JOHAN 8:29 - Laibaibal Thiang (BSI)

²⁹ Aka thlahtu cu ka sinah a um. Pa nih keimah lawng aka umter ballo, Amah duhnâk ka tuah tawn caah,” tiah a ti.

Lai (Hakha) Common Language Bible 2006

²⁹ A ka thlahtu cu ka sinah a um i a duhmi kha ka tuah zungzal caah a ka kaltak bal lo,” tiah a ti.

JOHAN 8:29 ပူးပေါင်းရင်းမြစ်များ

MATTHAI 17:5

A chim lioah khan, zohhmanh, a rângmi minmei nih a tuam hna i chikkhatteah minmei chungin aw pakhat a hung chuak, “Hihi Ka Fapa dawtmi a si, Amah bia kha ngai u,” tiah a ti.

MATTHAI 3:15

Asinain Jesuh nih, “Atu ah rem ti ko, dinnâk vialte zulh dih hi kan caah â tlakmi a si,” tiah a ti i Johan nih rem a ti.

MATTHAI 3:17

Cun ngaihmanh, van in aw a rung chuak i, “Hihi ka Fapa dawt, ka lawmh tukmi a si,” tiah a ti.

JOHAN 14:31

Asinain keinih Pa ka dawt le Pa nih nawl aka pêk bantukin thil ka tuah tawn ti hi vawlei nih a hngalh khawh nâkhnga caah a si. Tho tuah u, hi ka hin kal tuah u sih.

JOHAN 15:10

Nannih nih ka nawlpêkmi nan zulh ahcun ka dawtmi in na um peng lai. Kei zong ka Pa nawlpêk ka zulh i a dawtmi in ka um peng bantukin.

JOHAN 16:32

Mah long cio in nan kal i keimah lawng nanka chiah cân a phân cang ai, asi, a phân cang. Asinain keimah lawng ka si lo, ka sinah Pa a um peng ko.

JOHAN 17:4

Vawlei ah kan thangṭhat cang. uan awkah naka pêkmi rian zong ka lîm cang.

JOHAN 4:34

Jesuh nih, “Ka rawl cu aka thlahtu duhnâk tuah le a rian lîm hi a si.

JOHAN 5:30

Keimah lawngin zeihmanh ka tuah kho lo, hnâ i ka theih ning tein bia ka ceih tawn. Mah duhnâk i um loin aka thlahtu Pa duhnâk i um ka timh peng caah.

JOHAN 6:38

Zeitintiah mah duhnâk tuah awkah van in a rami ka si lo, aka thlahtu duhnâk tuah awkah a rami ka si.

JOHAN 8:16

Ceih hmanh ning law, ka biaceihnâk cu a dik lai, zeitintiah keimah lawngin ka um lo, aka thlahtu he kan umṭi.

2TIMOTE 4:17

Asinain Bawipa nih a ka dirpi i thazâng a ka pêk, cuticun Gentel mi vialte theih khawh in thawngṭha ka chim khawhnâk cu a si. Cuhlei ah chiandeih kâ chungin khamh ka si.

2TIMOTE 4:22

Bawipa Jesuh Krih na thlarau sinah um ko seh. Zângfahnâk na sinah um ko seh. Amen.

HEBRU 4:15

Zeitintiah kan derthawmnâk a kan ruahpiak kho lotu Tlângbawi Ngan a ngeitu kan si lo, kanmah bangin a phun kipin tukforhnâk a rak tong nain, a sual lomi ngeitu kan si.

HEBRU 7:26

Zeitintiah cubantuk Tlângbawi Nganbik, a thiangmi, fahnâk pe ballo, thûrter lomi, misual hna sin in thleidanmi, van nâkin a sâng deuhmi cu kan ngeih awk ah â tlakmi a si.

1JOHAN 2:1

Ka nau le hna, sualnâk nan tuah nâkhnga lo, hi thil hna hi nan sinah ka ṭial. Cun mi pakhat khat nih sualnâk a tuah ahcun, Pa sinah chimpitu, a dingmi Jesuh Krih kan ngei.

1JOHAN 3:22

Cun kan halmi kip kha a sinin kan hmuh, zeicatiah a nawlpêkmi kan zulh i a mit hmuh ah a lawmhnâk thil kha kan tuah caah a si.