah keimah nawl i a chimmi ka si lo. Pa, aka thlahtu cu ka chim ding le ka phuan ding bia aka petu a si.

JOHAN 13:3

Jesuh nih a kutah Pa nih thil vialte a pêk cangnâk le, Pathian sinin a rat bangin Pathian sinah a kir ṭhân lai ti kha a hngalh,

JOHAN 14:10

Pa i ka um le, keimah i Pa a um hi na zum lo maw? Nan sin i ka chimmi bia hna hi keimah nawlngeihnâk in ka chim lo, keimah i a ummi Pa rianṭuan a si.

JOHAN 16:30

Nangmah nih zeizong vialte na hngalh i hal len zong na herh lo, tiah kan hngalh cang. Hi ruang zongah Pa sin in a chuakmi na si kha kan zumh cang,” tiah an ti.

JOHAN 17:25

Maw, a dingmi ka Pa, vawlei nih an hngal lo i keinih cun kan hngalh, hi hna zong nih naka thlah tihi an hngalh ve cang.

JOHAN 17:8

Zeitintiah naka pêkmi bia kha an sinah ka pêk cang; cucu an i nunpi i na sinin a chuakmi ka si hi fiang tein an hngalh cang, Nangnih naka thlah ti zong an zumh cang.

JOHAN 3:17

Zeitintiah vawlei sualphawt awkah Pathian nih a Fapa vawleiah a thlah lo, vawlei hi Amah thawngin khamh a si khawh nâkhnga a thlahmi a si.

JOHAN 5:23

Mi vialte nih Pa an upat lai i Fapa zong an upat nâkhnga. Fapa a upat lomi pauh cu a thlahtu Pa upat lo a si.

JOHAN 5:43

Ka Pa minin ka ra i nan ka cohlang lo, midang anmah min in ra hna sehlaw, nan cohlan hna lai.

JOHAN 8:14

Jesuh nih a leh hna i, “Ka kong i hngalhter hmanhning law, ka hngalhtermi bia hi a dikmi a si, zeitintiah khawzei in dah ka rat i khawzeiahdah ka kal lai kha ka hngalh, nannih nih ka chuahnâk le ka kalnâk ding nan hngal lo.

1 KORIN 16:22

Mizei pauh nih Bawipa Jesuh Krih a dawt lo ahcun chiatserh in um seh. Maw, Bawipa ra ko cang.

GALATI 4:4

Asinain a tlingmi cân a phâk tikah, Pathian nih a Fapa cu a run thlah, nu hrin nâkin, nawlbia tangah a rak chuak,

1JOHAN 4:14

Pa nih Fapa cu vawlei khamhtu bangin a thlah tiah kan hmuh i kan hngalhter fawn.

1JOHAN 5:20

Pathian Fapa cu a ra i a dikmi Amah kha kan hngalh khawhnâk dingah hngalhthiamnâk a kan pêk cang ti kha kan hngalh. Kannih cu a Fapa Jesuh Krih a dikmi Amah ah khan kan um. Hihi Pathian dik le zungzal nunnâk a si.

BIAPHUAN 22:1

Cun nunnâk tiva a fim tak takmi crystal lungvar bangin a fiangmi Pathian le Tuufano bawiṭhutdan in a rak luangmi kha a ka hmuhsak.